كنت عايز اشترى عربية جديدة ومحتار بين f3 و لوجان وفيرنا
الغريب ان سعر الـ f3 أعلى سعر 72000
وسعر اللوجان 70500 وسعر الفيرنا 67000
ارجو النصيحة
عرض للطباعة
كنت عايز اشترى عربية جديدة ومحتار بين f3 و لوجان وفيرنا
الغريب ان سعر الـ f3 أعلى سعر 72000
وسعر اللوجان 70500 وسعر الفيرنا 67000
ارجو النصيحة
استبعد الفيرنا
و لو معندكش مانع تركب صيني يبقا الاف 3 لانها الافضل في الثلاثة
الفيرنا سيارة شعبية فقيرة فى امكانتها ضيقة قطع غيرها متوفرة صيانتها رخيصة وبياعة . اللوجان عربية محترمة عافشتها كويسة قطع غيرها غالية بالمقارنة بالاثنين توكيلها غالي شوية . f3 افخم منهم ناعمة فيها كل الكماليات تقريبا ماتورها قوي لانسر بومة قطع غيرها رخيصة توكيلها رخيص فى صنيعية كتير دلوقتي بيشتغلو فيها عافشتها تويوتا كورلا ممكن بعد وقت تركبلها كل العفشة تويوتا اصلي العربية من جوه كلها كورلا .
فى النهاية لو انت انسان نمطي او تقليدي تبقى فيرنا لو بتحب تصرف والفلوس مش مشكلة انك تصرف عادي خليك فى اللوجان ولو انت شخصية عملية بتنظر لبعيد و عايز الفخامة وعايز الجمال والامكانيات والسعر المناسب للامكانيات و الابشنز يبقى مبروك عليك ال f3 .
سلام عليكم
تحليل ممتاز واكتر من رائع وبحيادية تامة
F3 عربية ممتازة
الحمد لله الذي وفقني لهذا التحليل الذى نال اعجبكم وشكرا لتقديركم لما كتبت وشهدت به ولكن فى الحقيقة كل يوم ولله الحمد الf3 بتزداد ثقتي فيها وبحس ان ربنا كتبلي الخير بشرائها . فيا ربي لك الحمد على ما انعمت على بي من نعمة وفضل ورضا وراحة وشكرلك اللهم اميين .
بلاش الصينى ... الخامات والتقفيل اى كلام واهو منظر وخلاص. سيبك من كلام ماتور لانسر وجسم كرولا عفوآ دة كلام سوق ولايمت للحقيقه بصله. موضوع احترام التوكيل دة حكى فاضى لانك انت هنا اختيارتك فى سيارات اى ميكانيكى فى الشارع بيصلحها يمكن ماعدآ الرينو لان غالبآ شغلها بيكون فى التوكيل
بلاش فتي عشان خاطري عارف العربية و مجربها اتكلم مش عارف اسكت احسن
f3 او لوجان
سبحان الله يعني مش عايش فى مصر وبالتالي مشفتش العربية و مجبربتهاش وبتتكلم من بعيد طيب وراكب النترا تمام يا اخي الفاضل المقارنة هنا ما بين فيرنا و اللوجان و الاف ثري و اليك التالي:
التقفيل محترم جدا وبنفس نضافة اي عربية متقفلة فى مصر زي الفيرنا ولانوس تمام فيبقى قول الكوري كمان بلاش عشان تقفيله زي الصيني.
وبعدين بتقول منظر وخلاص يعني منظرها حلو يعني جميلة يعني مفيش فيها ديفوه يعبها يبقى ازي منظرها حلو وانت اللى بتقول كده والتقفيل اي كلام وانت برده اللى بتقول كده يعني كلام متناقد .
بتقول سيبك من الماتور لانسر وده كلام سوق مش حقيقي مين قالك انه مش حقيقي فعلا لانسر وتلاقيك ولا شفت كبوت اف ثري فى حياتك اقسملك بالله كنت بغسل العربية وجه واحد معاه لانسر 2008 و بص كده فى الكبوت بتاعه مصدقش نفسه وقالي انا كنت بسمع بس ما شفتش وبعد ما شاف بصم بالعشرة على العربية مع انه راكب ياباني وموضوع الهيكل كورلا دي مش هتكلم معاك فيها لسبب بسيط روح عند اي واحد بتاع ابواب في الحرفيين مثلا وهات منه باب كورولا وشوفه هيركب ولا لاء .
اما بالنسبة لكلام السوق طب واية المشكلة ما كلام السوق ده هو اللى مخلي الفيرنا ليها لازمة و لانوس وهما عربيات عاف عليها الزمن اصلا وكلام السوق ده هو اللى مخلي فى حاجة ماشية فى مصر اسمها 128 فهتلاقي ده لا يمت لحقيقة بصلة الا فى مصر في اي حتة فى العالم يعتبر خيال علمي الا مصر اللى انت بعيد عنها فخليك فى الحكي بتاعك احسن .
وفى النهاية سيادتك بتقول كله بيتصلح عند ميكانيكي الا الرينو فى التوكيل معلش بقة دي قلشت منك تعالى لما ترجع انشاء الله مصر وانا اوديك عند صنيعية رينو فى امبابة و الحرفيين وصقر قريش .
يا بيه انت بتتكلم عن مصر اللى العربية بتتباع فيها بضعف تمنها بره ويمكن اكتر وبعدين لو انت شفت وجربت اتكلم وانصح علشان اخونا اللى عامل الموضوع طالب النصيحة من اللى شاف و جرب غير كده خد فكرة انت كمان او متخدش خالص يبقى احسن برده وفى النهاية احب اقول حاجة مصر فى الفترة اللى جاية مش عايزة الفتايين و كلامنجية عايزة اللى عرف او اللى احسن منه اللى يقول معرفش ويعد ويتعلم ويعرف معلش طولت .
ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب
مصفحة من تحت كمان ودا مش موجود فى فئتها
العربية الوحيدة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *
العيوب ( ومش هنسميهاعيوب ) هنسيمها حركات غلسة بس هتتعود عليها
الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
* قطع الغيار بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية
ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك
ودا المصدر
Dacia Logan : Informatii Dacia Logan
نوع العربية
Preference 1.6 MPI 90 CP
بعشقها عشق لولو حبيبتى
وبس يا سيدى وان شاء الله ربنا يوفقك فى اختيار العربية المناسبة لك
-----------------
العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية
تقرير مفصل عن العربية بالشرح والصور بواسطة الاستاذ نادر نبيل
http://www.nilemotors.net/Nile/90472-2010.html
بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم
دى فيدوهات ليا بالعربية
Logan 180 km/h with 6 Passenger [1] - YouTube
180 و 6 راكب
وغرز بيها على الطريق الصحرواى - مصر اسكندرية
ودا لما عديت الـ 180
Logan 180 km/h with 6 Passenger [2] - YouTube
واتفضل اسال فى اى وقت
ودا قسم اللوجان بالمنتدى
قسم خاص بالسيارة لـــوجـــــان - :: نــايــل مــوتــورز:: - :: NileMotors.net ::
ربنا رباركلك فيها ويديك خيرها و يبعد عنك شرها
بدون الخروج عن الموضوع انت أول واحد يتكلم فى النقطة دى ، والحقيقة لولا الحركة بتاعة بتروح وترجع ، كان زمانى مغير جوز مرايات أكتر من مرة .. وخصوصاً المراية اليمين بنت التيت دى كانت اتغيرت 5 مرات على الأٌقل لو مافيهاش بتروح وترجع.اقتباس:
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
byd عربية محترمة جدا جدا لا يعيبها سوى أشياء (عبيطة) زي مثلا تصفير في تيل الفرامل وحلها إنه يتم تركيب تيل الكورولا، يعني من الأخر العربية دي ممكن الواحد يخليها ياباني بالكامل خلال 3 سنين فقط من الاستخدام