الموضوع: شاب و حيران و محتاج استشارة الناس فى موضوع الجواز

يا بني جمال ايه انت فاكر الواحد بعد الجواز بيبص لمراته اصلا ؟ انت حتكلمها وانت باصص في الشاشة بترد على موضوع لشنوري والا حاجة !
انت فاكر لو سالت واحد بعد تلت سنين جواز وجاب العيلين مراتك حلوة والا وحشة حيعرف ؟ بغض النظر انه سؤال غبي انما ده فرض جدلي

بص في دراسة علمية بتقول الست غالبا بتتجوز الراجل اللي ريحته حلة في مناخيرها و والراجل بيتجوز الست اللي جسمها قادر في نظره على انجاب ذريته
لاحظ ان الشكل عند الطرفين مش مهم
الشكل حلو او وحش حتتعود عليه وحيصبح شكل محايد زي المية كده لا حامض ولا قلوي

طبعا مش بقولك اتجوز واحدة انت مش طايق تبصلها ، انما لو شكلها مقبول ، بص بقه للحاجات الاهم

وبعدين دكتورة ليه ؟ ايه المنفعة يعني ؟ يا راجل اتجوز وحدة رياض اطفال تظبط العيال او فنون جميلة تظبط البيت انما الدكتورة حتظبط ايه ؟

الدين اهم حاجة مفيش خلاف
البيت بعد كده لان اخواتاه دول اخوال عيالك غصب عنك فاختار للعيال اخوال محترمين
شوف مين راجل البيت ابوها والا امها ، لو امها . . . اهررررررررررب

شوف الستات في عيلتها بيهتموا ببتهم ونفسهم والا مهملين ، لان ده حيكون شكل بيتك مستقبلا
الطاعة مهمة زي ما اتقال بس انا شايف انك استحالة تضمنها من خلال الخطوبة ، الطاعة راجعة ليك انت ، ظبط بيتك من اول يوم وعرف كل واحد حجمة اللي مش مسموح له يتخطاه

قصة طويلة يعني ، وفي الاخر حتاخد الي مكتوبلك وولا حتفتكر اي كلمة من اللي بتتقال هنا وانت بتاخد قرارك

تصبح على خير

المشاركة الأصلية كتبت بواسطة moustafa_saad

ايه علاقة طاعة الزوجه لزوجها بالعبوديه قبل الاسلام

حضرتك لو شفت انا كنت كاتبة فى نفس الموضوع معاملة زوجات الرسول عليه الصلاة والسلام للزوج الرسول عليه الصلاة والسلام بما فيها من نقاش وماشورة ومجادلة علشان كده بقول الاسلام حرر العبيد
وجات المناسبة بان فى فرق بين الطاعة العمياء والطاعة بعد مناقشة واقتناع مش الواحد يقول حاضر وبس

المشاركة الأصلية كتبت بواسطة ringoo

طيب لو الست ما اقتنعتش بكلام زوجها ايه اللى المفروض يعمله وايه اللى المفروض الزوجة تعمله ؟؟

على فكرة يا جماعة احنا بنتناقش فقط يعنى بلاش حد يزعل من اى كلام علشان احنا كلنا اخوة واخوات فى الاسلام
وربنا يديم المحبة بيننا

فعلا يااستاذ رينجو احنا بنتناقش كلنا اخوة واخوات فى الاسلام ربنا يديم المحبة فعلا
بس حضرتك ماقلتش عن حالتك؟؟؟
بتحب البنت دى لو بتحبها حايبق فى احساس جميل فى النقاش كل واحد حايحب يرضى الشخص التانى علشان فى جواز وبيت واولاد كل واحد حايحب المركب تمشى علشان فى جواز ومسئولية
يعنى مش حاتكون فى انانية والمفروض الراى اللى فى المصلحة يمشى وده يرجع لحب الشخصين لبعض
يعنى واحد يشد والتانى يرخى

المشاركة الأصلية كتبت بواسطة gamela

حضرتك لو شفت انا كنت كاتبة فى نفس الموضوع معاملة زوجات الرسول عليه الصلاة والسلام للزوج الرسول عليه الصلاة والسلام بما فيها من نقاش وماشورة ومجادلة علشان كده بقول الاسلام حرر العبيد
وجات المناسبة بان فى فرق بين الطاعة العمياء والطاعة بعد مناقشة واقتناع مش الواحد يقول حاضر وبس

انتى ابتديتى تحودى اوى
طاعه الزوج واجبه واجبه واجبه...انا مبقلش يمحى شخصيتها ولكن لازم تسمع كلام جوزها اكيد
وبعدين مناقشه ايه اصل مناقشه يعنى خناقه ووجع قلب والستات عقلهم صغير
قال النبي صلى الله عليه وسلم : " لا يحل للمرأة أن تصوم وزوجها شاهد إلا بإذنه ولا تأذن في بيته إلا بإذنه " رواه البخاري (4899)

وقال النبي صلى الله عليه وسلم: " إذا صلت المرأة خمسها و صامت شهرها و حصنت فرجها و أطاعت زوجها قيل لها : ادخلي الجنة من أي أبواب الجنة شئت " وصححه الألباني في صحيح الجامع برقم 660

يعنى المعامله معامله ربنا مش معامله مجرد زوج