الموضوع: ملحوظة بخصوص الحرارة

الموضوع بسيط السرعه القصوى للعربيه فى المانيوال بتعها 185 ...يعنى عند وصول العربيه للسرعه القصوى بتبقى محمله 100/100 من طاقه الموتور يعنى شغال بحمل زياده عن الطبيعى.....لان عربيتنا الاقتصاديه دى يا عزيزى مش مصممه انها تمشى على سرعتها القصوة مده .... لانها مش بسات ولا مرسيدس .....ومش معنى كدا انها مبتجبش اكتر من السرعه دى لاكن هو دا اللى الشركه قالت عليه السرعه القصوى بناءا على تصميم العربيه والموتور .......واتمنى انى اكون ساعدتك......

المشاركة الأصلية كتبت بواسطة fdido26

انا معايا نوبيرا 2004 و كنت راجع يوم امس من بور سعيد من علي الدولي و طبعا الطريق مفتوح و قلت فرصه اجرب العربية في الجري و انت لي ملاحظه و هي ان انا لحد سرعة 180 كم/س مؤشر الحرارة في مكانه تمام و لكن عند اي زيادة حتي لو 185 كم/س الحرارة توصل للنص و تزيد عنه حاجة بسيطة و لما انزل بالسرعة تاني لل 180 مؤشر الحرارة يرجع تاني مكانه الطبيعي و جربت الموضوع ده حوالي 5 مرات في الطريق و نفس الموضوع بيتكرر . يا ريت حد يفيدني ايه سبب ارتفاع الحرارة هل لوجود مشكلة و لا ده طبيعي مع السرعات دي و شكرا

صديقي ده بقي كان في الحلم ؟ ولافيلم هندي؟

موشر الحراره في النوبيرا في العادي بيكون في النص يعني لوعايز بالظبط بيكون ملامس لعلامه المركب من تحت

يعني علي كلامك مؤشر الحراره بتاع النوبيرا بتاعتك اقل من النص بشويتيين لانه برضه علي كلامك لما بتوصل

لسرعه 185 يا لهوي بيطلع لغايه النص

صدقني لا انت عندك نوبيرا ولا اللي رد عليك يغرف حاجه عن النوبيرا

وعلي راي المهندس محمد ممدوح اللي مايعرفشي يفتي هجص

تحياتي

اولا اللون الاحمر مخصص للادارة
ثانيا اسلوبك فى الحوار مع الاعضاء غير لائق
هذا هو الانذار الاول لك وفى حاله التكرار سيطبق عليك العقوبه المقررة
يرجى مراجعة قواعد المنتدى

مشرف القسم

النوبيرا عندي مؤشر الحرارة ف نص الشرطة التانية .. يعني قبل النص بنص شرطة كاملة وف عز الحر

المشاركة الأصلية كتبت بواسطة kagawa

صديقي ده بقي كان في الحلم ؟ ولافيلم هندي؟

موشر الحراره في النوبيرا في العادي بيكون في النص يعني لوعايز بالظبط بيكون ملامس لعلامه المركب من تحت

يعني علي كلامك مؤشر الحراره بتاع النوبيرا بتاعتك اقل من النص بشويتيين لانه برضه علي كلامك لما بتوصل

لسرعه 185 يا لهوي بيطلع لغايه النص

صدقني لا انت عندك نوبيرا ولا اللي رد عليك يغرف حاجه عن النوبيرا

وعلي راي المهندس محمد ممدوح اللي مايعرفشي يفتي هجص

تحياتي

لا الواضح فعلا انك عندك نوبيرا ........ بدليل انك مش عارف حاجه عنها وكمان مكدب الراجل اللى عامل الموضوع عشان يطمن على عربيتو ........اسلوبك فى الكلام مستفز ويطلع الواحد عن شعورو ..... الحمد لله النوبيرا معانا من 2004 من الزيرو لحد 2006 لغايه مكملت 150 الف كيلو وكل كبيره وصغيره عرفناها فيها وانا فهمتها مع انها كانت مع قريبى بس كنت بركبها اكتر منو وروحنا عند ميكانيكيه كتير وعفشجيه وسمكريه ........يعنى خلاصه الكلام فصصناها جزء جزء ولو كنت مش متاكد من كلامى مكنتش كتبت كلمه واحده ...... ومدام انت حلو اوى كدا فى ميكانيكا النوبيرا مردتش على الراجل ليه بخصوص سؤاله........ولو هو لاترحم ولا تسيب رحمه ربنا تنزل...........النوبيرا ليه بتسخن بعد سرعه 185 كيلو؟...........

المشاركة الأصلية كتبت بواسطة fdido26

مشكور اخي الكريم انت فعلا قلت اللي انا مقتنع به من عدم القدرة علي الاستمرار علي السرعة القصوي لمدة طويلة و لكن هو بس سؤال لو واحد اصر و كمل علي سرعة اعلي من 185 كم /س لفترة كبيرة الحرارة هتفضل ترتفع لحد الحد الاقصي و لا هتوصل لمستوي تثبت عنده و لا تزيد عنه و شكرا

العفو ...احنا اخوات...........قبل ما جاوب على سؤالك عايز اقولك حاجه مش عربيتك بس اللى عملت الحركه دى كمان كان فيه عربيه فيرنا 1600 موتور دويتش نفس موتورك بردو لما كان بيمشى على سرعه عاليه كانت بتعمل كده بردو...الفكره فى ان العربيه طول ما هي جديدا تقدر تتحمل اى مجهود عالى حتى لو كان اوفر درايف جامد عاليها ودا ذى المثل اللى بيقول(الغربال الجديد له شده) لاكن لما بتبدا سنها يكبر كده زى البنى ادم بتبدا ترفض اى ضغت زايد عاليها وتبدا تلاحظ تصرفات غريبه منها....يعنى زى ما حصلك اى زياده عن السرعه القصوى بتعلى من درجه حراره المحرك نظرا لانك بتزود الضغط عليه.........................بخصوص سؤالك بقى.....السرعه القصوى غلط وخطر سواء بنوبيرا او بغيرها لان محدش ضامن عمرة وحادثه زى دى على السرعه دى ممكن تؤدى لكارثه......دا غير انى كنت عايز اقولك على معلومه لكل نوع كوتش سرعه محدده يمشى عليها ميعديهاش ..يعنى لو فرضنا ان السرعه القصوى لكاوتش عربيتك وهو جديد وحط تحت وهو جديد ميت خط (185) كيلو متر فى الساعه ......يبقى اخرك تمشى عليه على 180 كيلو لمده عشر دقايق ومتزدش عن كده اى مجازفه بعد كدا مش مضمون عواقبها انت وحظك بقى.......ثانيا غلط على الموتور لانو بيدى لفات زياده عن العمر الافتراضى للمحرك اللى المفروض يتعامل بطريقه افضل فيها من كدا واتمنى انى مكنش طولت...