بيجو بره التوكيل

**shark_3li** · 11-09-2011 12:11 AM

طبعا أنا مقدرش أقول إن التوكيل وحش التوكيل بيعمل الصح في العربية وبتكون ضامن العربية وهي هناك ومتأكد انهم هيصلحو العيوب اللي فيها بغض النظر عن السعر اللي هتدفعوا وحُط خط تحت اللي هتدفعوا لأن مفيش اتنين مختلفين على إن توكيل بيجو من أغلى التوكيلات في مصر
طبعا في ناس راضية بالاسعار بتاعت التوكيل مقابل راحة البال وإنهم بيكونوا مطمنين على العربية
بس في ناس طبعا شايفة الاسعار مبالغ فيها وانهم ممكن يوصلوا لنفس النتيجة بره التوكيل بسعر اقل بكتير وانا إلى حد ما من الناس دي
بغض النظر عن المقدمة الطويلة دي أنا عامل الموضوع ده عشان نجمع فيه عناوين وتليفونات الناس اللي بيوصلونا لنفس نتيجة التوكيل بأسعار اقل زي الميكانيكية وبتوع الكهربا وبتوع العفشة والتكيف وكل ال ليه علاقة بالعربية البيجو وفي طبعا ناس عندها كل ده في مكان واحد بس أهم حاجة في ده كله إنها تكون ناس شغالة في البيجو بس يعني مش ميكانيكي شامل يحط ايده في أي عربية وطبعا يكون عنده الامكانيات والأجهزة اللي يقدر يشخص بيها الاعطال . فياريت لو أي حد بيتعامل مع واحد واثق فيه وشايف إنه بيفهم يحط عنوانه ورقم تليفونه عشان كلنا نفيد بعض . وأنا هبدأ بالبشمهندس اللي اتعاملت معاه وكان كويس جدا

اسمه فريد شوقي موجود في مدينة نصر الحي العاشر في الشارع بتاع بنزينة كار جاز ورقم تليفون مهندس شغال هناك هو 0122735322
يا ريت كل الناس تشارك في الموضوع ده لانه مش هيكمل غير بمشاركتكم

**aymankhallaf** · 12-09-2011 10:15 PM

انا بتعامل معاه من ساعة ما جبت البيجو وهو كويس بس مشكلته تأخير السيارة وممكن تبات عنده كمان بيشتغل من الساعة 4 عصرا الى منتصف الليل يعنى لو عندك مشكلة بتفتضل مركون لغاية ما يجيى كمان هو بيعمل كل حاجة ميكانيكا وكهربا وعنده قطع الغيار زى ما انت عاوز والكشف بالكمبيوتر

**aymankhallaf** · 12-09-2011 10:17 PM

الرقم اللى حضرتك حطه دا رقم بيسو اخو فريد

**MuhamedNabil** · 13-09-2011 09:00 AM

طيب ايه اخبار المصنعيات عند فريد شوقي حد يقلنا كده حاجة على سبيل المثال
انا بصراحة مش بتعامل مع حد معين زائد ان فى حجات بعملها بنفسى زي البوجيهات و تيل الفرامل الحجات الخفيفة دى

و انا مرة غيرت قعدة الماتور الكبيرة العلى الشمال فوق هى و قعدة الجير بوكس التحت البطارية عند واحد فى اخر شارع دمشق فى التقاطع الفيه المدرسة و هو جنب كشك كده اخد منى 80 جم و انجز جدا

**benmatar** · 13-09-2011 12:26 PM

أحمد عمــــــارة في مصر القديمة عند مرور عين الصيرة .... أحسن من التوكيل في المصنعيات والشغل والسرعة وأسعاره أقل من التوكيل بس أعلى من الورش العادية طبعا... اتعاملت معاه كتييير في 406 و 405 بعد تجارب لاحظت إنه أحسن من وجيه أباظة بجد من حيث أداء المهام والصيانات بسرعة واكتشاف الأعطال أسرع... والدليل كمية الموديلات اللي عنده بداية من 504 السبعينات وحتى 407 و 307 2011، والحذر كل الحذر من مركز الجيزة أول شارع الهرم.

**shark_3li** · 13-09-2011 07:50 PM

تمام هو ده رقم بيسو اخو مهندس فريد انا مكنتش اعرف انو اخوه عشان كدة كتبت مهندس شغال هناك
بالنسبة للمصنعيات انا غيرت عنده قبل كدة تيل فرامل خد ٤٠ جنيه و كنت انا الجايب التيل و بعد كدة زودت زيت الفتيس و صلحت طلمبة الباور و خد مصنعية ٦٠ جنيه بس تصليح الطلمبة طبعا خد عليه مبلغ كبير شوية ٦٠٠ جنيه بس ده لان الكنترول كان بايظ و هو صلحه يعني لو كنت روحت التوكيل كان هيقولي غيرها و كانت دخلت في اكتر من ٢٠٠٠ جنيه زيت الفتيس عنده ب ١٦٠ جنيه بتاع ال ٣٠٧
دي شوية اسعار من عند مهندس فريد شوقي لو في حد يعرف حد تاني كويس يا ريت يحط عنوانه و تليفونه عشان لو اي حد احتاج شغل في العربية يرجع للموضوع دة.

**shark_3li** · 13-09-2011 07:57 PM

المشاركة الأصلية كتبت بواسطة benmatar

أحمد عمــــــارة في مصر القديمة عند مرور عين الصيرة .... أحسن من التوكيل في المصنعيات والشغل والسرعة وأسعاره أقل من التوكيل بس أعلى من الورش العادية طبعا... اتعاملت معاه كتييير في 406 و 405 بعد تجارب لاحظت إنه أحسن من وجيه أباظة بجد من حيث أداء المهام والصيانات بسرعة واكتشاف الأعطال أسرع... والدليل كمية الموديلات اللي عنده بداية من 504 السبعينات وحتى 407 و 307 2011، والحذر كل الحذر من مركز الجيزة أول شارع الهرم.

احمد عمارة برضو انا سمعت عنه كتير و كل الناس شكرت فيه حتي والدي زمان كان معاه 504 وكان بيصلحها عندو
هو تقريبا دلوقتي ابنه ماسك مكانه

**AMIRB11S** · 14-09-2011 01:18 PM

المشاركة الأصلية كتبت بواسطة benmatar

أحمد عمــــــارة في مصر القديمة عند مرور عين الصيرة .... أحسن من التوكيل في المصنعيات والشغل والسرعة وأسعاره أقل من التوكيل بس أعلى من الورش العادية طبعا... اتعاملت معاه كتييير في 406 و 405 بعد تجارب لاحظت إنه أحسن من وجيه أباظة بجد من حيث أداء المهام والصيانات بسرعة واكتشاف الأعطال أسرع... والدليل كمية الموديلات اللي عنده بداية من 504 السبعينات وحتى 407 و 307 2011، والحذر كل الحذر من مركز الجيزة أول شارع الهرم.

ممكن أعرف هوا دة مركز معتمد ولا تبع التوكيل و فى امكانية تصليح اى عربية بيجو مهما كان عمرها ؟ يعنى لو 106 موديل 94 لو رحتلو هيقبل ولا هيعمل فيها بن باشا و مش هيرضى زى التوكيل ؟

**eng_asd2000** · 14-09-2011 01:37 PM

يا ريت لو حد يعرف ورشة ميكانيكا وكهربا فى 6 اكتوبر يبقى كدة تمام قوى

**ahmed2y** · 14-09-2011 02:37 PM

فى ميكانيكى ممتاز اسمة محمد زكى لو كان حد يعرفة استاذ فى البيجو هو مكانة فى الاميرية ورقم تلفنونة 0102739292

وفى كمان كهربائى اسمة زكريا هو فى الزاوية هجبلكو رقمة