انا متزوج من 4 سنين تقريبا وبحمد الله وفضله مبسوط في حياتي الزوجيه حتى كتير من الي حوالينا بيقولوا علينا دايما عاملين زي العرسان الجداد
طبعا بعد الدين والاخلاق الي لو مش موجودين يبقى الموضوع انتهى قبل ما يبدأ.. الاهم من الجمال انها تملى عينك.. ممكن تبقى جميله بس تافهه مثلا متعرفش تتكلم معاها.. وممكن تبقى متوسطة الجمال لكن مع كل كلمه بتنطقها تكبر في عينك.. تضيف ليها وتضيف ليك.. تطيعك وتريحك وتكون ذكيه تعرف امتى تسكت وامتى تتكلم وامتى تطلب وايه الي يضايقك تتجنبه وايه الي يفرحك تعمله.. الحجات ديه مش بتبان غير فترة الخطوبه عشان كده فترة الخطوبه مهمه للغايه ولازم الولد والبنت ياخدوا راحتهم في الكلام مع بعض بمراقبة الاهل طبعا.. واهل العروسه يتصرفوا مع العريس اكنه واحد منهم بدون حرج وتكلفه عشان يشوفوه على طبيعته ويشوفهم على طبيعتهم.. ركز جدا في تعامل البنت مع اهلها لو بتعامل اهلها بقلة زوق يعني بترد على باباها وبتعلي صوتها على مامتها صدقني بعد الجواز مع الوقت هتلاقي نفس التعامل ده معاك ومع اهلك مهما كانت بتعاملهم كويس قبل الجواز.. وركز على تعامل مامتها مع باباها عشان ده هيبقى تعاملها معاك بنسبه كبيره.. ربنا يوفقك لبنت الحلال
المفضلات