انا الحمد لله بعد لف طويل اشتريت تيدا موديل اخر 2010 فل اوبشين ماشيه 11000 سوادء فبريكه بالكامل بحاله ممتازه انا اشتريتها ب87000 مش عارف ده سعر كويس ولا+
عرض للطباعة
انا الحمد لله بعد لف طويل اشتريت تيدا موديل اخر 2010 فل اوبشين ماشيه 11000 سوادء فبريكه بالكامل بحاله ممتازه انا اشتريتها ب87000 مش عارف ده سعر كويس ولا+
ياباشا اهلا بحضرتك في قسم نيسان و مبروك عليك العربيه ماشاء الله بس بالنسبه للسعر نستني راي حد متخصص
السلام عليكم ورحمة الله وبركاته
ربنا يباركلك فيها ويكفيك شر الطريق
ومرحبا بيك وسط صقور نيسان
هيا مواصافاتها ايه ...هاتش باك ولا سيدان..بيزك ولا هاى لاين ولا توبلاين
لو كانت ماشية 11 الف كيلو وبالسعر ده اكيد العربية دى مش بلس .. هى كدا كدا فول اوبشن كل عربيات نيسان والكل بيقول كدا .. المهم هل هى اخر فئة ولالا .. لان فى فئة بلس عالية وسعرها عالى شوية .. اللى فيها جنوط وماتى فانشكن .. فهل عربيتك كدا ولالا .. لو كدا تبقا لقطة طبعا .. واعتقد استحالة انها كدا .. لان اقل سعر ليها حيكون 100 الف وقتها .. فاكيد عربيتك اول فئة فى التيدا .. والسعر ده كويس عليها جدا ومكنش حيقل عن كدا .. وكمان كان ممكن يزيد ويوصل الى 90 االف .. بس المهم شرط الحالة الجيدة
واهلا بيك معانا ونورتنا والف مليون مبروك .. وطالما جبتها متفكرش فى السعر سواء كنت غالب او ملغوب فيه
ربنا يكرمك بيها .. ويعطيك خيرها ويكفيك شرها
واتشرفنا بوجودك معانا وايوة كدا يا ملاك التيدا تعالوا ونوروا
تحياتى
العربيه فل اوبشن وليس فل اوبشن بلس هي سيدان العربيه محترمه جدا انا ركبت 6 عربيات قبلها ومنه جولف 4 وركبت السيراتو عربيه ديه مظلومه الماتور صوته ناعم وعزمه قوي والمساحه الدخليه خرافه الحمد لله العربيه كويسه
اهلا بيك يا بشمهندس ونورت القسم كله
اخد بيها لفه بقي :)
انا حجزت اهو قبل اي حد
ربنا يديك خيرها ويكفيك شرها يااارب امين
الف الف مبروك عليك يا باشا العربية الجميلة و مبروك علينا عضو تيداوي جديد و ربنا يديك خيرها علي طول
الف مبروووك ونورت القسم
الف الف مليون مبروك علي التيدا
ربنا يديك خيرها و يكفيك شر طريقها
و العربيه دي فعلا من افضل العربيات في السوق، ربنا يملاها لك بركه يا رب .
بارك الله لك في سيارتك الجديده ورزقك خيرها وكفاك شرها
مبروك
كنت عايز عربيه تيدا 2010 اللي قدامه حاجه كويسه يتصل بي ويكون مشكور لأني كنت هاشتري من واحد وفلسع في آخر لحظه
تليفوني 0106587613
مليون مبرووووووووووووووك
مبروك عليك ياباشا
هو إنت إشترتها إزاي ، يعني روحت إتفرجت وإشتريت ولا خدت معاك ميكانيكي ، ولا رفعتها في بنزينه ، ولا خدتها التوكيل ، وكمان إزي قدرت تنزل فيها للسعر ده يعني البايع كان طالب كام وانت فاصلت معها إزاي
يا ريت تقولي علشان هاشتري اليومين دول وشكرا
مبروك يا باشا وربنا يباركلك فيها
الف مبروك
ربنا يكفيك شرها ويرزقك خيرها ويبعد عنك كل عين حاسده