متاااااااااااااااابع يا ريت اصحاب الخبره او المهندسين يفيدونا الموضوع مهم +1
عرض للطباعة
متاااااااااااااااابع يا ريت اصحاب الخبره او المهندسين يفيدونا الموضوع مهم +1
فرامل البومه المزوده بالabs وال ebd كويسه جدا فى السرعات المعقولة
إنما فى السرعات الجنونية الله أعلم
صدقوني و عن تجربة.... حتى البومة الـabs - ebd أي كلام فعلا .. الفرق مش كبير أبدا أبدا بينها و بين العادية ... يا جماعة مش كل abs يبقى abs ..... ماهو مش معقول لما شركة فولكس تشتري لعربياتها نظام abs من إنتاج شركة بوش إصدار 8.1 يبقى هيكون زيه زي الـ absاللي بيركب في العربيات الكوري مثلا !!!!!!!!!!!! ولا انتم إيه رأيكم ...
ده اللي أنا عايزه .. عايز أشتري نظام متكامل بكل ما يحتويه abs - ebd - asb - tcs و كل اللي ممكن يكون متاح في العربيات العالية دي لو ممكن أركبه عندي و يكون إنتاج شركة محترمة و يتركب بطريقة محترفة ..... حد فاهمني ؟
فهل اللي أنا بطلبه ده مستحيل ، ولا ممكن ؟
انتو بجد قلقتوني انا كنت ببيع العربية الجوليت وهموت واجيب بومة 2008 فتحة سقف اتوماتيك
لا يا باشا ماتقلقش ... البومة والله عربية وحش ... سحبها أروع مما تتخيل ، و بتعيش و عمرها ما هتزعلك في حاجة .... بس فيه شوية ناس مجانين كده زي حالاتي .. بيجروا على سرعات مش منطقية في طرق منيلة فيها سواقين أنيل ... و بيكون بوز عربيتهم لازق في شنطة العربية اللي قدامهم طول ماهما مسافرين .. بالتالي لازم يكون فيه فرامل تسعف بجد .. فرامل البومه العادية مش وحشة زي مانت متخيل من كلامي ... أحسن من أتخن عربية كوري .. بس أنا كنت أتمنى تكون زي العربيات الأوروبي لإني ركبت و جربت البيجوهات و الفولكسات و البي إمات .. فكنت بس بحلم إني أوصلها لمستوى قريب من مستوى الأوروبي شوية علشان بس تسعفني أكتر .. هي لحد دلوقتي ما دقت الناقصة معايا بس ده علشان كمان أنا حفظت العربية أوي .. و ماشي عادي 170 و أكتر .. بس لومعايا فرامل أفضل هعمل أكتر و أنا قلبي مطمن أكتر .. فهمت فكرتي ....؟؟
توكل على الله و مبروك مقدما عليك البومة .. و سيبك من الناس العبيطة اللي زيي و السرعات الجنونية دي .. خليك في العادي زي أي حد و احفظ عربيتك هتحبها إن شاء الله ....
مهو المشكلة اني مش عاقل زي ما انت فاهم انا اخويا معاه هوهوندا كوبيةsir 98 ونفسي في عربية تكون نفس الاداء بالعلم اني كنت بعامل الجولييت نفس معاملت الهوندا
إحم ......
آاااا...... طيب إممممممم ...
في الحالة دي مش هقدر أقولك غير .........
يعني خليك متابع معانا .. و يارب نعرف نوصل مستوى فرامل البومة لمستوى فرامل الـ sir !!!
صدقني فرامل البومه العادية مش وحشه زي مانت ممكن تفهم من كلامي كده ... أبدا ... ماحدش هيشكتي منها غير اللي كان بيجرب دايما عربيات فئات أعلى و أسلوب سواقته محتاج فرامل قوية ... لإن موتور العربية مفتري فعلا و بيغريك إنك تجري و تشد أكتر ..
حد جرب يلعب في فرامل البومة يا شباب ؟؟
يعني كل الناس عامله تحول البوما لإيفو ، و تحول الكريستالة لميراج ، و تسقط مواتير للكولت ....... و ماحدش حاول يلعب في فرامل البومة أبدا ؟؟؟