حادث فظيع بعربيتي الشارك..الحمد لله

**abo_anas** · 12-09-2011 11:32 PM

المشاركة الأصلية كتبت بواسطة haythamkmal

حرام عليك ، رغم انك هتصلح للراجل العربية فانت ازيته فى عربيتة لو مكانتش راشه قبل كده ده غير البهدله والعطلة ، ارجوك خد بالك بعد كده
لان ممكن الراجل اللى جاى فوشك كان طافى النور عشان ميضايقش اللى قدامه

عموما حمدا لله على السلامة ، وقدر الله وما شاء فعل

وعلى كده النور الصغير لازمته ايه؟؟؟؟؟؟
وبعدين هو فى حد عاوز يأذى غيره ويغرم نفسه!!!!!!!!
الموضوع كله قدر . وقدر الله وماشاء فعل

**basemsaeed** · 13-09-2011 02:06 AM

قدر الله و ما شاء فعل
و الحمد لله انها جات على قد كده
و انا عارف ان الموقف صعب بالنسبالك,,بس الحمد لله ربنا سترها من عنده
و الراجل طلع محترم جدااا ,الحمد لله و انت برده يا خالد شاب محترم و نبيل
و قول:( اللهم اجرني في مصيبتي و اخلفني خيرا منها )
و ان شاء الله ربنا يعوض عليك خير و يعوض على الراجل خير باذن الله

**ashouhdy** · 13-09-2011 02:32 AM

الحمد لله ع كل شئ

**dolly13** · 13-09-2011 02:34 PM

حمد الله على سلامتك والحمد لله ان ان اللى فى العربية التانية لم يتاذوا واى حاجة تانية بعد كدة فداك ... ربنا يستر طريقنا كلنا

**Abdo_Eldesokey** · 13-09-2011 02:52 PM

حمد الله على سلامة حضرتك ، وعلى سلامة الناس الي في الاسترا
بجد احمد ربنا مليون مرة عشان الناس دي مجرالهاش حاجة
مفيش شعور في الدنيا أوحش من إنك تضر حد ملوش ذنب
يعني الواحد عنده يتقطع 100 حتة ولا إنه يجرح بني آدم ملوش ذنب ماشي في حاله

**Abdo_Eldesokey** · 13-09-2011 02:54 PM

المشاركة الأصلية كتبت بواسطة haythamkmal

حرام عليك ، رغم انك هتصلح للراجل العربية فانت ازيته فى عربيتة لو مكانتش راشه قبل كده ده غير البهدله والعطلة ، ارجوك خد بالك بعد كده
لان ممكن الراجل اللى جاى فوشك كان طافى النور عشان ميضايقش اللى قدامه

عموما حمدا لله على السلامة ، وقدر الله وما شاء فعل

يا باشا لا تقسو على صاحب الموضوع
الراجل ملوش ذنب في حاجة
الموضوع قضاء وقدر للطرفين .. صاحب الاسترا ، وصاحب الموضوع
ومن لطف ورحمة ربنا إن مفيش خسائر إنسانية

**M.Elgergawy** · 13-09-2011 03:22 PM

المشاركة الأصلية كتبت بواسطة haythamkmal

حرام عليك ، رغم انك هتصلح للراجل العربية فانت ازيته فى عربيتة لو مكانتش راشه قبل كده ده غير البهدله والعطلة ، ارجوك خد بالك بعد كده
لان ممكن الراجل اللى جاى فوشك كان طافى النور عشان ميضايقش اللى قدامه

عموما حمدا لله على السلامة ، وقدر الله وما شاء فعل

الطرق اللي زي دي الواحد بيعد يقليب قبليها بشوية عشان لو حد ناوي يطلع من اللي قدامه ياخد باله انما هو بيقول مرة واحدة راح مديلوا العالي ومكنش عندوا نور واطي ولا اي حاجة وبعدين صاحب الاسترا خرج وقالوا متخفش مش هأذيك تيجي انت تقولوا حرام عليك !!!!!!!!!!
ليه القسوة دي على صاحب الموضوع يعني هو كفاية اللي شافوا وهو عامل الموضوع مش عشان يسمع الكلام دا

**kholio** · 13-09-2011 08:46 PM

المشاركة الأصلية كتبت بواسطة khaledmekawy2008

الحمد لله قدر الله وما شاء فعل وانا راجع للبيت امبارح في طريق حارة واحدة رايح جاي كنت ماشي بالعربية بسرعة 80 وكان الطريق فاضي جيت اعدي عربية اوبل استرا وفجأة ظهر نور عربية ماكنش ليها اي اضاءة اطلاقا من بعيد ..العربية ماشية من غير نور خالص وفجأة ضرب نور عالي في وشي وانا كنت بعدي العربية الاوبل.. وعشان اتفاديه دوست فرامل عالاخر مع كسر الدريكسيون يمين فخبطت الاسترا من ورا لقيت عربيتي وقفت مكانها والاسترا زحفت مسافة كبيره وفي الاخر العربية اتقلبت بالكامل فالهواء ونزلت علي ضهرها في ترعة المنظر لوحده يخلي الواحد متاكد 100000 المية ان اللي جوا العربية مات في لحظتها ولكن قضاء الله اراد بهم عمر تاني والاصابات كانت خفيفة جدا وستر ربنا مع الواحد كان كبير جدا جدا نزلت من عربيتي والناس اتلمت وطلعوا واحد ومراته من العربية بعد ما كانوا علي بعد لحظات من الموت غرقا والحمد لله مكنش حصلهم حاجة وتكفلت انا باصلاح الاوبل لان العربية فعلا اتدمرت اما عربيتي فمحتاجة اكصدام ورفرف وفانوس
عين الناس وحشة جدا جدا وقبليها واحد بيقولي بس انت كده راكب عربية مفهاش غلطة وانا بحسدك عليها لسه كنت صارف عالعربية ومعدلها لجي تي ومكملتش معايا حاجة ويحصل اللي حصل بس في الاخر بقول الحمد لله انها جت فالعربيات ومكانش في اي خسائر ادمية
والاغرب ان العربية اللي كانت جاية مقابل موقفش حتي ولا عبرنا كمل علطول عربيته ماشية من غير اضاءة ولا يفكر يرعش ولا اي حاجة بس انا شيلت الليلة لنفسي وانا غلطان بنسبة كبيرة في الي حصل بس قدر الله وما شاء فعل
ياريت كل واحد يمشي براحته ويتفادي خطء الغير كمية حوادث رهيبة وربنا يسترها معانا جميعا

قدر الله وماشاء فعل والف حمد الله على سلامتك وعلى سلامة صاحب الاوبل
وانا تحت امرك في أي مساعدة يا خالد

**mohammadrashee** · 13-09-2011 08:53 PM

احترمك بشده لأنك اعترفت بغلطك
واحترمك اكثر لأنك تكفلت باصلاح ما تسببت فيه
يا ريت كل واحد فينا وانا اولكم نعترف بأخطائنا مثلما فعلت
قدر الله وما شاء فعل

الموضوع: حادث فظيع بعربيتي الشارك..الحمد لله

LinkBack

أدوات الموضوع

عرض

-

-

-

-

-

-

المواضيع المتشابهه

أصعب موقف ممكن تقابلة فى حياتك،،،،فظيع فظيع فظيييييييييييييييييييع

الحمد لله..الشارك اتخبطت :(

=-=-=-=- حادث بايك .... شنيع ، فظيع ، مريع !!!!!! =-=-=-=-=-

حادث بمنطقة العباسية فظيع .!

حادث فظيع امام اكاديمية الشرطة - ربنا يعافينا من سائقي المقطورة والنقل

الكلمات الدلالية لهذا الموضوع

المفضلات

المفضلات

ضوابط المشاركة