صني ex saloon مانيوال ABS

**citadeldeath** · 14-09-2011 01:23 PM

المشاركة الأصلية كتبت بواسطة eng_tafa

انا كلمت نيسان كول سنتر وسألتهم علي موضوع نيسان 2012 و2011 الاوتوماتيك بال اي بي اس
الاجابة كانت انها ب 95000 يعني زادت 2000 جنيه وموديلها 2011
طيب ماذا عن 2012 قال دي الشكل الجديد وكلمني تاني علي اخر الشهر او اول اكتوبر يكون جالي معلومات عنها.
انا كنت هاشتري بالتقسيط من عبد اللطيف جميل وهو قاللي انه هايسلمني موديل 2012 الشكل القديم ومجبش سيرة عن شكل جديد ولا يحزنون
أين الحقيقة بالظبط

الأخ العزيز،

أنا الحقيقة سمعت كلام الأخ العزيز أحمد مصطفى وهجيب العربية أوتوماتيك إيه بي إس، وفعلاً رحت حجزتها من عند أوتو إيجيبت إللي برضه الأخ أحمد مصطفى نصحني بيهم، وهي موديل 2012 بس هتتاخر شوية يعني الاستلام خلال شهر مش اشبوعين زي ما اتقالي قبل كدة. مفيش تغيير بين موديل عام 2011 و2012، الاثنين واحد بالضبط الفرق الوحيد إنها موديل 2012 مش 2011. بالنسبة للسعر، هي بالفعل 95000 جنيه والسعر ده بقاله فترة، بس لو هتجبها من اوتو إيجيبت هتزيد 2000 جنيه علشان كفر الإشارة بالمرايات وحساسات الركن، يعني هتبقى بـ 97000 جنيه. بأكرر تاني مفيش شكل جديد ولا يحزنون العربية هي هي.

**Abdm** · 14-09-2011 02:34 PM

المشاركة الأصلية كتبت بواسطة citadeldeath

الأخ العزيز،

أنا الحقيقة سمعت كلام الأخ العزيز أحمد مصطفى وهجيب العربية أوتوماتيك إيه بي إس، وفعلاً رحت حجزتها من عند أوتو إيجيبت إللي برضه الأخ أحمد مصطفى نصحني بيهم، وهي موديل 2012 بس هتتاخر شوية يعني الاستلام خلال شهر مش اشبوعين زي ما اتقالي قبل كدة. مفيش تغيير بين موديل عام 2011 و2012، الاثنين واحد بالضبط الفرق الوحيد إنها موديل 2012 مش 2011. بالنسبة للسعر، هي بالفعل 95000 جنيه والسعر ده بقاله فترة، بس لو هتجبها من اوتو إيجيبت هتزيد 2000 جنيه علشان كفر الإشارة بالمرايات وحساسات الركن، يعني هتبقى بـ 97000 جنيه. بأكرر تاني مفيش شكل جديد ولا يحزنون العربية هي هي.

ثمن العربية الآصلى 92000 وهما فى أوتو أيجيبت زودو 2000 يبقى 94000 وزودوا كفر أشارات للمرايات وباركنج سنسور ممكن بال abs توصل 95000 منين جت ووصلت 97000 أكيد فى حاجة مش صح أية هى ؟؟؟؟
والله الموفق والمستعان

**citadeldeath** · 14-09-2011 04:45 PM

المشاركة الأصلية كتبت بواسطة abdm

ثمن العربية الآصلى 92000 وهما فى أوتو أيجيبت زودو 2000 يبقى 94000 وزودوا كفر أشارات للمرايات وباركنج سنسور ممكن بال abs توصل 95000 منين جت ووصلت 97000 أكيد فى حاجة مش صح أية هى ؟؟؟؟
والله الموفق والمستعان

الأخ العزيز،

هي فعلاً العربية كان سعرها 92000 قبل ما تقرر نيسان من فترة قريبة تغلي كل عربياتها 3000 جنيه دفعة واحدة، والكلام ده من شهر أو أكثر، عموماً الأسعار القديمة ممكن تلاقيها في كونتاكت كارز، معرفش ليه محدثوش الأسعار. ويمكن تتاكد من الكلام ده لو اتصلت بنيسان ايجيبت، هتلاقي عندهم القول الفصل. وشكراً على اهتمامك

**eng_tafa** · 14-09-2011 06:12 PM

انا والله يا جماعة لما كلمت نيسان ايجيبت الكول سنتر بتاعهم 16244
حاولت معاه بكل الطرق قالي يا استاذ احنا اول ناس بنعرف من المصنع واحنا الكلام الرسمي
قالي مافييييش 2012 دلوقتي خالص قولتلو طب اززاي وانا كنت هاحجز 2012 قالي من قالك الكلام ده قولتولو عبداللطيف جميل قالي متتعاملش غير مع الموزعين المعتمدين واداني كام نمرة لمودرن وناس تانية.
علي فكرة لما رجعت كلمت عبد اللطيف جميل رجع في كلامه وقالي فعلا العربيات اللي جايالنا 2011 مش 2012 طبعا لما واجهته بالحقيقة اللي عرفتها من نيسان ايجيبت وقالي انو مافيش حد عارف حاجة عن 2012 هل هي الشكل الجديد ولا شكل قديم. طبعا دا موقف مش ظريف تماما ومرفوض ان حد يعلقك معاه وخلاص وبعدين يبقي يشوف اللي هايحصل وزي ما تطلع.

انا قولتلكوا كل اللي سمعته وعرفته ياريت لو حد عندوا معلومات مايبخلش علينا
جزاكم الله خيرا