ناوي اغير عفشه و محتاج خبراتكم

**khaled_bibo** · 11-09-2011 11:03 PM

انا دلوقتي ان شاء الله ناوي اغير العفشه بس عندي كام سؤال كده

1- انا كنت مغير الكاوتش بمقاس 175/70/13 و هيا كان راكب فيها 145/55/13 بتاع النسر
دلوقتي عاوز اعرف المقاس ده صح و لا ايه يعني ممكن يكون ليه ضرر على المساعدين ؟

2- انهي احسن نوع مساعدين لعربيه 128 انا مش عاوز ثبات انا عاوز راحه و شوية ثبات و السعر كام و اجيبه منين ؟ انا سمعت عن نوع اسمه kyb ده نظامه ايه ؟

3- لاحظت ان فيه شرخ في علبه الشاسية اللي في الصورة ديه

يا ترى ده تأثيره ايه و يا ترى لو عاوز الحمه الحمه بكام ؟ و لو سبتهه فيها مشكله ؟ مع العلم انه مش ممتد لتحت

**khaled_bibo** · 12-09-2011 12:22 AM

هو السؤال صعب للدرجه دي ؟؟؟؟؟؟

**mrastra** · 12-09-2011 11:12 AM

لا مش صعب ولا حاجة بس عنصر الوقت
بالنسبة للعربية 128 معروف عنها ان الشاسية ضعيف جدا ونتيجة لتلف المساعدين بتوعك حصل الشرخ المذكور
اولا لازم الشرخ دة يتعمل كويس جدا وتراجع على الحوض كولة لو فى شرخ تانى وعند القنطرة والركب دول مناطق مهمة جدا
ثانيا بالنسبة لنوع المساعدين الفيصل بتعنا مش المركة المركة لا غبار عليها فهى من افضل الماركات ولكن الاهم انك تجيب مساعدين زيت بس مش هواء + زيت ودة هيوفى بطلبك انك عاوز احساس بالراحة اكثر من الثبات
وعلى فكرة زى ما الصين سمعت اوى فى الكبالن كمان بتعمل مساعدين كويس اوى وسعرهم حلو جدا

**khaled_bibo** · 12-09-2011 02:37 PM

شكرا جدا ليك و متعرفش يتكلف كام الشرخ ده؟

**mrastra** · 13-09-2011 01:14 PM

طب اؤلك حاجة كويسة هاتوفرلك اوى
فى عفشجى انا بتعامل معاو محترم جدا وسهل وتعرف تتكلم معاة فى فلوس بس مش دة المهم
المهم بقى انة عندة 3 ورش جمب بعض الاولى ورشة خراطة ولحام والذى منة والتانية قطع غيار استيراد والتالتة للعفشة وعندة صنيعية كويسة جدا ............انا بؤلك الكلام دة لية عشان اما بيفك ويلاقى شرخ بيعملة لان عندة اسطوانات اللحام والصنيعى فتلاقى التكلفة بسيطة جدا غير اما يفك ويبعتك تعمل اللحام عند سمكرى هاتدفع هنا وهاتدفع هناك وكمان اية فى بعض اللاحامات لازم العفشة تكون مفكوكة عشان يعرف يلحم فتضطر حضرتك انك تجيب السمكرى باسطواناتة مطرح ما انت فاكك ودة بيزيد التكلفة اوى غير التناكة بتاعة السمكرى لانة هاسيب ورشتة ويجى معاك
لو انت موافق تروحلة انا هاكتبلك عنوانة وهاديك كلمة السر عشان يعرف انك من طرفى ويعمل معاك الواجب وهاتشوف

**khaled_bibo** · 13-09-2011 03:06 PM

طب تمام قوي ممكن تبعتلي العنوان على الخاص

**mrastra** · 14-09-2011 01:36 PM

ولية على الخاص العنوان وارقام التليفون مش ممنوعين
حضرتك لو جاى فى شارع جسر السويس فى اتجاة موقف العاشر وعند محطة جراج جسر السويس تعمل يو ترن وتدخل شارع 6 اكتوبر تفضل ماشى فية لغاية مساكن الجمهورية قبل موقف الاتوبي ب100 متر ( محطة النادى )
العفشجى اسمة جودة والمحل مكتوب علية ابناء ميت غمر للعفشة جنبة بتاع كاوتش وفطير وهو لة 3 محلات على الشارع واتنين جوة الحارة وتلاقية معلق كبالن كتير اوى على المحل من برة
بامر الله لو روحتلة تقولة باعتنى "محمد اللى معاة لادا حمراء من مدينة بدر" اللى بيديك سجاير روزمن كل شوية

**mrastra** · 14-09-2011 01:38 PM

ولية على الخاص العنوان وارقام التليفون مش ممنوعين
حضرتك لو جاى فى شارع جسر السويس فى اتجاة موقف العاشر وعند محطة جراج جسر السويس تعمل يو ترن وتدخل شارع 6 اكتوبر تفضل ماشى فية لغاية مساكن الجمهورية قبل موقف الاتوبي ب100 متر ( محطة النادى )
العفشجى اسمة جودة والمحل مكتوب علية ابناء ميت غمر للعفشة جنبة بتاع كاوتش وفطير وهو لة 3 محلات على الشارع واتنين جوة الحارة وتلاقية معلق كبالن كتير اوى على المحل من برة
بامر الله لو روحتلة تقولة باعتنى "محمد اللى معاة لادا حمراء من مدينة بدر" اللى بيديك سجاير روزمن كل شوية