عرض للطباعة
عربيتى بونتو عامله 106.000
الخلاصه إن العربيه فجأه بقت تقطع ويخرج عادم من الشكمان
رحت للميكانيكى غير البوجيهات وبقت كويسه
بعد 24 ساعه رجعت تانى فرحتله فك البوجيه وقالى ده جاله زيت محتاج عمرة بساتم أو نركب كرسى مؤقتا!!
والسؤال هو؟
يعنى إيه الكلام ده؟
بكم المصنعيه و كم التكلفه التقريبيه
وأعملها فين
اللى اعرفه ان نص العمره هيا طقم الشنبر والله اعلم
بص يا سيدي>>>
موضوع النص عمره ده معناه ان الشنابر إلي متلبسه في البساتم أتكالت وبتهرب زيت جامد والمفروض ان العريبه بتطلع دخان أبيض من ورا او دخان مايل لأزرق كده....وكل إلي حيعمله الميكانيكي ان حيفك نص الموتور بس وحيغير حلقان كاوتش إلي همه متلبسين في البساتم بطقم تاني جديد وحيقفل علي كده والموضوع ده المفروض أن يخلص في يوم واليوم تاني يختبرها ويشغلها
بص في اللينك إلي حطيته ده ودور علي كلمه أسمها piston
أهو بلوك الحديد ده هو ده إلي أسمها البساتم بالبلدي كده.... وحتلاقي حواليها حلقه سوده ده إلي أسمها الشنابر والمفروض الجزء إلي تحت ده هو إلي بيتحط في زيت الموتور والشنابر هيه إلي بتحجز الزيت تحت عن حرق البنزين فوق
اقتباس:
المشاركة الأصلية كتبت بواسطة strongxx
شكرا عالافادة
و بالمرة بقى اشرح لنا العمرة الكاملة عشان الواحد يفهم الموضوع كله مرة واحدة
جزاك الله خيرا
شكرا للشرح الوافي.اقتباس:
المشاركة الأصلية كتبت بواسطة strongxx
لكن في نقطة صغيرة : الشنابر هي حلقان غالبا صلب أو أحيانا زهر .. يعني في كلتا الحالتين حديد - مفيش كاوتش.
محدش هايشرحلنا العمرة الكاملة ولا ايه ؟
متااابع
أولا...انا فعلا سقطت مني دي.....هيه فعلا حلقان زهر...بس انا إلي كنت بفكر في حاجه تانيه والعمليه حدفت شمال معايا
:-)))
:-)))
والعمره ححاول أعمل لك شرح مبسط ليها
الجزء الأول ده فيه شرح مبسط للموتور واجزاءه وأزاي بيشتغل
ه¼•و“ژ組è£.Engine Rebuild - YouTube
أولا : ده شكل وش السلندر
http://up5.up-images.com/up//uploads...241cca8488.jpg
ثانيا : ده شكل الصبابات أو الصمامات...فيه ناس تقول كده وناس تقول كده وده المسئول عن خلط البنزين بالهواء وطرد العادم
http://up5.up-images.com/up//uploads...43b187f16b.jpg
ثالثا : وده شكل جسم الموتور بشكل عام..طبعا بيختلف من موديل لموديل لكن الفكره واحده
http://up5.up-images.com/up//uploads...1b3005c4d9.jpg
رابعا : ده شكل البستم المسئول عن كبس خليط الهوا والبنزين وحرقه من خلال البوجيهات وتوليد العزم وقوة الموتور إلي بنطير بيها علي الطريق
http://up5.up-images.com/up//uploads...d4038366a6.bmp
خامسا : ودي حلقات الشنابر إلي بتركب حوالين البساتم إلي بتحجز الزيت عن مكان حرق خليط الهوا والبنزين
http://up5.up-images.com/up//uploads...8a17cc3753.jpg
وفيه حاجات تانيه أسمها القمرات أو الهلايل ودي سبايك حديد بتركب جوه جسم الموتور بجوار البستم وبتبقي طقم 4 قطع بتركب جنب البساتم كده لو كانت العربيه 4 سلندر وطبعا باين من أسمها شكلها عامل ازاي سبيكة حديد علي شكل نص دائره......وعندك كمان الجوان بتاع الموتور وجوان الزيت...
كل ده بيتغير في الموتور لو كانت عمره كامله....لكن لو نص عمره يادوب بيتغير الحلقان الحديد إلي بتتركب حوالين البستم علشان متهربش زيت جوه مكان الكبس إلي قلنا عليه
والله بجد مش عارفة اشكرك ازاي دا انا كان نفسي اشوف وش السلندر دا ولا حتى قفاه
بس بجد استفدت ، الفيديو فيه تفاصيل كتير اكبر من امكانياتي
جزاك الله خيرا و افادكم الله كما افدتنا
ممكن تكون محتاجه طقم شنبر فقط وده مش بيكلف كتير زى العمره الكاملهاقتباس:
المشاركة الأصلية كتبت بواسطة tito78
اقتباس:
المشاركة الأصلية كتبت بواسطة donzi
أشكرك يا فندم علي تقديرك الكريم.....إحنا هنا في المنتدي كلنا بنساعد بعض علي قد مانقدر...وربنا يديم علينا الروح الجميله دي