+ 900
أنا هربت منيهم
عرض للطباعة
احسن حاجة انك محاولتش تدبس حد من معارفك
هتخسر الفلوس وتخسره
Brain-wash
جزاك الله خير على النصيحه الصادقه و ربنا دايما يغنيك بالحلال و يبعد عنك الحرام و يسد عنك دينك يا رب
أكيد ممكن حد ميقتنعش ، بس الي أقصده إن الـ Presentation بتاعتهم مش ارتجالية
دي مدروسة باحترافية شديدة ، وبتلعب على عواطف وغرائز الإنسان
وبالتالي لو الي بيقنعك التزم بالقواعد وكان أسلوبه كويس ، غالباً هتقتنع
هيا بالظبط نصباية ووجع دماغ .. شغلتك بتبقى النصب على الناس
آه حوار الساعة ده في شركة GMI ، نفس النظام بردوا بس بفلوس أقل
وعلى فكرة كله بيكسب ، بس مكسبك إنك تدبس غيرك .. وهكذا
ربنا يبارك فيك يا باشا ، يا ريت كل الناس متخليش الدولارات تعميها ، وتفكر في دينها وبلدها قبل كل حاجة
تمضى الحياة ويستمر الزمن والناس ما ببتعلمش من خبرات بعض هههههههههههه
انا كنت فى شركة تانيه بقى سنة 2000 - 2002 كان اسمها biznas
وكان ايه نفس الهبل وبتبيع ايه بقى موقع انترنت ودومين وايميل 50 ميييييييييييييججججججججججا ااااااااااااا
كان اختراع دا ايامها
وكان الباكج دى بـ 700 جنيه على ما اتذكر مش غاكر كام بالظبط
واول محاضره حضرتها لقيتهم جايبين واحد طالب اصغر منى بتلات شهور فى صيدله راكب البيبي وداخل علينا ودا ايه كبيرهم الذى علمهم السحر دا اللى كل الجروب بتاعتنا خارجه من تحته وهوا تالت واحد فى مصر يدخل بيزناس
بس يا معلم وباقى الهرى كله واحد نفس التصرفات ونس الخزعبلات
بس والله الباكج كانت حلوه هههههههههه
بس احنا بقى كنا الرعيل الاولفى الحوارا دى - دا غير استمارات المليونير ههههههههههه فكرتنى باللذى مضى
انا كدا هاقلب دراما واحسسكم انى عندى 60 سنه - مش كدا والله بس انا كنت غاوى جنان وهبل من صغرى وكنت احب قوى انى يتنصب عليا هههههههههههههههههه
ودمتم زى الفل
الله يسلمك :grin21:
والموضوع الي انت بتقول عليه ده اتقالي عليه في التدريب ، وقالولي لو حد سألك السؤال ده
تقله إن نسبة المواليد مش عارف كام مليون كل شهر ، وبالتالي مستحيل كل الناس تكون دخلت QNET
فيه جزء كامل في التدريب اسمه Objection Handling
أي شكوك ممكن تيجي في بالك ، بنبقى جاهزين للرد عليها بأسلوب مقنع جداً
والله يا باشا أنا خدتها بنية "من ترك شيئاً لله"
ولا فلوس الدنيا والآخرة تسوى رضا ربنا على الواحد
ونورت الموضوع يا باشا :welcome2:
ربنا يجزيك خير يا رب يا دكتور .. ومتشكر أوي على الدعوة الحلوة دي :giveflowers:
من ضمن الحاجات الي بيحاولوا يقنعوك بيها ، إن الشغل في الشركة دي بيزود التعاون والصداقة :lovlie02[1]:
لكن لما بدأت شغل وجدت العكس تماماً ، الكل بيتخانق على الزبون ، وتبقى كاره زميلك عشان خد زبون منك :argue2:
ووالد حضرتك عنده حق تماماً ، دي ناس لبست في الحيط :durak: ومش عايز يغرق لوحده ، فبيجر أي حد معاه
الحمد لله الذي عافانا
الجري نص الجدعنة :Ta_clap[1]:
أنا حسيت بخطورة الموضوع مع أول واحد كلمته ، الراجل اقتنع بشدة لدرجة إنه قالي هيبيع عربيته عشان يدخل الموضوع ده :bigeyes02:
قلتله لأ يا عم مش للدرجة دي :no2:
انت هتشيلني ذنبك ليه ، اعتبر إنك مسمعتش مني حاجة خالص
بس بجد الحمد لله فعلاً إني مدبستش حد وخلعت بدري بدري بأقل الخسائر
لأني لو كنت دخلت حد ، مكنتش هستريح نفسياً إلا لو اديته الـ 4500 جنيه في إيده ويا دار ما دخلك شر
Mega Brain-Wash :alien45:
وجزاكم إن شاء الله :orangeabli:
وخزائن الله لا تنفذ وقادر يرزقنا كلنا من الحلال
تعالى هنا اقعد جنبي :C_laugh[1]:
أنتم السابقون ونحن اللاحقون :first:
في QNET يقعد يقلك إحنا مش زي بزناس ، إحنا ناس عالميين ، إحنا معديين ، إحنا مجبتناش ولّادة
ولو جت شركة تانية بعد QNET هتسمع نفس الكلام
ربنا يسترنا دنيا وآخرة يا رب :duh2:
يااااااااااااه
الموضوع ده من زمان اوي و انا بسمع عنة
كان من سنة 2000 تقريبا في شركة اسمها بيزناس و فاتحة مكتب في اركاديا
و كان ليا واحد صاحبي عمال يقنعني اني اشترك معاهم
ساعتها كانوا بيبيعوا فصوص الماظ باين
اقل اشتراك كان تقريبا 900 جنيه
طبعا كان مبلغ هلامي بالنسبالي في الوقت ده
كنت في اولي جامعة و باخد مصروف من ابويا 80 جنيه في الاسبوع
يعني 900 جنيه دول يقضوني مصاريف لحد ما اتخرج و اتجوز بيهم كمان
نصب في نصب اساسا
و عمري ما شوفت او سمعت عن حد كسب من وراهم
كل اللي بيحاولو يقنعوك تلاقيهم بيشاورولك علي واحد ماشي هناك و يقولك اهو ده معاه عربية مرسيدس و كان من سنه واحدة جزمتة مقطعة
اي كلام في رغيف
المهم يا ريس سيبك انت
اسلوبك في الكتابة ظريف جدا
+111111اقتباس:
انا ابويا قلها ليا....دول ناس لبسوا فى الحيط خلاص و طريقة الحد من خسائرهم الوحيدة هى محاولة اقناع ناس تانية بالعافية و مش هيفكرو فى موضوع الصحوبية و الكلام ده لان هدفه الوحيد دلوقتى هو انه فلوسه مترحشى عليه ! عايز يلبسك و خلاص