الي اهل المنصورة ملاحظة غريبة ومعلومة تحتاج الي التأكيد

**aazmy** · 11-09-2011 04:09 AM

الموضوع يا جماعة بأختصار اني بعت عربيتي اللانوس " معايا من الزيرو وزعلان عليها قوي " عشان اركب حاجة اتوماتيك و فكرت في الكريستالة اللانسر , المهم ابتيت ادور علي النت و لاقيت حاجات كتير شكلها كويس من الصور و ابتديت اكلم اصحابها....... و اكتشفت ان كلها تقريبا في المنصورة !!!!
بصراحة قلقت لان معظمهم مرور مز نصر او القاهرة ..... روحت مكلم واحد صاحبى من المنصورة فقالي ان العربيات المقلوبة او اللي عاملة حادثة جامدة لو اتعملت في المنصورة محدش يقدر يعرف كان فيها اية !!!!!!!

هل الكلام دة مظبوط ولا اية مع ان كلهم كاتبين دواخل فابرقة ................و للة الأمر من قبل و من بعد.

اسف للأطالة

**smsmawy** · 11-09-2011 04:43 AM

كلام سليم ..... تشتهر الدقهلية وعلى الاخص (بلقاس وشربين ودكرنس ) فيها شوية صنيعية ولاد حلال من سمكرة .. لدهان على اعلى مستوى . تكون العربية عاملة حادثة وراشة دواخل ويرجعوها فبريكة تانى .... بس الامانة مطلوبة واكشف على اى عربية كويس قبل ماتشترى وماتستعجلش ... والكريستالة عربية جميلة جدا وهتريحك

**aazmy** · 11-09-2011 04:46 AM

المشاركة الأصلية كتبت بواسطة smsmawy

كلام سليم ..... تشتهر الدقهلية وعلى الاخص (بلقاس وشربين ودكرنس ) فيها شوية صنيعية ولاد حلال من سمكرة .. لدهان على اعلى مستوى . تكون العربية عاملة حادثة وراشة دواخل ويرجعوها فبريكة تانى .... بس الامانة مطلوبة واكشف على اى عربية كويس قبل ماتشترى وماتستعجلش ... والكريستالة عربية جميلة جدا وهتريحك

يا باشا مشكور عل الرد بس كدة بيتهيألي ابعد عن عربيات النصورة احسن واضمن

**mofora441** · 11-09-2011 04:51 AM

فعلا فيه صنايعية كتير فى المنصورة بيطلعوا العربيات اللى عاملة حوادث ولا المصنع ولا الجن الازرق يعرف يطلع غلطة .. بس برضه ارجع واقول لك ان فيه تجار وصنايعية كتير من المنصورة بينزلوا يشتروا من السوق فى القاهرة عربيات حالتها حلوة عشان يتاجروا فيها .

**aazmy** · 11-09-2011 05:43 AM

المشاركة الأصلية كتبت بواسطة mofora441

فعلا فيه صنايعية كتير فى المنصورة بيطلعوا العربيات اللى عاملة حوادث ولا المصنع ولا الجن الازرق يعرف يطلع غلطة .. بس برضه ارجع واقول لك ان فيه تجار وصنايعية كتير من المنصورة بينزلوا يشتروا من السوق فى القاهرة عربيات حالتها حلوة عشان يتاجروا فيها .

تصدق بقي انت كدة حيرتني ........ يعني انزل اشوف ولا ايه وهل في اماكن في المنصورة للكشف علي العربيات والا اية؟

والا احاول اتفق علي اني ارفعها في القاهرة و هل صاحبها حيوافق والا لاء مش عارف .... انا مش فارق معايا اشتريها من تاجر أو صاحبها بس يهمني حالتها و ان سعرها هو سعر السوق او قريب منو

و معذرة للاطالة
جزاكم اللة كل خير

**أبو عبدالله** · 11-09-2011 10:31 AM

المشاركة الأصلية كتبت بواسطة aazmy

الموضوع يا جماعة بأختصار اني بعت عربيتي اللانوس " معايا من الزيرو وزعلان عليها قوي " عشان اركب حاجة اتوماتيك و فكرت في الكريستالة اللانسر , المهم ابتيت ادور علي النت و لاقيت حاجات كتير شكلها كويس من الصور و ابتديت اكلم اصحابها....... و اكتشفت ان كلها تقريبا في المنصورة !!!!
بصراحة قلقت لان معظمهم مرور مز نصر او القاهرة ..... روحت مكلم واحد صاحبى من المنصورة فقالي ان العربيات المقلوبة او اللي عاملة حادثة جامدة لو اتعملت في المنصورة محدش يقدر يعرف كان فيها اية !!!!!!!

هل الكلام دة مظبوط ولا اية مع ان كلهم كاتبين دواخل فابرقة ................و للة الأمر من قبل و من بعد.

اسف للأطالة

مش بالضرورة
هو انت تاخد حرصك اكيد
ولكن فيه كتير بينزلوا يشتروا العربيات من القاهرة ويبيعوها في المنصورة
يعني فيه وفيه
يعني بيتاجروا فقط

**Samooh_2003** · 11-09-2011 02:09 PM

وفيه ناس من القاهرة ومحافظات اخرى بيصلحو في المنصورة ويروحو بيوتهم برة المنصورة تاني فاتوكل على الله واكشف عليها في مراكز صيانة توكيل وناس برة كترة التاكد مش هاتزعل لو انا ضمن عربيتي وممكن تكتب في العقد كابتدائي بشروطك والاتفاق وادعي ربنا انشالله يكرمك في حاجة كويسة

**Ralliart** · 11-09-2011 02:46 PM

نفسي بس حد من المنصورة يوريني الصنايعية الخارقين اللي دايماً بسمع عنهم علشان انا من هناك أصلاً وعجزت اني الاقي بني آدم عنده ذمة سواء في المنصورة او القاهرة كله بيلفق ومتخيل ان مفيش زيه