الموضوع: تتجوزي واحد متجوز ؟

1- لو انتي مش متجوزه لأي سبب، واتقدملك واحد متجوز وسألتي عليه لقيتيه فيه كل المواصفات اللي تتمنيها غير إنه بيعامل مراته الأولى كويس وناجح جدا في حياته الأسرية

هل هتوافقي ولا هترفضي وبشدة ؟؟

الاقتراح الأولاني...ممممممممممم

لأ...بالرغم ن ان الزيجة التانية هتكون ناجحة لان الزوج هيحاول يتجنب المشاكل اللي تسببت فلمرة الأولي

لكن برده لأ...لان جزء منه مش هيكون لي...هيكون لزوجته السابقة واولاده...يعني محتاجة تضحية كبيرة ان واحدة يبقي ليها جزء من كل

دا غير ان عمري متوقع ان اكتر الايام المفروض تكون سعادة بالنسبة لي..ممكن يكون أسوأ الايام وأكثرهم جرحا لإنسانة تانية...

------------------------------

لو انتي متجوزة وجوزك اتجوز عليكي واحدة في مستواكي الإجتماعي والعمري والاقتصادي ومتكافئة معاكي لا أقل ولا أكثر

وجوزك ده كان بيعاملك بكل حب واحترام ورعاية ومش مقصر معاكي ولا مع البيت ومن الآخر وكل الستات يحسدوكي عليه

هل هتطلبي منه الطلاق والعياذ بالله أو تشترطي إنه يطلق التانية علشان تستمري معاه

ولا هتقولي ده شرع ربنا وحقه والمهم عندي يعدل بيننا وما يقصرش معايا وما يحسسنيش بوجودها أو يحاول يغيظني ويقلل مني ؟؟[/color]



]

أما بقي السؤال التاني..فنا هطلب الطلاق فعلا وعمري مهشترط عليه يطلق الاخري..لان مش هيكون عندي اي استعداد اعيش معاه تاني

ليس انتقاصا من حقه..ولاتشكيك ف شريعة الله

وانما هحس بيني وبين نفسي انه _خاين_ دا غير ان مستحيل حد يكون بيحب زوجته وهيتجوز عليها مهما كان السبب...وطالما مفيش حب..تستحيل العشرة

ملحوظة الله يكرمكم بلاش حد يقنعني بعكس كلامي لان دا مش رأي دا واقع استحالة تغييره..يعني مفيهاش اقتناع وعدم اقتناع..انا قلت الحقيقة من غير زواق

بس...هه

لا مش هتجوز واحد متجوز و لا غير متجوز :)

اكتفيت بعد الذل اللي شفته :(

بس طول ما انا كنت متزوجه ماكنش عندي اي مانع انه يتزوج واحده تانيه

طيب اعترف اعتراف انا كنت في قرارة نفسي بتمني انه يطلب الطلب دا علشان يحل عني شويه

والله بجد مش بهزر ههههههههههه لدرجة اني شكيت في نفسي

و ربنا يجازيه بئي بما هو اهله

طبعا مش هقدر اقول لو كنت متزوجه من واحد مسئول ومحترم و بيقدر الحياة الزوجيه هل هيكون دا بردوا تفكيري

و لا فعلا الراجل هو اللي بيطهق الزوجه لحد ما تقول حقي برقبتي