جزاك الله كل خير
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
بسم الله الرحمن الرحيم
السلام عليكم ورحمة الله وبركاته
و مازالت سلسلة تعالو نعرف مستمرة ع نايل موتورز
و ابشروا ضميري مش موجود نايم
فهنرتاح منه و هنقدر نتكلم براحتنا
ان شاء الله هشرح في الموضوع ايه اللي المفروض نعمله لما نيجي نستلم عربية سواء جديدة او مستعملة
نبتدي ع بركة الله
اولا : استلام السيارة الجديدة
لما بنيجي نستلم العربية طبعا الواحد بيبقي ساعات مش عارف يعمل ايه نظرا لأنه معندوش خبرة
و بيبقي قلقان لا يدبس في عربية فرز 30 ههههههه
فالموضوع ده ان شاء الله هشرح نعمل ايه ساعة استلام العربية
- وقت الاستلام دايما حاول ع اد ما تقدر تستلم العربية بالنهار و خاصة و الشمس عمودية يعني من الضهر للعصر عشان اي حاجة تشوفها كويس
من برة :
- تاخد لفة حوالين العربية و تبص اذا كان فيها اي خبطة او خدوش او مرشوشة او فروق
و لو الاستيكر الابيض ده موجود شيله في ساعتها عشان لو فيه حاجة مستخبية كده و لا كده
و تبص تحت العربية لتكون في حاجة ملحومة في العرية من تحت او صدأ
الابواب لما بتتقفل مظبوطة ول ا فيه فرق
كله تمام التمام مفيش خبطات و لا خدوش و لا حتة رشة و لا فروق في الصاج و الاكصدامات
مفيش حاجة و مربوطة كويس و لا لحام و لا صدأ
الكاوتش كله جديد بشوكه
وقفة العربية بشكل عام من بعيد و لا معوجة او تحس انها عرجة
يبقي البداية مبشرة
من جوة :
- نمسك الابواب كلها باب باب نشوف
- الفرش او الفيبر يعني متقفل مش مكسور ولا مشروخ و لا حتة مفكوكة
- الازاز سليم بيطلع و بينزل بدون مشاكل و لا بتسمع صوت تزييق و الاكرة شغالة كويس او الازاز كهربا الزراير شغالة كويس بدون ما تعلق طالع نازل اكتر من مرة ورا بعض
- المسوجر بيقفل ويفتح بدون مشاكل الاكرة برة و جوة تمام و السنترلوك ان وجد
- الكاوتش اللي حوالين القايم و الباب تمام مش مقطوع و لافيه اي مشاكل
نمسك الكراسي و الكنب
تقعد الكرسي و تشوف بيطلع لقدام و ورا و الضهر بيرجع لورا و قدام لو لو فيه خاصية يطلع ينزل و الفرش و الكرسي تمام مفيهوش اي قطع
تشوف الكنبة سلمية مش ملخلخة و لا فيها اي قطع لو الكنبة من اللي ضهرها بيتقفل و يتفتح تشوفها بتتقفل و تتفتح تمام بدون مشاكل
نمسك ارضية العربية اللي هو الفرش اللي في الارض تشوفه كله ميكوش فيه اي قطع و سليم من اول التابلوه لحد الكنبة و متقفل تمام التمام
فرش السقف متقفل و مفيهوش اي قطع و لو فيه فتحة سقف بتقفل و تفتح عادي بدون مشاكل و لا فيه مشكلة
تشوف احزمة الامان كلها لما تشدها بترجع تاني و لا بتعلق و المكان اللي بيدخل فيه الحزام سليم و لا بيعلق لما تيجي تفتح الحزام و لو الحزام ليه لمبة في التابلوه تشوفها اذا كانت شغالة و لا لأ
نيجي للتابلوه نفتح الانوار و نشوفها شغالة و لا لأ اللي هي عند العداد و اللي تحت الزراير..ألخ..ألخ
و الفوانيس ورا و قدام عالي و واطي
الاشارات ورا و قدام و جنب لو موجود
اللمبة بتاعت المارشدير بتنور و لا لأ
الفوجات ( الانوار الشبورة ) ان وجدت
لمبة الصالون شغالة و لا لأ و بتشتغل مع الابواب و لا لأ
لمبة الاستوب سواء في العربية من جوة او في السبولر
جرب المساحات قدام و ورا ان وجد
السخان بتاع الازاز ورا شغال و لا لأ و ده صعب شوية انك تجربه لأنه محتاج يكون فيه زي ندي ع الازاز عشان يبان
بعدين نجرب التكييف ع الدرجات المختلفة و نشوف الهوايات كلها شغالة و لا في منها مسدود
الكاسيت او السي دي تجرب كل زرايره و فتحاته و السماعات و الصوت و يفضل يكون معاك شريط كاسيت او سي دي ع حسب عشان تجربه و يا سلام لو ام بي ثري لو الكاسيت فيه فتحة
و تشوف الراديو و الاريال ميكونش مكسور و محطوط منظر و الصوت تمام
شوف الولاعة شغالة و لا لأ و الطفاية موجودة و لا لأ
تشوف درج التابلوه بيفتح كويس و مش مشروخ و لا فيه مشكلة
و الشماسات
المرايات بتفتح و تقفل بدون مشاكل
و اخيرا جرب كل الزراير الموجودة الخاصة باي كماليات تانية ان وجدت زي المرايات و الباركينج سينسور و كنترول كرروز و انذار و سنترلوك ..الخ..ألخ
اخيرا قبل ما نخلص من العربية من جوة
راجع ع كل الفيبر بتاع العربية من اول التابلوه مرورا بعتب الباب لحد الشنطة ان كله متركب تمام و مش ملخلخ و لا فيه كلبسات مكسورة
كده خلصنا من جوة
الشنطة
تشوف الشنطة بتتفح و تقفل تمام و لا فيه مشاكل و المفتاح شغال و لا بيعصلج
تبص في الشنطة و تشيل الفرش اللي موجود و تبص مفيش صدأ الاستبن موجود و الكوريك او المثلث و شنطة الاسعافات لو بتنزل مع العربية موجودين و لا لأ
الرف اللي بيتحط عليه السماعات سليم ولا مكسور
لمبة الشنطة ان وجدت
كده خلصنا من الشنطة
الحوض
او يعني المكان اللي فيه الموتور
تفتح من جوة و تشوف بيفتح عادي و لا لأ
الكبوت بيفتح و يتقفل كويس و لا فيه مشكلة
تبص ع الحوض و ان ميكونش فيه صدأ و كل حاجة انضف من الصيني بعد غسيله
مفيش اي حاجة مفكوكة و كله سليم و كله لسه بشوكه
تراجع السوائل بقي كلها زي زيت الموتور تكشف عليه و زيت الفرامل و مية المساحات و الريدياتير
تقفل الكبوت
و كده خلصنا من الحوض
كده ناقص ايه ؟؟؟
ايوة شاطرين اننا نجرب نطلع بالعربية بقي
جأت اللحظة الحاسمة التي ينتظرها الكثير هههههه
نركب و نظبط نفسنا في الكرسي
و نسمي و ندور العربية و نبص ع عداد الكيلومترات عدد الكليو مترات المفروض ميعديش 50 كيلو مع انها مش كيميا ن العداد يتقلب
المهم نسخن العربية و نسمع صوت الموتور كويس و هادي و لا فيه مشكلة
هل فيه اي صوت زي دوشة او رجرجة و لا لأ
تلف الدريكسيون يمين و شمال هل فيه مشاكل او صوت تزييق
تجرب الدواسات تدوس دبرياج و تجيب الأول و التاني و التالت و الرابع و الخامس لو موجود و مارشدير و فرامل اليد بتطلع و تنزل بدون مشاكل
نجيب ع الاول نسمي و نطلع و بعدين ع التاني و تالت و رابع لو ممكن بس متزودش عشان العربية لسه في التليين طبعا
تجرب ترجع بضهرك طب تمام
يا ريت لو فيه مطبات عشان تشوف اخبار العفشة لو متقدرش تقيمها و هي واقفة
و الفرامل اخبارها ايه
بس كده شوفتوا ازاي حاجة بسيطة
لأ استنوا كنا هننسي اهم حاجة الحاجات اللي بتيجي مع العربية تتسلم يدا بيد و لو ملقتهاش تسأل عليها و تبهدل الدنيا كمان و هي كالآتي
- كتالوج العربية و دفتر الصيانة و الضمان
- المفاتيح المفروض مفتاحين عمري ما سمعت عن وجود اكتر من كده بس جايز
- طبعا فيه عربيات من غير مفاتيح
- الريموت اي ان كان انذار او سنتر
- الولاعة و طفاية السجاير
- الاستبن و الكوريك و عصايته و مفتاح الربط
- علبة العدة
- احيانا بيجي مع العربيات المثلث العاكس و شنطة اسعافات او احدهما
- فيه بعض العربيات بيسلموا معاها علبة فيها طقم لمبات للعربية احتياطي بس اعتقد ده نادر
كده بقي اللي ناقص التليين
و التيين بالاختصار المفيد
عامل العربية معاملة10 نجوم مش 7 نجوم يعني بلاش شد و لا تعدي الــ90-100
خليك حنين في كل حاجة في الفرامل في المطبات بلاش تحمل كتيير عليها ..الخ...الخ
و فترة التليين بيتكون من 1000- 2000 كيلو متر
و اهم حاجة عشان العربية تعيش معاك بدون مشاكل الصيانات الدورية مش شرط طبعا في التوكيل
الصيانة بشكل عام و تغيير الزيوت و الفلاتر في موعدها و القطع زي سير الكاتينة و سير الدينامو و البوجيهات ....الخ..الخ و ظبط الزوايا و تغيير الكاوتش في حالة عدم صلاحيته ..الخ...ألخ
ثانيا : استلام عربية مستعملة
طبعا يفضل ان يكون معاك واحد فاهم يعني ميكانيكي تثق فيه و يكون موضع ثقة فعلا
و نصيحة اوعي تقابل اي ميكانيكي في السوق او المعرض خده معاك وش
و متعرفوش وجهتك ايه لما تنزلوا تقوله انت عايز ايه في الأول عايز عربية كويسة بدون ما تحدد بقي لأن فيه ناس ذمتهم مش كاوتش بس ديه بتبقي شمبر بولدزرات
و عامة ديه برده الحاجات اللي بيتبص عليها واللي بيبص عليها الميكانيكي عشان نبقي عارفينها احتياطي
من برة
طبعا اغلب الموضوع هيبقي زي اللي قولناه فوق مع مراعاة ان العربية مستعملة يعني ممكن تكون رشة او عاملة حادثة ما يعلم بيها الا ربنا
و تلاقي اللي يقولك ديه رشة نضافة و تلاقيها مقلوبة اساسا
فنصيحة حاول دايما تشتري العربية الفبريكة برة و جوة
ثم اللي رش برة بس ابواب
ثم اللي رشة برة حزام يعني كل العربية معادا السقف
ثم اللي رشة برة بس
ثم بقي اللي رشة برة و جوة يعني ديه اخر حاجة تفكر فيها لأن كده ساعات بتعني ان العربية عملت حادثة خلتها زي الكورة الشراب
بعد الرش
النظرة بتكون ع الشاسيه ميكونش مشروخ او مكسور و ملحوم
و القوايم و الابواب و قفلتها
العربية من تحت متكونش ملحومة و لا برومة ماشية فيها
و الشنطة من ورا كذلك
و اهم حاجة خلي بالك من البرومة ثم البرومة ثم البرومة لأنها اخطر حاجة
يعني من الاخر بص ع شغل الصاج و بدن العربية كله زي معملنا فوق
الحوض
نيجي لشغل الميكانيكا و الحاجات التقيلة
يتشاف الموتور حالته و اخباره ايه و هل بيرشح زيت سواء حوالين الموتور او من الشكمان
( ملحوظة لو الشكمان بينزل مية معناها ان الموتور ده 10\10 لو بينزل زيت يبقي الموتور حالته حالة و خفيف )
فيه مشكلة ساعات بيقع فيها ناس و بيقع ساعات فيها الميكانيكية كمان و هو ان الموتور يكون مشروخ من تحت طبعا مصيبة
ففي مراكز صيانة بيقولوا بتكشف عليها مع اني مش مقتنع بيها بس ناس كتيير بتقول بيكشفوا الحوار ده
طقم الكهربا اخباره ايه و البطارية و القواطيش و هكذا
العفشة
نشوف اخبار المقصات و المساعدين و السوست ورا و قدام و الكبالن و تشوف الدريكسيون يمين وشمال و الفرامل
نيجي لجوة برده تبص ع نفس الموضوع فوق من كراسي و كنب و فرش و تابلوه و انوار ..ألخ..ألخ
و من اهم الحاجات ان العربية ميكونش فيها برومة لأن لمبات و فرش كل ده حاجات عبيطة و تتغير بما ان العربية مستعملة ع عكس جديدة فده حقك و ديه فلوسك اللي هتدفعها و محدش ليها حاجة عندك فتقدر تقول كل شغل جوة يعتبر تالت حاجة تبص عليها قبل ما تشتري العربية
خلصنا من الفحص ده جت اللحظة الاخيرة
برده تبص ع العربية و تشوف وقفتها برده اللي ليه خبرة ليه نظرة في الحوار ده اكتر من الشخص العادي
تطلع بقي بيها و تجربها
يعني زي ما انتوا ملاحظيين جزء كبيير منا لفحص زي اللي فوق
و اهم حاجة البند و شغل الميكانيكا و العفشة وا لكهربا
اما الحاجات الرفاهية زي الفرش و الكراسي ..ألخ..ألخ فكلها حاجات ثانوية انت ممكن تظبطها عادي المهم الاساس
و طبعا نراجع ع الحاجات اللي بتيجي معاها زي مقولنا فوق من ولاعة و استبن و كوريك و طفاية حريق و الكالتوج و الضمان خاصة لو العربية جديدة الفينات
كده نبقي خلصنا استلام العربية المستعملة
و ديه شوية موضوعات اتمني انها تفيدكم
http://www.nilemotors.net/Nile/195073-a.html
http://www.nilemotors.net/Nile/222768-a.html
http://www.nilemotors.net/Nile/224234-a.html
http://www.nilemotors.net/Nile/232413-a.html
و ديه حاجة للطريق و ربنا يستر طريق الجميع ان شاء الله
http://www.nilemotors.net/Nile/222390-a.html
http://www.nilemotors.net/Nile/222278-a.html
و بالتوفيق للجميع ان شاء الله
رقم العضوية : 82993
تاريخ التسجيل : 07Dec2010
المشاركات : 431
النوع : ذكر
الاقامة : Cairo/Jordan
السيارة: N/A
السيارة[2]: kia cerato sx 2010 Gulf
دراجة بخارية: N/A
الحالة :
جزاك الله كل خير
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
رقم العضوية : 82491
تاريخ التسجيل : 02Dec2010
المشاركات : 46
النوع : ذكر
الاقامة : Cairo
السيارة: Kia New Cerato
السيارة[2]: Hyundai Accent
الحالة :
موضووووع أكثر من رائع ،،، ألف شكررررر
رقم العضوية : 35823
تاريخ التسجيل : 17Mar2009
المشاركات : 2,251
النوع : ذكر
الاقامة : Mansoura
السيارة: Civic 2008 ,Lanos99
السيارة[2]: Rio 2013 ,Lancer 99
دراجة بخارية: Not Yet
الحالة :
رقم العضوية : 18719
تاريخ التسجيل : 12Sep2008
المشاركات : 725
النوع : ذكر
الاقامة : Cairo
السيارة: سكوترابوعجل بينور
السيارة[2]: سيارة الشعب 128
دراجة بخارية: .
الحالة :
تسلم يا كبير ..موضوع رائع
ربنا يجازيك عنا خيرا.
رقم العضوية : 52448
تاريخ التسجيل : 08Nov2009
المشاركات : 489
النوع : ذكر
الاقامة : الهرم
السيارة: VW PASSAT B5
السيارة[2]: كيا سيفيا 2001
دراجة بخارية: لا يوجد
الحالة :
جزاك الله خير و تسلم ايدك و ديما ممتعنا بمواضيعك
بس فيه معلومه احب اصححها
مش شرط العربيه اللى بتطلع بخار و ميه من الشكمان يكون ماتورها كويس علشان البخار ده بيدل على ان حرق العربيه كويس او بلاصح نتيجة عمليه اختلاط الهواء مع البنزين مضبوطه فبينتج عنه بخار خارج من الشكمان
والصح انك تستنى لما العربيه تسخن وتزود بنزين و تشوف هتطلع دخنه من الشكمان ولا مش هتطلع ولو طلعت الدخنه لونها ايه ابيض ولا ازرق ولا اسود و ارجوا تقبل مرورى
[fot1]اسلام الهلاوى[/fot1]
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
المفضلات