عرض للطباعة
عربيتى بونتو 2001 عامله 106.000
الخلاصه إن العربيه فجأه بقت تقطع ويخرج عادم من الشكمان
رحت للميكانيكى غير البوجيهات وبقت كويسه
بعد 24 ساعه رجعت تانى فرحتله فك البوجيه وقالى ده جاله زيت محتاج عمرة بساتم أو نركب كرسى مؤقتا!!
والسؤال هو؟
يعنى إيه الكلام ده؟
بكم المصنعيه و كم التكلفه التقريبيه
وأعملها فين
الموضوع بسيط جدا
حتعمل نص عمرة
تكلفة المصنعية لواحدها 350
طقم الشنبر اصلي ايطالي 600,برازيلي 300, مصري 150
وهات المصري عشان كلهم زي بعض وحتلافيه في الموجي اللي في الحرفيين
شوية الجوانات تعملها 100 تقريبا
وحتاخد من تلات ايام الي اسبوع عند الميكانيكي
يفضل تخليك في الاصلي و تعمل طقم الشمبر عند ميكانيكي متخصص فيات الفيات
طب حد يعرف ميكانيكى متخصص فيات؟
بلاش خالص حوار الكرسي ده (ممكن يبوظ الكونترول لان حساس اوي للبوجيهات وعامه لازم تغير بوجيهات اصليه)
اسأل برضه حسام كوداك حيدلك على واحد كويس في موصوع العمره ان شاء الله
مين حسام كوداك ؟ يارب يكرمك قوللى
انا يا عم تيتو
بلاش الكرسى ده لانه كان هيجننى وهيخلى العربية تقطع معاك وتقرفك اخر ارف
الميكانيكى اللى بتعامل معاه عند منزل صفط اللبن من ع الدائرى وهو كان فى توكيل فيات وسعره حنين اوى
المهم انك تلحق الموضوع علشان يبقة شمبر بس بدل ما تخش فى بساتم وتبقة شغلانة
طقم الشمبر هات البرازيلى ب 300 جنيه انضف حاجة
ومش فاكر الجيوان كان بكام
وهات طقم بوجيهات جديدة ب 70 جنيه بوش 2 شمعة ولو السلوك قديمة غيرها
وشوف لو فى حاجة عاوز تغيرها بالمرة اى سيور او اى حاجة
المصنعية حوالى 300
وقطع الغيار عند يوسف محمد اللى قدام شارع العريش فى فيصل
شكرا جدا للرد والإهتمام بس ممكن تليفونه أوإسمه وعنوانه بالتفصيل
بعتلك ع الخاص
عملت ايه ؟؟