تقطيعة فى السلانسية

**mody1221** · 10-09-2011 10:50 PM

السلام عليكم
باختصار عندى تقطيعة الصبح بتكون واضحة اوى ف الصبح وف السلانسيةوهيا واقفة ولما ازود بنزين التقطيعة تبان اوى.غيرت بوجيهات والمشكلة لسة موجودة بس لو العربية سخنت كويس التقطيعة بتروح والميكانيكى قاللى سلوك البوجيهات سليمة و المشط يقطع فى السرعات ويعمل نتشة وانت ماشى ودة مش عندى ارجو الافادة من الناس الخبرة

**adhamhossam** · 11-09-2011 03:29 AM

السلام عليكم ورحمة الله و بركاته
أخي الفاضل نفس مشكلتك دي حصلت معايا من فترة و كان الحل كما يلي
قم بتغيير الموبينة و خلي القديمة معاك ماترميهاش و يفضل لو تجيب موبينة إستيراد ب 30 أو 40 جنيه أفضل من الجديد و أكفأ
و ان شاء الله مش هيبقي في أي نتشة او تقطيعة
و لو إستمرت المشكلة يبقي هتحتاج تضبط تاكيهات عند ميكانيكي بيفهمممممممممممممممممم و حط تحت كلمة بيفهم دي 100 خط
عشان مش اي ميكانيكي بيعرف يضبط تاكيهات
و لو حبيت تصيع عليه و توريله انك فاهم قوله أضبطلي التاكيها علي ( 30 - 25 ) دة رقم التاكيهات المضبوطة

**adhamhossam** · 11-09-2011 06:14 PM

المشاركة الأصلية كتبت بواسطة mody1221

استاذ ادهم الف شكر على اهتمامك انا حشترى موبينة جديدة ان شاء الله ويارب المشكلة تتحل
وتسلم ايدك على المعلومات.

بلاش تشتري جديد إسمع كلامي
الجديد مش هيكمل معاك
اقولك علي حاجة انا عندي اتنين جوداد لانج خدهم يا عم طالما انت عايز تشتري جديد هههههه

**zamalekwebas** · 14-09-2011 10:48 AM

وبالمرة اظبط الاسبراتير لو كان التقطيع بيزيد مع الوقت

يعني كل ما تمشي كتير التقطيع يزيد

**kamal_adly** · 14-09-2011 09:20 PM

انا عندى نفس العطل دا فى الشاهين بعد ما غيرت البوجيهات و نظفت الكاربراتير مازال العطل موجود و هو تنتيش مع السلانسية و رعشة بسيطة فى مؤشر الار بى ام - السؤال هنا ازاى اكشف على الموبينة و اعرف ان العطل منها ؟؟؟

**Zika9909** · 15-09-2011 07:38 PM

أنا عندي نفس المشكلة و مش لاقي لها حل، بالإضافة إلى إن البوجيهات لما غيرتها تاني يوم لاقيتها مهببة بس سيبتهم ماغيرتهمش تاني.
ياريت لو حضرتك عرفت المشكلة منين تقول لنا.