اخيرا وبعد طول عناء ماذا اشترى

**shams_1279** · 13-05-2008 08:17 AM

اخيرا وبعد ما احترت مش عارف اشترى ايه . عايز اجيب عربية زيرو وفى حدود 45الف مش اكتر ارجو من اصدقئنا فى المنتدى يفيدونى اشترى صينى والا ماركة تانية زى الالتو.........وشكرا

**Islam_galal** · 13-05-2008 08:52 AM

لازم زيرو؟
في حدود السعر ده بتكون الإستعمال خياراته أفضل
و ممكن توضح نوعية احتياجاتك في السيارة (رياضية ، عائلية، مشاوير قصيرة ، استعمال ضعيف،...)
و ممكن توضح كان معاك سيارة إيه قبل كده
كل ده علشان أي حد يقدر يرشحلك ما يناسبك أنت لأنه لو اتحدت الأزواق لبارت السلع

**amr_elrashidy** · 13-05-2008 09:28 AM

فعلا زى ما اسلام بيقول لازم توضح احتياجك ايه...و عامة الالتو تقريبا كل اللى ركبها شكر فيها كتير...و طبعا كلها اذواق.

**shams_1279** · 14-05-2008 06:00 AM

انا متشكر جدا على اهتمامكم بس دى اول عربية ليا وانا عايزها فى مشاوير بسيطة .وشكرا لكل من اهتم بالرد على سؤالى.
انا عارف ان المبلغ ضعيف نظرا لاسعار العربيات دلوقتى بس انا مش عايز اجيب حاجة وارجع اغيرها بسرعة انا عايزها معايا على الاقل 5او7سنين مش عايزها تتعبنى نظرا لان خبرتى ضعيفة فى السيارات.

**amr_elrashidy** · 14-05-2008 10:46 AM

اولا المبلغ معقول و ربنا يباركلك و تجيب بيه المناسب ليك...العربية الالتو فى متناول المبلغ ده و عربية هايلة بشهادة مالكيها..فى كمان البرودوا كيليسا و دى ماليزى و هى نسخة من الدايهاتسو ميرا مو2000..و تعتبر من العربيات الممتازة و لكن يعيبها وقوف انتاجها و اعتقد ان مفيش منها موديلات جديدة..و طالما دى اول عربية ليك ابعد تماما عن الصينى عشان لحد دلوقت و حتى لو الناس شكرت فى انواع معينة زى الشيرى A113 برضو لسه بدرى للحكم عليها..لو ممكن تركب حاجة كسر زيرو عليك و على البيكانتو بس حتزود حوالى 5-7 الاف ج بس حتجيب عربية محترمة جدا ..يعيبها الشنطة الصغيرة جدا..و لكن بعد كده العربية ممتازة و اهمها اقتصادية فى البنزين و الحمد لله التوكيل دلوقت موفر كل حاجه ليها و الصيانة هايلة بشهادة الناس كلها..و ربنا يوفقك للصالح

**eng_mkhalaf** · 14-05-2008 06:18 PM

لو لازم زيرو يبقى أبعد عن الصينى

**mohamed75** · 28-09-2009 03:10 PM

السلام عليكم يا شباب

يوجد عرض من وكيل جيلي في مصر شركة توب جير على السيارة جيلي MK ، الإعلان نزل يوم السبت الماضي جريدة الأخبار، وقد إتصلت بيهم. رقم الإتصال المختصر 19042

السيارة سعرها خلال العرض هو 59.900 ( تسعة وخمسون ألفاً وتسعمائة جنيهمصري )، قبل العرض هو 63.500 ( ثلاث وستون ألفاً، وخمسمائة جنيه مصري )

الـ MK المعروضة مانيوال ، وهذا هو المتاح حالياً منها، ولا يوجد أتوماتيك في الوقت الحالي.

ويوجد أيضاً في الإعلان السيارة جيلي باندا بسعر 48.900 ، بس أعتقد أنه لايوجد عرض عليها، لأن تقريباً هذا هو السعر الذي تباع به في الأيام العادية.

أنا بصراحة بأفكر أشتري واحدة منهما

الذي لا أعلم عنه شي هو أسعار قطع الغيار والمصنعية لدى توب جير ، فهل يستطيع أحد الإفادة؟

أنا دخلت على موقع اليو تيوب ووجدت فيدوهات كويسة لهما، ويوجد أيضاً إختبار تصادم لل MK.

أجمل ما شاهدته هو الفيديو الخاص بالسيارة الباندا ، هو فيديو إستعراضي ، أتمنى أن يراه الجميع

YouTube - Chinese Car Performance Show: Geely Panda [2009]

مقالاتي

Mohamed Ibrahim Amin - Knol: eine Maأںeinheit fأ¼r Wissen