الموضوع: حادث فظيع بعربيتي الشارك..الحمد لله

المشاركة الأصلية كتبت بواسطة haythamkmal

حرام عليك ، رغم انك هتصلح للراجل العربية فانت ازيته فى عربيتة لو مكانتش راشه قبل كده ده غير البهدله والعطلة ، ارجوك خد بالك بعد كده
لان ممكن الراجل اللى جاى فوشك كان طافى النور عشان ميضايقش اللى قدامه

عموما حمدا لله على السلامة ، وقدر الله وما شاء فعل

الف شكر لحضرتك....وانا كنت عايز اوضح لحضرتك اني لم اقصد اطلاقا اني أذيه او الحق بيه اي ضرر لان مفيش عاقل هيخش في عربية من ورا لوحده كده
ثانيا انا نسيت اقول برضه ان العربية بتاعت الراجل راشة كله قبل الحادث وبرغم من ذالك قولتلته لو حضرتك عايز تمن العربية كله انا تحت امرك واخد منه العربية
ثالثا الخبطة مكنتش بسبب تهور مني او زيادة سرعة او كلام من دا كل الحكاية اني كنت بعديه لان المقابل مفهوش عربيات ومفيش نور وفجأة لقيت عربية في وشي وكانت يدوب داخلة فيا وش لوش والصدمة كانت هتبقي كبيرة لاني مكنتش ساعتها رابط الحزام وجنبي قريبي لسه صغير فالسن ومش رابط الحزام برضه
فاضطريت اني اكسر يمين عالاخر مفاجئ طبعا بالفرامل ويدوب خبطته من الاكصدام الخلفي بتاعه ومكنش في خيالي خالص اني عربيته تزحف بالشكل ده وتتقلب في الهوا وتنزل بالمنظر ده بجد منظر ربنا ميكتبوش علي حد فيكوا وربنا يسترها علينا جميعا
وبكرر تاني انا بعترف اني غلطان واستحمل كل حاجة ولكن كان كل همي حياة الناس
والحمد لله علي كل شئ وكله قضاء بتاع ربنا