-
العربية جابت نصف موتور
السلام عليكم ورحمة اللة وبركاتة
وانا راجع من اسكندرية سمعت صوت طقة والعربية بطلت وركنت على جنب ولقيت الزيت كلة على الارض شيلتها بالونش للميكانيكى وقلى الpl انكسر والموتور انكسر وهتحتاج نصف موتور مع انى لسة مغيرلها طقم شنبر وصباب من اسبوعين
هل اقوم بتغيير نصف موتور فقط ولا موتور كامل احسن ولو حد يعرف مكان اشتريه منة بسعر كويس و شكرا ؟
العربية تريوس 99 مانيوال
هل يمكن تحويلها الى اوتوماتيك؟
-
لو حتغير موتور ممكن تجيب موتور استعمال بالجيربوكس بتاعة اوتوماتيك من بورسعيد
وبالتوفيق
-
لو حضرتك تقصد بال Pl ان البيل إنكسر !!
- شوف حضرتك لو مكنش حد مد إيده في الموتور وحصل الكلام ده لموتور قديم وبيسخن كتير كنت هقولك عادي .. ال fatigue بيعمل أكتر من كده كمان.
- لكن طالما الميكانيكي غيرلك طقم شنابر .. فهو ده السبب ..خطأ من الميكانيكي
اللي حصل ان الميكانيكي ربط مسامير النهاية الكبري للبيل في الكرنك غلط .. ده عيب تربيط crankpin
باختصار عمل حاجة من اتنين (يا إما قرط على مسامير البيل بزيادة وبغباء - أو نسي يقرط عليهم)
رأيي: انك تجيب موتور كامل أحسن ، لان لما بيل ينكسر أكيد بيأثر على حاجات تانية كتير (زي الكرنك والسلندر والبستم).
وبلاش موضوع التحويل إلى أوتوماتيك لأن دوشته كبيرة والنتائج ممكن متعجبكش.
ولو دواسة الدبرياج تعباك ، فلما تيجي تغير طقم دبرياج فيما بعد .. هات نوعية كويسة (ديسك واطي وريش عالية) وفي نوعيات موجودة هتخليك تنسى تعب المانيوال ده نهائي - أذكر منها valeo إنجليزي أو Map تركي.
والله أعلم.
-
على فكرة الموضوع دة غلطة من الميكانيكى طالما البيل كسر الفرغة يبقى المسامير مكنتش مربوطة كويس او مسمار اتقطم نتيجة الربط الزيادة وانا لو منك احمل الميكانيكى غلطتة
الحل موتور استيراد وبلاش نص موتور لان دوشة المور واحدة سوا جبت بلوك او جبت موتور كامل لان رقم الموتور على الفارغة اللى بسلامتة كسرهالك
-
لو وش السلندر عندك سليم غير النص التحتاني فقط ومفيش داعي لمصاريف زيادة
والعربية ممكن تتحول اوتوماتيك عادي بس تلاقي حد ياخد منك الفتيس القديم بتاعك ويديك الفتيس الجديد ويدفعك الفرق بس وغالبا الفرق حيبقي بسيط
والموضوع مش تغيير فتيس بس
دا فتيس ورداتير وقواعد و ضفيرة دا كله تبدله
-
شكرأ لكم جميعا ولأرئكم القيمة والمفيدة
1 وانا فعلا قولتلة دى غلطتك ولكنة انكر بشدة وقالى لو مكنش متقرط عليهم كنت تسمع صوت سكسكة ودة فعلا مسمعتوش دى كانت صوتها معقول والموضوع حصل فى ثانية
2 للامانه هو فعلا العرية كان فيها سخونة من الاول وانا كنت راجع مبسوط بالعربية وماشى على 140-120 فهل ممكن يكون دة السبب
3 لو حد يدلينى على مكان اجيب منة نصف الموتور وسعرة يكون حنين أحسن انا لسة مصريف طقم الشنبر مبيردش
4 لية لازم اغير كبالن وريداتير لو هحول اوتماتيك
وقدر الله وما شاء فعل
-
لأن الفتيس الاوتوماتيك ليه تبريد زيه زي الماتور وبيتوصل بالريداتير ولازم تغير كبالن كمان لأنها بتبقي واصلة بالفتيس وكمان حتغير العدادات وعصاية الفتيس والدواسات.. وكل دا سهل بس لو لقيت حد يبدل معاك الحاجة اللي انت عايزها زي ما قلتلك
وهات نص الماتور من وكالة البلح او من الحرفيين بس اعتقد الوكالة ارخص
-
أزادك الله علما وخبرة وأفادنا منهم شكرا جزيلا
Content Relevant URLs by
vBSEO 3.6.0 PL2