الموضوع: قرار شراء اكسيل

ربنا يوفقك ياباشا ف الشراء
وياريت تحدد بردو الامكانيات بتاعتك يعني لو 35 الف ممكن تفكر ف الاكسنت احسن كتير من الاكسل في كل حاجه سواء تكيف او عشفه او موتور والشكل

المشاركة الأصلية كتبت بواسطة wafer

السلام عليكم

انا ان شاء الله بفكر اجيب اكسيل
و محتاج اعرف شوية حاجات

1- طبعا العربية كربيراتير فا كنت عايز اعرف بتحطلها بنزين كام ؟؟

ممكن 80 او 90 او 92 حسب راحتك و استخدامك
لو بسيط يبقى 92
لو متوسط 90
لو كتير يبقى 80
و ده عن طريق التحكم فى كهربة العربية و اللى بيظبطها الميكانيكى

2- استهلاكها للبنزين سواء أ-1300 ب-1500 ؟؟

لو الكربيراتير حالته كويسة و العربية متظبطة يبقى
من 220 ل 250 كم فى الصفيحة
و مش هتفرق كتير سواء كانت 1300 او 1500

3- التكيف هل هوا قوي واللا ضعيف ؟
معقول

4- هل لو العربية مفيهاش تكييف او بايظ ممكن اركبلها بسهولة واللا هيكون في مشاكل و اعطال ؟
سهل جدا و ممكن تركب اليابانى ساندن و هيبقى زى الفل

5- عموما هل اعطال اعربية كثيرة؟
لا و زى اى عربية و اقل كمان اهم حاجة الزيوت و الصيانة

6- هل صيانتها سهلة يعني لو بعد مشتريت اكتشفت عيوب كتير هل سهل انها تتلم واللا هتدوخني ؟
سهل جدا مع ميكانيكى و عفشجى محترم

7- ثبات العربية و الفرامل و تقييم عام عنها ؟
ثبات العربية مش كويس بعد ال 120 كم
و لو عاوز ثبات ممتاز لا غبار عليه
هات مساعدين مونرو غاز على زيت و انساهم و انسى عدم الثبات
الفرامل زى الفل و من اقوى العربيات فى الفرامل بالذات

8- اية اكتر حاجة اخد بالي منها او تهمني وانا بشتري العربية؟
طبعا انها تكون فابريكة دواخل و خللى بالك من الشاسية و الحوض طبعا زى اى عربية
المهم يكون ميكانيكى و سمكرى ثقة و فاهمين
9- هل ممكن حد من اعضاء المنتدى الكرام اللي معاهم العربية دي انه يقابلني لو رايح اشوف واحدة اكسيل على اساس انة خبرتة اكبر و احسن مني اكيد ؟؟
ربنا ييسرلك و تلاقى حد من الاعضاء من القاهرة
و الافضل سمكرى و ميكانيكى ثقة يكون تبعك مش يبيعك
10- الاكسيل واللا الفيات سيننا 2001 ؟
طبعا الاكسيل لان السينا معانا هيا كمان و مش اى ميكانيكى بيفهم فيها مش عاوز اقولك لو فى شغل فى التكييف او الريداتير لازم تفك الاكصدام الاول عند سمكرىو حاجتها اغلى و مش متوفرة زى الاكسيل اللى قطع غياره فى منها اليابانى و الكورى و التايوانى و الصينى
غير كده و كده بيااااااااااااااااعة و مش تقيلة فى البيع زى السينا

11- اسف على كتر الاسئلة و عارف اني طولت بس انا فعلا بثق في اعضاء المنتدى المحترمين هنا و المشرفين و عارف ان رايهم هيكون مفيد ليا جدا ان شاء الله.

و تحت امرك فى اى استفسار

المشاركة الأصلية كتبت بواسطة modo88

ربنا يوفقك ياباشا ف الشراء
وياريت تحدد بردو الامكانيات بتاعتك يعني لو 35 الف ممكن تفكر ف الاكسنت احسن كتير من الاكسل في كل حاجه سواء تكيف او عشفه او موتور والشكل

عفوا يا فندم
الاكسيل لعلم حضرتك موتورها هوه هواه موتور اللانسر عيون صفية و الاكسيل كانت اخر عربية تحت اشراف ميتسوبيشى و بعد كده هيونداى اعتمدت على نفسها فى التكنولوجيا و كانت اول عربية هى الاكسنت و اكيد الموتور فيها افضل من الاكسنت
الاكسيل اوسع و ممكن تجرب ده وتحس فيها بالراحة
العفشة لو حضرتك جبت المساعدين المونرو ليها هتبقى حاجة تانية

بالنسبة للشكل دى اذواق

و الاهم ثم الاهم ثم الاهم حاااااااااااااااااااااااا ااااااااااالة العربية


و فى الاول و الاخر ياريت صاحب الموضوع يعمل استخارة
و ان شاء الله ربنا يرزقه بالاحسن

الاكسيل اعطالها قليلة جدا جدا . عربية مريحة وناعمة (مش مريحة مع المسافات الطويلة)صالونها حجمة حلو جدا والشنطة بتاعتها حلوة . تكيفها حلو لاكن مش تلاجة .
قطع غيار اصلي واستيراد في كل مكان . سهولة الصيانة . وفيها مميزات كتير تانية
بالنسبة للثبات زفت (رايي الخاص ودة مثلا لو جربت هوندا ) وعشان تكون العربية حلوة معاك علي سرعات ركب كاوتش وجنط عريض هايفرق كتير اوي .
استخدام البنزين انا بفضل 92 . والاستهلاك حسب الطريق (من 180 الي 240 كيلو )

وانت بتشتريها خلي بالك اوي من الركب الي تحت ومن فوق ناحية المساعدين . تحت احتمال كبير جدا تلاقيهم ملحومين . المهم من فوق مايكونش فيهم لحام . ومايكونش اللحام من تحت في الشاسية .

طبعا اهم حاجة كمان حالة العربية . اوعا تجيب عربية حالتها وحشة . وربنا يوفقك ان شاء الله

المشاركة الأصلية كتبت بواسطة samcar

حد يقارن اى عربيه بثبات الهوندا- حرام عليك - طيب قارن بالكيا ولا النسيان - لكن هوندا مره واحده

ههههههههههههههههه
ملعوبة
هيا مشكلة الاكسل ان مساعدينها اللى ورا خفاف و بيعملوا مراجيح
و الحل تغيرهم الخلفى مع الامامى بمساعدين ماركة مونرو غاز على زيت
بعدها هتحس انها عربية تانية من ناحية الثبات

لاني بركب العربيتين كتير . الاكسيل 97 وهوندا 92 . عشان كدة انا قارنتهم ببعض