تجربتي في ترخيص نوبيرا 2005
سوف احكي لحضراتكم عن تجربتي في نقل ملكية وترخيص سيارتي النوبيرا 2005
1- ذهبت واحضرت من مرور مدينة نصر شهادة المخالفات للسيارة والحمد لله جت سليمة ومدفعتش غير 10 جنيه:angelnot: ثمن ورقتين اسمهم خدمة مميكنة مش عارف ليه وكمان احضرت شهادة بيانات موجهه للشهر العقاري بان السيارة محلية ودي فرقت معايا في نقل الملكية حوالي 210 جنيه:tumb: ودفعت في شهادة البيانات 15 جنيه:angelnot:
2- ذهبت للشهر العقاري وعملت عقد بيع بأسمي ودفعت اجمالي الرسوم والميكروفيلم والتصوير للأوراق 794 جنيه :angelnot:وخدوا مني اصل شهادة البيانات اللي جبتها وصورة من التوكيل وصورة من رخصة السيارة وصورة من بطاقتي
3- ذهبت لمرور 6 اكتوبر وده المرور اللي انا اتبعه واللي هنقل الرخصة عليه من مرور مدينة نصر واول حاجة عملتها دفعت اشتراك تأمين اجباري لمدة سنة بقيمة 118 جنيه:angelnot:
4- اشتريت ورق فحص عبارة عن 3 ورقات من الخزينة بتاعة المرور بمبلغ 25 جنيه:angelnot: شامل كل الدمغات
5-توجهت لضابط المرور وقام بألتاشير علي ورق الفحص بعد ما مليت اول جرء فيه ببياناتي وذهبت لبتوع الطفايات وللأسف قالولي ان الطفاية بتاعتي مر عليها اكتر من خمس سنوات ولذلك لازم اشتري طفاية جديدة وطبعا اشتريت واحدة بمبلغ 121 جنيه:angelnot:
6- ذهبت لأخذ البصمة من عامل البصمة واعطيتوا خمسة جنيه اكرامية وبعد ذلك ذهبت لمهندس الفحص وبص علي العربية من الشباك راح خاتم الورق وقاللي روح لرئيس وحدة المرور علشان ختم النسر ورحت وختمت الورق
7-ذهبت بورق الفحص+شهادة المخالفات+اصل عقد البيع+اصل التوكيل+اصل ورقة التأمين الاجباري+اصل رخصة السيارة+صورة من بطاقتي وكل دول حطتهم في دوسيه وقدمتهم لموظف تراخيص الملاكي علشان يعطيني ورقة اروح ادفع الضريبة
8- ذهبت للخزينة ودفعت 351 :angelnot:جنيه مع ان الضريبة كانت حوالي 220 جنيه فقط ولكن دفعوني ثمن لوحات جديدة مع ان السيارة فيها لوحات جديدة ولما سألت ليه ادفع قيمة اللوحات الجديدة مرة تانية قالولي طالما هتنقل من مرور لمرور جديد يبقي لازم تدفع ودفعت وامري لله
9- رجعت لموظف تراخيص الملاكي واعطاني اربع ورقات اصل ورصورة لتسليم النمر القديمة واخذ نمر جديدة وتسليم بعض من تلك الاوراق لموظف الكمبيوتر لعمل الرخصة الجديدة
10- تم النداء علي اسمي من العسكري اللي بيشتغل مع قسم الكمبيوتر واستلمت الرخصة وذهبت لأستلام النمر ، رد عليا الشاويش بتاع النمر وقاللي خليك جنب عربيتك والنمر تجيلك لغاية عندك ورجعت لعربيتي ولقيت شاب صغير جايبهم علشان يركبهم واعطيته خمسة جنيه اكرامية للتركيب
11- تقريبا ما تم صرفه علي شهادة المخالفات وشهادة البيانات وعقد البيع والتامين والضريبة والترخيص لمدة سنة والطفاية والاكراميات والتصوير حوالي 1450 جنيه:N_no[1]: