لو العربيه بتخبط من قدام وانت ماشى شوف المقصات ممكن تكون محتاجه جلب
لو العربيه بتخبط من قدام وانت ماشى شوف المقصات ممكن تكون محتاجه جلب
سلام عليكم : الاول احب اشكر الناس اللي افادتني وفعلا هيه العربيه بترجرج في السرعه العاليه بس وبتبقى مزحلقه خالص
ثانيا:هيه العربيه فعلا جايبه مقصات ومساعدين وان شاء الله ربنا يسهل واصلحها بس انا محتار في انواع المساعدين بس انا عاوز نوع يكون كويس انا بفكر في المونرو ريفلكس غاز+زيت ولسه بدور انا عرفت ان kyb بيخف بسرعه لو حد عندو انواع كويسه ياريت يفيدنا والف شكر على اللي بيشاركوني في حل مشكلة الفرامل وشكرا
طنابير من غير كلام هات طنابير جديده وتيل جديد وجرب وابقى قولنا ايه اللي حصل بالنسبه للمساعدين ان بفضل المونرو لانه كمان معاه ضمان
طنابيير يا معلم انا كان عندي نفس المشكله ولما غيرت الطنابيير في التوكيل وكنت لسه في الضمان ... اتحلت على طووووووووووووووول
انا عندى نفس المشكله فى لانسر بومه و غيرت طنابير و تيل جداد و برضه نفس المشكله موجوده
فيه واحد فى المنتدى ذكر ان فيه فبره راكبه فى عصايه الدركسيون و قال انها بتعمل الحركه دى لما تكون فيها مشكله
بس انا لسه مكشفتش عليها لانشغالى المستمر
يعني اجيب طنابير ولا اكشف على الفبره بتاعت الفتيس ومحدش قالي على نوع المساعدين ايه
طنابير من غير كلام
طنابير يا فندم وعشان تتأكد انها طنابير فك العجله وبص على الطنبورة المفروض تكون ناعمة جدا انما بتاعت حضرتك هتلاقيها معرجه والتعاريج دي هيا اللي بتخلي التيل لما يمسك عليها يعمل الرجرجه دي لإنها بتكون زي خطوط التيل بيسمك ف خط منهم ولما يقابله خط تاني يمسك فيه (بيكون فوق أو تحت الخط أولاني) بيعمل الرجرجه دي لازم طنابير جديدة وتيل جديد كمان لإن القديم هيبوظها تاني والخرط مش هيعمر كتير معاك ومعني ان الفرامل بتكون وحشه بس ع السرعه العاليه ده معناه انها لسه ف بدايتها وكل ما باظت أكتر كل ما رجرجت على سرعات أقل
أرجو اني أكون وضحت لحضرتك الموضوع
طنابير بدون كلام وغير معاهم تيل
بالنسبه للمساعدين ال كي واي بي حلو والمونرو افضل منه طبعا
وفي الكوري بتاع العربيه والاصلي الاتنين ماركه وحده اسمها ماندو بس الاصلي جودته افضل من الماندو العادي على حسب ميزانيتك اختار انا حربت ك واي بي هوه ناشف بس كويس والمونرو ناشف برضو