الموضوع: حادث فظيع بعربيتي الشارك..الحمد لله

معلش يا باشا ربنا يعوض عليك ان شاء الله ويبعد عنك وعنا الحوادث وشرها

_ يا ريت تحكيلنا رد فعل صاحب الاسترا ؟؟؟؟

الحمد لله انك بخير وقدر الله وما شاء فعل
فداك كل فلوس الدنيا طول ما انت بخير
الحمد لله والشكر لله

فعلا حادث جااامد جدا وفظيع الله يكون في عونك وانت شايف الاوبل بتتقلب ادامك وانت عارف انك غلطان دا احساس فعلا مش عارف اوصفوا وكمان وقعت في ترعة حقيقي منظر مرعب والحمدلله ان الناس اتلحقوا وربنا يعوض عليك في المصاريف

المشاركة الأصلية كتبت بواسطة ahmedzag1

معلش يا باشا ربنا يعوض عليك ان شاء الله ويبعد عنك وعنا الحوادث وشرها

_ يا ريت تحكيلنا رد فعل صاحب الاسترا ؟؟؟؟

صاحب الاسترا راجل كبير في السن وكان راجل محترم جدا جدا والحمد لله محصلوش اي حاجة وانا كنت في حالة هيستيرية وعصبية ما يعلم بيها الا ربنا وكان رد فعل الراجل بعد ما نقذوه( متخفش يبني انا مش هأذيك) وانا قلتله ان اي حاجة انا متكفل بيها
بجد الف حمد وشكر ليك يارب انهم محصلهمش حاجة....

المشاركة الأصلية كتبت بواسطة محمد الجرجاوي

فعلا حادث جااامد جدا وفظيع الله يكون في عونك وانت شايف الاوبل بتتقلب ادامك وانت عارف انك غلطان دا احساس فعلا مش عارف اوصفوا وكمان وقعت في ترعة حقيقي منظر مرعب والحمدلله ان الناس اتلحقوا وربنا يعوض عليك في المصاريف

انا كان كل همي مش العربيات والمصاريف انا اول ما شفت المنظر بعيني نزلت وسيبت حاجتي كلها فالعربية وسبت العربية بتاعتي مفتوحة وجريت علي العربية اشوفها الاقي منظر بشع بجد حصلي حالة ربنا ما يتكتبهاش علي حد ..بقيت اكلم في نفسي اذا كانو عايشين او ميتين وحصلي نوع من الشلل في لساني مش عارف اكلم حد او اتعامل مع الموقف لاني شفت المنظر كله بعيني كانه فيلم بيتمثل والله الارتفاع اللي العربية الاسترا طارت فيه كفيل انه يخلي العربية حتت بس الحمد لله ربنا كان كبير اوي ووقف معايا فالموقف ده ومصدقتش نفسي لما لقيت الناس طلعوهم وطلعوا عايشين مسكت الراجل قلتله اعمل فيا اللي انت عاوزه بس انا عايز اطمن انك محصلكش حاجة وان انتوا بخير والحمد لله اليوم عدي علي خير

قدر الله وماشاء فعل والحمد لله ان الموضوع عدى على خير وجت فى الفلوس ربنا يستر طرق الناس كلها وانت قلت كلمة جميلة جدا خطأ الغير فعلا مش كل الحوادث بتكون من الشخص نفسه واديك بتقول ان البيه سابك ومشى ولا كان كان فيه حاجة بس انت ربنا رزقك براجل محترم وحتى منفعلش عليك انك دمرت على الاقل عربيتو لما هوة طلع سليم ربنا يعوض عليك ويستر على الناس اجمعين اللهم امين