تجربتى مع مياة الردياتير

**karimfahmy99** · 12-09-2011 05:50 AM

انا احب اضيف تجربة حصلت معايا ف موضوع ميية الردياتير . العربية عندى ماروتى 2007 شاريها كسر زيرو عاملة 15000 كم بس كانت مركونة و من باب النظافة صفيت ميية الردياتير و عملت غسيل للدورة و تمام التمام . طبعا كنت جايب جيركن ميية خضراء من كارفور دا اول نوع جبتة و مليت و ظبطت الدنيا تمام . المشاكل اللى حصلت بعد كدة سخونة زائدة جدا للموتور و خصوصا ف السرعات العالية و لما افتح الردياتير الاقية فاضى المهم تابعت لما وصلت البيت و لاحظت حاجة غريبة جدا لما تكون العربية باردة تماما و افتح غطا الردياتير تحس انك بتفتح ازازة بيبسى يعنى لازم تسمع صوت فسسسسسس اثناء الفتح المهم دققت النظر و السمع ف الفتحة و لقيت زى فوران بسيط بيحصل وصوت زى متكون حاطط بيبسى ف كباية و بتبقلل مع العلم الردياتير عندى نضيف جدا و حتى لون دهان المصنع الداخلى لية زى الفل عربية لسة 15000كم المهم طبعا عرفت ان الميية فيها حاجة غلط و زى ما سمعت كتير من الاخوة عن لسانهم او لسان بتوع الردياتيرات نفسهم ان الميية الخضرا بتاكل الالومنيوم بس مكنتش اعرف المعلومة دى الا لما عملت بحث و لانى دايما بستعمل نفس النوع ف العربيات السابقة بدون مشاكل الا اللانوس لانها كانت نازلة بميية زرقا اصلا . المهم فضيت الميية تانى مش هستنى لما الاقى الردياتير بقى بودرة ههههه . جبت نوع تانى ميية خضرا برضوا و نفس الحوار حصل تانى هوة هوة . زى ما قلت بعد البحث ع النت اكتشفت موضوع الالوان و نوعية كل لون لنوع الردياتير انا بقول الكلام دا للى بيقولوا دا مجرد الوان و نفس المواد المضافة بس لأ مش مجرد الوان دى تركيبة و كل لون بتركيبة المهم تانى مرة مع تانى نوع ميية خضرا نزلتها تانى و غسلت كويس الدورة و حطيت ميية عادية مؤقتا . رحت اشتريت جركن ميية اسبانى لونة بمبة اللى بيسموة احمر و حطيت منة بعد تصفية ميية الردياتير و ظبط الدنيا طبعا لاحظت فرق كبير اولا السخونة عادية زى الطبيعى و الاهم انى لما افتح الردياتير عادى جدا بفتح غطا مش زجاجة بيبسى و دققت النظر و السمع مفيش اى صوت فوران او بقاليل و انتهت المشكلة على خير بعد ان غرمت 2 جيركن ميية خضرا و المم ان الميية اللى نزلتها من العربية كانت خضرا بس الغريب زى متكون مخففة لان خضارها فاااااتح قوى بس الحمرا حطيت منها عادى بدون تخفيف و مفيش مشاكل خالص . المهم اللى حصل دا الفايدة منة ان فعلا كل لون لة خواصة و تركيبتة الخاصة و مش كلة زى بعض زى الاخوة بيقولوا و الله اعلم

**HOSSAM99** · 12-09-2011 06:18 AM

طيب حضرتك جبت المياه في الأول تركيز كام و الثانيه تركيز كام
و مبروك علي صيانة دورة التبريد و مجهود رائع

**karimfahmy99** · 12-09-2011 06:34 AM

المشاركة الأصلية كتبت بواسطة hossam99

طيب حضرتك جبت المياه في الأول تركيز كام و الثانيه تركيز كام
و مبروك علي صيانة دورة التبريد و مجهود رائع

الله يبارك فيك تسلم يا مان

للاسف مش كتوب ع العبوات الخضرا اى تركيز بس انا كنت بستعملهم قبل كدة و عارفهم كانواع . نوع ف جركن اخضر اسمة رادكولنت و التانى جركن شفاف اسمة رابيدو . اما الاسبانى جركن شفاف iada مكتوب 10% و التجمد -4

**Amr Axel** · 12-09-2011 10:53 AM

شكرا لنقلك التجربة
بس اعتقد ممكن يكون المشكلة في النوعية بتاعت المية الخضرا اللي حضرتك جبتها مش كويسة
لأني بجيب مية خضرا من البنزينة و بستعملها من سنين بدون مشاكل و ناس كتيير بيستخدموها بدون مشاكل
و الله اعلم برده لأنك تقدر تقول انا في موضوع الريداتيرات ده ببصم ههههههههه

**Amr Axel** · 12-09-2011 12:54 PM

المشاركة الأصلية كتبت بواسطة karimfahmy99

منا قلت ان نفس النوعين اللى جبتهم كنت بستعملهم عادى بدون اى مشاكل فى العربيات التانية يمكن عشان كان ردياتير نحاس فى عربية بس التانية كانت الومنيوم دا الغريب

وارد يكون بسبب اختلاف الريداتير و ان المية الخضرا تفاعت معاه
كان بودي افيدك لكن زي مقولت انا في الريداتيرات ببصم و حتي البصمة بتبقي طشاش هههههه

**dr.hazem** · 12-09-2011 01:54 PM

انا بستخدم النوع بتاع كارفور وممتاز جدا
اكيد حضرتك دورة الميه كانت واخده هوا والا مكنش حصل حاجه من الكلام ده

عموما النوع اللي حضرتك جبته برضو ممتاز وانا جربته زمان وحاليا انا بستعمل الرادكولانت ومفيش منه مشاكل ولله الحمد

تحياتي

**karimfahmy99** · 14-09-2011 06:22 AM

المشاركة الأصلية كتبت بواسطة hm414

انا بستخدم النوع بتاع كارفور وممتاز جدا
اكيد حضرتك دورة الميه كانت واخده هوا والا مكنش حصل حاجه من الكلام ده

عموما النوع اللي حضرتك جبته برضو ممتاز وانا جربته زمان وحاليا انا بستعمل الرادكولانت ومفيش منه مشاكل ولله الحمد

تحياتي

طبعا يا اخى الفاضل انا عارف الفرق بين ان يكون الردياتير واخد هوا و ان يكون فى صوت فوران سامعة و شايفة و كفاية اقولك انا اتاكدت بدليل بالليل و العربية باردة تماما فتحت الغطا و و صوت الفوران سامعة قفلت الغطا و سبتها الليل بطولة و الصبح فتحت الغطا و برضوا العربية باردة تماما و انا بفتح بالظبط زى مكون بفتح علبة كانز طب فسر انت الضغط اللى حصل دا حصل لية و من اية ؟؟ مع العلم ان العربية مدارتش خالص طول الفترة من الليل للصبح

الرادكولانت منا كنت برضوا بستعملة ف العربية اللى قبل دى و كان زى الفل و بستعملة من 5 سنين

-

-

-

الموضوع: تجربتى مع مياة الردياتير

LinkBack

أدوات الموضوع

عرض

تجربتى مع مياة الردياتير - انشر الموضوع فى :

-

-

-

-

-

-

المواضيع المتشابهه

مياة الردياتير تحت رجلي

قربة مياة الردياتير

مياة الردياتير

عايز أغير مياة الردياتير

تجربة تغيير مياة الردياتير

الكلمات الدلالية لهذا الموضوع

المفضلات

المفضلات

ضوابط المشاركة