العربية الطارة بتتهز بعد استعدال ورص الجنوط

**Deshahcoka** · 11-09-2011 01:01 PM

رجالة ...

انا عندي كيا جنط 17 من فترة كنت برصص و قالي الجنط محتاج يستعدل ..

المهم رحت عند الخراط مشهور فور الاربع فرد و فك الكاوتش بس يدوي مش مكنة و بعدين جرط الجنط و سخن و سنفر و بقوا فبريكة تاني ... بعتني عند واحد صحبة بيرصص و نتيرتوجين ... المهم المعلم ده بيقول انوا مكنتة بتجمع بؤرتين الجنط في بؤرة واحدة ... طبعا حاسس انوا نصاب و بيفتي ..

المهم دلوقتي العربية بقت زبالة بمعني الكلمة ... بتتهزز و تترجرج على سرعات اقل من 80 ... يعني بعد استعدال الجنوط الطارة كانت ثابتة و بعديها الدنيا باظت مع انوا مفروض العكس :( و هل فك الكاوتش و تركيبيه يدوي ممكن يكون بوظه ؟ ولا في شفة راكبه على شفة ولا ايه ؟

ارصص تاني عند حد كويس ؟ هوا ده السبب ولا يكون الكاوتش باظ ؟ ولا عشان اتفك و اتركب ؟ ولا ممكن العفشة محلولة ولا زوايا ؟ ولا ايه بظبط ؟

و دلوقتي في رجرجة في العربية كلها على 20 و 60 كدة و اوقات صوت تكة و انا ماشي و ادوس بانزين و اسيب تك تك و نتشة و مع نقل الفتيس من r الي d والعكس بيحصل نفس صوت التكة ؟

الف شكر

**mody1221** · 11-09-2011 05:32 PM

الشغل اليدوى ماينفعش للعجل الجديد ياباشا المهم انت تروح لبتاع الزوايا وهو حيقوللك لو فيها شغل ترصيص او هو يظبطها بس انت قوللة اللى حصل وان شاء الله تتظبط معاك

**mido51eg** · 11-09-2011 05:42 PM

موضوع استعدال الجنوط ده فاكس اوي. عمرها ماهتتظبط وهتاخد رصاص كتير اوي

**man_66666661** · 11-09-2011 06:18 PM

بس يا باشا ومع احترامى للعضو الى بيقول انى استعدال الجنط ده فاكس الكلام ده مش مظبوط الى يتكلم يكون عن تجربة وعارف بيقول ايه انا مستعدل 4 جنوط عند اشرفكو وبصراحه زى الفل فى الشغل فممكن حضرتك تروح لاشرفكو وبص تانى على الاستعدال وهو عنه برضو ترصيص وزوايا

**Deshahcoka** · 11-09-2011 07:53 PM

انا الي رحتلة في الحضرة و بيجيب من الاخر و مشهور بس انا مش عارف ليه العربية بقت زفت بعد استعدال الجنوط :(

**aboomar22** · 12-09-2011 12:01 AM

المشاركة الأصلية كتبت بواسطة man_66666661

بس يا باشا ومع احترامى للعضو الى بيقول انى استعدال الجنط ده فاكس الكلام ده مش مظبوط الى يتكلم يكون عن تجربة وعارف بيقول ايه انا مستعدل 4 جنوط عند اشرفكو وبصراحه زى الفل فى الشغل فممكن حضرتك تروح لاشرفكو وبص تانى على الاستعدال وهو عنه برضو ترصيص وزوايا

فين اشرفكو ده يا باشا

**mido51eg** · 12-09-2011 10:12 AM

المشاركة الأصلية كتبت بواسطة man_66666661

بس يا باشا ومع احترامى للعضو الى بيقول انى استعدال الجنط ده فاكس الكلام ده مش مظبوط الى يتكلم يكون عن تجربة وعارف بيقول ايه انا مستعدل 4 جنوط عند اشرفكو وبصراحه زى الفل فى الشغل فممكن حضرتك تروح لاشرفكو وبص تانى على الاستعدال وهو عنه برضو ترصيص وزوايا

ماهو الكلام ده انا قولته عن تجربة في عربيتين منهم مرة عند اشرفكو.