MiniDrivers - Chapter 4x10 - 2012 German Grand Prix - YouTube
عرض للطباعة
نحسسسسسسس :(((((
YESSSSSSSSSSSSSSSSSSSSSSSSSSSSSSSS
MMamdouh
دا على اساس ان فالنسيا كان حظ حاجة تانية؟ ما فيتل كان راكب السباق و فى الاخر الدينامو هو اللى عطلة
و فى كندا رزعوا فيتل بينالتى وهمى نزلة من تانى لمركز خامس مع ان هاميلتون عدى روزبرج برة التراك فى البحرين و محدش قالة تلت التلاتة كام
و فى مونزا رزعوة بينالتى برضة مع ان نفس الحركة بالمللى اتعملت السنة اللى فاتت و الونسو محدش جة جنبة و برضة فى الاخر العربية ماتت
و لو بصيت لحق ربنا دة مش سباق هاميلتون خالص... فيتل معلم علية فى البراكتس بتاع الجمعة و السبت و الكواليفاينج هو اللى قلش منة و فى السباق كان فيتل هيحصلة و يطلع منة
خللى بالك ان هاميلتون عندة مشكلة كبيرة و هى انة... مش عارف اسمها ايه بالعربيى انما بالانجليزى he is overdoing things... دايما هتلاقية هو اللى بيعمل لوك فى الفرامل و هو اللى running wide و فى سنغافورة خبط السور و انا متاكد ان دة له دخل بالعطل اللى حصلة... و دة السبب انك دايما تلاقية اما متقدم جدا جدا او يخرج من السباق... و دة السبب ان واحد زى الونسو هو اللى متصدر البطولة مع ان عربيتة ابطاء من الريد بول و المكلارين
عموما المشوار لسة طويل و ان كنت مرجح ان الونسو هو اللى يحسم بطولة العالم و ريد بول تحسم بطولة الصانعين و هاميلتون هيفضل فى مكلارين
MMamdouh
الافضل لهاملتون انه يفضل مع الماكلارين ويسيبه من الهبل بتاع المرسيدس
---------
كان فيه شكوى ان علبه التروس بتاعته بتسخن بعد التاهيل والفريق جازف ومغيرهاش علشان ميرجعش 5 مراكز وادى النتيجه
--------
he is overdoing things فعلا كلامك مظبوط وده اللى بيعجبنى فيه
رغم ان الهدوء والعقل هم اللى بيكسبوا فى الاخر :(
مهو طالما الهدوء و العقل بيكسبوا يبقى over doing things is wrong
MMamdouh
وهو ده اللي بيدي رياضة الفورمولا 1 المتعة لأن الرياضة ده حسابات العقل مطلوبة لكن لو كل السائقين استخدموا الهدوء والعقل حنتفرج على عربيات بتلف حولين بعضيها وتضيع متعة الفرجه على السباقات اللي هي مبنيه على المجازفة والمبالغة في بعض التصرفات لازم يبقى فيه اخطاء من كل السائقين واخطاء من الفريق .اقتباس:
he is overdoing things
الونسو وفيتيل خسروا كتير في كندا بسسب خطأ في استراتيجية الفريق ومجازفة هاميلتون هي اللي خلته يفوز بالسباق الكندي مثلا ،،،،،،،،،، هاملتون خسر في سينغافورة بسبب خطأ من الفريق انه مرضاش يغيره علبة التروس طمعا في البول بوزيشن والنتيجه انه خرج بعد 1/3 السباق
مجازفة متهورة من جروجان في سباق بلجيكا تصل الي حد الخطأ خرجت الونسو وهاميلتون من السباق ،،،،،،،، وغيرها من المواقف .
لكن عموما فاضل 6 سباقات ب 150 نفطه ممكن تغير شكل البطولة بالكامل ،،،،،،،،من وجهة نظري ان بطولة 2012 من اجمل المواسم اللي اتفرجت عليها
فيه فرق كبير بين over doing things و taking calculated risks
يعنى مثلا الونسو مش بيمشى جنب الحيط فى السباق بل بالعكس بيهاجم و يتخطى منافسية بس بيبقى حاسب كويس المخاطرة اللى بيعملها و دة بيخللية يخلص على البوديوم او على الاقل فى النقط و دة السبب انه فى المركز الاول حاليا
بعكس هاميلتون مثلا فى سباق فالنسيا دخل نفسة فى ازمة مع مالدونادو مع انه عارف كويس اوى ان مالدونادو هيعدى منة كدة كدة و كانت النتيجة انه خرج من السباق بعد ما كان هيبقى فى المركز الرابع
انا شايف ان هاميلتون بيبص تحت رجلية و بيفكر فى العربية اللى هو عايز تجاوزها او العربية اللى بتحاول تعدى منة اكتر بكتير من نتيجة السباق و نتيجة بطولة العالم و هو عندة استعداد يضيع السباق او البطولة لمجرد انة يتجاوز عربية او يمنع عربية من انها تتجاوزة
MMamdouh
يا محمد انا ماقلتش ان الونسو بيمشي جنب الحيط ،،،، او ان المجازف الوحيد في البطولة هو هاميلتون ،،،اقتباس:
فيه فرق كبير بين over doing things و taking calculated risks
يعنى مثلا الونسو مش بيمشى جنب الحيط فى السباق بل بالعكس بيهاجم و يتخطى منافسية بس بيبقى حاسب كويس المخاطرة اللى بيعملها و دة بيخللية يخلص على البوديوم او على الاقل فى النقط و دة السبب انه فى المركز الاول حاليا
بعكس هاميلتون مثلا فى سباق فالنسيا دخل نفسة فى ازمة مع مالدونادو مع انه عارف كويس اوى ان مالدونادو هيعدى منة كدة كدة و كانت النتيجة انه خرج من السباق بعد ما كان هيبقى فى المركز الرابع
انا شايف ان هاميلتون بيبص تحت رجلية و بيفكر فى العربية اللى هو عايز تجاوزها او العربية اللى بتحاول تعدى منة اكتر بكتير من نتيجة السباق و نتيجة بطولة العالم و هو عندة استعداد يضيع السباق او البطولة لمجرد انة يتجاوز عربية او يمنع عربية من انها تتجاوزة
mmamdouh
انا كل اللي قصدته ان متعة السباقات بتيجي من المجازفات غير المحسوبة ،،،،،،،،،
مثلا كلنا بنشد بعربياتنا وكلنا نعرف ان اخطر حاجه انك تاخد غرزه يمين وتكون قريب من الرصيف لان من الممكن انك تلاقي عربية واقفة او ميكروباس بينزل ناس ومع ذلك بتلاقي نفسك بدون تفكير في اوقات كتير بتعمل كده علشان تطلع من اللي بيشد معاك ،،،،، ومرة تصيب ومره تخيب وتلاقي نفسك بتفرمل على الاخر ولو عديت بتحس بنشوه انك علمت عليه وربيته ،،،،، مهع فارق التشبيه اصلا ،،،،