ببساطه انته عايز ايه؟ انته دلوقتي بتقارن الهوندا السيفيك بالسوبارو امبريزا.. و بما ان السيفيك مفيش منها مانيوال حاليا.. يبقى انا هافترض انك بتقارنها بالامبريزا الاوتوماتيك يعني فرق السعر حوالي 18000 جنيه (140000 هوندا و 122000 سوبارو) الكماليت في الاتنين هيه هيه ما عدا ان السوبارو فيها جنوط سبور 15 و الهوندا مافيهاش جنوط سبور. السوبارو فيها كاسيت و سي دي شانجير و الهوندا سي دي بس.. السوبارو تكيف اوتو..مش عارف السيفيك فيها و لا لأ.. بس على ما اذكر مافيهاش. بس عموما تقدر تعتبر كماليات الاثنين زي بعض.
الهوندا تتميز بموتور اقوى (120 حصان) لكن السوبارو 95 حصان (الموديل الجديد 105) فبالتالي موتور هوندا اقوى.
الهوندا عفشتها ببساطه "هوندا" يعني اكيد ممتازه بس عفشه السوبارو رائعه... منتهى القوه و النعومه في نفس الوقت.
طول عمرنا عارفين ان الهوندا راسيه جدا و لكن السوبارو لا تقارن بسيارة اخرى في هذه الفئه بالنسبه للثبات .. ثبات لا يوصف و السبب الاساسي لده هوه الدفع المستمر باربع عجلات و اللي مش موجود في اي عربيه 1600 تانيه, ده بالآضافه للموتور البوكسر اللي مخلي مركز تقل العربيه قريب جدا من الأرض مما يزيد من ثباتها.
قطع الغيار اظن الاتنين قريبين جدا من بعض (ده لو مكانتش السوبارو ارخص)
توكيل سوبارو محترم و رايق جدا (ابو غالي), توكيل هوندا (الفطيم) اظن انهم ناس كويسين.
في الآخر يبقى السؤال.. انته عايز ايه؟
انا تحت امرك في اي استفسار تاني.
المفضلات