-
الانسر والمطبات والحفر
ايه رأيكم يا جماعة لو كل واحد فينا يحكي تجربتو مع مطب او حفرة او بلاعة
وايه التلفيات اللي حصلت في العربية؟؟؟
وحس بيه في العربية بعد مأكل المطب او البلاعة او الحفرة؟؟
وايه تقييمو لعفشة اللانسر؟؟
وطبعا مع تحديد موديل العربية؟؟ ومن اد ايه حصل الكلام دا معاه ؟؟
.....................................مع جزيل الشكر مقدما
-
هبدأ بنفسي
لانسر موديل 2010 كلاسيك
الحدث => اكلت مطب على سرعة 110
الزمن=> من يومين
اللي حسيت بيه بعد اكل المطب => العربية ماشية عادي جدا
التلفيات ___لا يوجد حتى الان
تقييمي للعفشة=> مش قادر احكم لسه
-
لانسر موديل 1999 كريستالة
الحدث => مطبات صناعية والعربية محملة
الزمن=> طول عمرها
اللي حسيت بيه بعد اكل المطب => قلبى بيتقطع بس الحمد لله ماشية تمام
التلفيات ___لا يوجد بس من تحت اثار الخبطات باينة من تحت
تقييمي للعفشة=> فوق الممتازة
-
وانا التاني
لانسر 2007 1600 وانا ماشي رابح طنطا مش فاكر اسم الطريق لانهم طريقين بس ممكن عن طريق زفتى فيه كوبري طويل كان لسة معمول قريب ونضيف بصراحة بين اراضي زراعية وارتفاعه حلو مش مدي خوانة والكبري جديد فجربت تقريبا 130 وكالعادة منور الشبورة بس مش مدي خوانة على كوبري وبنور ارعش بس ببص لقيت مطب على لفة الكوبري بصراحة والله خدتو زي مانا يدوب لمست فرامل مش جامد لا كان فيه تراب وقلت انا طلعت برا الكوبري استشهدت ومسكت الدريكسيون جامد ولفبتو على قد اللفة وقوت شكلي هاطير زي عباس ابن فرناس بس بصراحة ماخذلتنيش وطرت والله ولا افلام العربية مانزلتش غير بالاربع فرد مرة واحدة بس بصراحة زي الفل والحمدلله ولا حصل حاجة ليها والله وزي الفل الكلام ده شهر 9 السنة اللي فاتت والي بيسافر طنطا يخلي بالو من الكوبري ده لو عدا عليه هو طويل ومطب واحد في نص عند اللفة الصغيرة اللي فيه بالنسبة للعفشة والعربية ده بحترمها جدا ولما غيرت جبت 2010 بومة سام وال 2007 كانت كلاسيك وكفاية ان من 2007 لحد لما اتباعت من شهرين ماغيرتش حاجة في العفشة والله غير طقم مساعدين خلفى في شهر 4 اللي فات والباقي صيانات مرتين تياش وبرات ده اقصى حاجة غيرتها في العفشة مع اني كثير السفر وبحكم الاستعمال داخل المواقع والصحرا فبصراحة كتر خيرها انها ماتغيرش غير دول وهي عاملة 160000 كم :d وتحياتي لبقية الاعضاء وربنا يسترها مع الجميع وطبعا ده غير المطبات الطبيعية اللي بتتاكل من ساعة ماجبتها لحد لما اتباعت في الطرق الجديدة
-
لانسر شارك 2009
زى كل الناس بقابل النقر والمطبات كل يوم بالبوس والاحضان
اكتر مرة خت نقرة وجعت قلبى على طريق السويس بلاعة زباله مكنتش متسفلتة مع الطريق على سرعه 100 تقريبا بس الحمد لله طلعت سليمة بدون اى خسائر
تقييمى للعفشة قبل 5000 كم العفشة كانت ناشفة شوية ومكنتش مبسوط منها بس بعد 5000 كم حاجة تانية خالص اكنى ركبت عربية تانية من كتر نعوميتها
-
-
اللنسر من احسن العفشات
معايا لانسر 98 اوتوووووووووو
كنت فى مشوار مع العائلة .... وهما اوزان مش هينة (متباعدين الاطراف ) ما علينا وماشى وشادد المهم عربية بيجو سخنتنى شديت ومرة واحدة وانا على 120 لقيت مطب ........ بكل ما اوتييييت بقوة وكبست فرامل وجيت قبل المطب وسبت علشان تبقى هينا شوية
مساعد اليمين كل عام وانت بخير
غيرت اتنيين قدام... بس عفشتهــــا ملبن زى ما بيقولوا
Content Relevant URLs by
vBSEO 3.6.0 PL2