انا ما قارنتش السيينا بالميجان كعربية انا بقارنها كسمعه عند الناس
عرض للطباعة
هو فعلاً يمكن الميجان مقرفة أكتر من السينا في شغلها
بس في هنا مشكلة... أنا عندي قناعة إن السينا واخدة أسوأ ما في الكوري و أسوأ ما في الأوروبي
عربية معقدة في شغلها و قطع غيارها مش متوفرة (أصلية) و كمان أداء و حش و أمان سئ و قعدة مش مريحة (فرش ناشف قوي و خامته وحشة) خالص و خامات سيئة و على فكرة الدنجل بتاعها بيتعوج بسهولة قوي!!
اللي أقصده... بتشتغل فيها بتتعب قد ايه مقابل ركوبة ايه؟؟
و على فكرة أنا غيرتلها قاعدة عصاية الفتيس الفبر في ورشة رينو.... بقول للصبي اللي كان واقف معايا "شفت حاجة كدة قبل كده؟؟" قاللي "ايه يا شيخ العربية المعقدة دي؟"
بداية الحكاية دي إن قاعدة العصاية الفبر اتكسرت و العصاية مش بتيجي مارشدير
جبنا القاعدة بعد عذاب من دمشق للتوفيقية لحد مالقيناها في التوفيقية.
أربع صواميل قدامي
http://img64.imageshack.us/img64/6913/78cba107.png
... أجي أفك ألاقي المسمار بيلف مع الصامولة
جبت الـ workshop manual لقيت إن لازم أفك ...
1. صاجة الشكمان.
http://img41.imageshack.us/img41/9862/78cba102.png
2. صاجة كمان تحتها.
http://img855.imageshack.us/img855/5482/78cba103.png
3. واحد يفك من فوق و أنا أمسك من تحت.
http://img849.imageshack.us/img849/7913/78cba106.png
http://img830.imageshack.us/img830/4714/78cba105.png
علشان بس محدش يتهمني بأني بأفور على العربية.... على فكرة دي عربية أعز أصحابي و كنت بنزل في التراب على الأرض بحاول أعملها لوحدي قبل ما أعرف اللي فيها
في رعاية الله
مقدرش اختلف معاك فى موضوع التعقيد .... انا عشان حد يشتغل فى الرادياتير ولا التكييف بفك الوش كله بالاكصدام و الفوانيس !!! و مره كان عندى حاجه فى الكهربا و كان احتمال اغير دينامو و بصيت لقيته تحت الموتور ... ما أظنش انه كان حد هيوصله من غير ما يفك كل حاجه بس ربنا ستر
موضوع القعده ... عربية صاحبك موديل كام؟ انا عندى القعده مريحه و مش فارقه عن عربيات كتير ركبتها
هو الدنجل ده ايه بالظبط؟ معداش عليا الحمد لله
lanos
الاكسنت ممتازة جدا وانصحك بيها ولو عايز عربية تجيبها وتنسى اى مشاكل يبقى هى دى ويليها الاكسيل او التمبرا جميله برضوا او الكيا برايد سيدان