طالما العربية عندي البنزين المعتمد لها هو 92
يبقى لو غيرت للأعلى 95 عادي ورجعت تاني 92 عادي
مش هيحرق بوجيهات ولا هيأثر فيها بأي تأثير مهما تراوحت بينهم
-
لكن المشكلة لو عربيتي المعتمد لها 92 وأنا إستخدمت بنزين 80
في هذه الحالة بأثر على كل حاجة
-
عرض للطباعة
السلام عليكم
مع احترامى الكامل لحضرتك و انك عاوز تفيدنا او تصحح معلومه لينا
كلام حضرتك مش مظبوط
و البوجيهات عندى اتحرقت بسبب انى كنت غيرت من 92 الى 95 .و العكس و ده اللى قالهولى كذا ميكانيكى و البوجيهات فعلا كانت بتاكل بنزين و سحبها ضعيف و صوت الموتور على .
و لما غيرت البوجيهات حسات بالعكس .
و دى تجربه حصلت لى .و كمان يا ريت حضرتك ترجع لاسباب تلف البوجيهات هتلاقى ده سبب منهم .و كمان لو حضرتك عندك دليل على كلامك او ان كلامى غلط يا ريت تفيدنا .و اكون شاكر جدا ليك .
و السلام ختام
طالما دا قالهولك كذا ميكانيكي يبقى خلاص
لا فتوى وميكانيكي في المدينة
والحقيقة أنا كنت بقدم نصيحة لصاحب المشكلة اللي أصلاً بقاله فترة مش بيرد
واللي أنا قلته أنا متأكد منه بصفته تخصصي
ولو ربنا سهل وجه بالصدفة قدامي وصلة لمرجع هبقا أكتبهولك
غير كده ملكش بركة غير الميكانيكية
والسلام ختام
-
+111111111
و الله انت راجل زى العسل
و ضحكتنى من نفسى
من الاول كنت تقول انك مهندس
يا ريت تعرفنا بنفسك و كده .
و معلش لو كنت نقلت تجربتى ,و يا ريت نستفاد من خبرة حضرتك ,و توضحلنا اكتر المشكله اكتر
و على فكره انا لقت كنز على بابا فى حلول جميع مشاكل السيراتو و كيا عموما .بس للاسف الحلو ميكملش
بالانجليزى :عادى .مليانه مصطلحات فنيه .و كمان عوزه خبره ميكانيكيه و غيرها فى مجال العربيات و كده و ده مش متوفر عندى
و بما ان حضرتك مهندس فنستغل حضرتك بقى .ههههههههههههه
نتقابل مثلا مقابله لكيا جماعيه و اجيب لحضرتك الورق و افرجك على العربيه و نعمل تست دريف و نستعرض المشاكل .و تقولنا رايك .و هل هتعرف تنفز الحلول دى و الا لا .و اه انسب مكان عنده خبره فى هذا المجال .و يقدر يفهم و ينفذ كل الحلول و معاه كل الاجهزه المتاحه .
و السلام ختام.
كل كلامك حلو وعلى راسي من فوق
وده كله بافتراض ان ال 92 وال 95 بتاع بلدنا هوا هوا زى مالكتاب بيقول
وتفسيرا لكلامك ان المعتمد لعربيتى 92 مثلا لو حطيت 95 مش هيفرق معايا غير فرق تمنه
كل الكلام ده انا معاك فيه بس مش ده الرد بتاعى بردوو
كمثال تانى
رغم تعدد انواع الزيوت اللى بنفس درجة اللزوجة والمواصفات كمثال 5w40
ليه زيت بيهدى صوت الماتور وزيت بيتبخر بسرعة وزيت لونه بيغير بسرعة وزيت بيحافظ على مكونات الماتور
كل دى اضافات بتضيف مميزات بتفرق فى اداء زيت عن اخر
وللاسف مش كل الافتراضات العلمية بتبقا صحيحة الا بالتجربة
ده حتى التجارب مابتمش بنظرية ومعادلة لازم تجارب عملية
وده طبعا مش تقليل فى خبرتك ولا مجال تعليمك
ربنا يجعل من مناقشتنا مجال للافادة للكل مش علشان اقول انى بفهم وغيرى لأ
انا عملت موضوع جديد فيه سؤال محدد عن اساس المشكلة عشان النقاش ميبعدش عن اصل الموضوع ياريت اللى عنده معلومة او تجربة يشارك فى الموضوع الجديد
الفرق بين بنزين 92 وبنزين 95 هو في صفة تسمى مقاومة الصفع أو الكركرة أو التسقيف detonation
والصفع هو من أشد العوامل التي تضر بالمحرك بالكامل بكل أجزائه ومنها البوجيهات
يعني كل ما أبعد عن الصفع كل ما أحافظ على البوجيهات وبقية أجزاء المحرك فترة أطول
والخلاصة إني لو إستخدمت بنزين أعلى من الموصى به فبالتالي أنا بأبعد عن الصفع مش بقرب منه
وبالتالي لن نضر البوجيهات
أما لو إستخدمت بنزين أقل مثل بنزين 80 فإنني أدمر البوجيهات والصبابات والدلايل والسلندرات وكل حاجة في الموتور
لذلك لما بنلاقي عند حد ظاهرة الكركرة وهو بيستخدم بنزين الموصى به لسيارته بنطلب منه يجرب البنزين الأعلى كاختبار غير مكلف في البداية ومن نتيجته نبدأ في البحث عن مشاكل أخرى
-
اعتقد ان البنزين عليه عامل كبير في الموضوع ده
بنزينة وطنية اعتقد انه انظف بنزين
وشل كويسة لكن من زي الوطنية
ياجماعه خلاصه الكلام الكركره دي انا مجربها في 2 سيراتو عندي وتقريبا هي من الحر ودرجه الحراره العاليه لاني بلاحظ وانا ماشي بليل مفيش اي كركره مش عارف بقي ده عيب جديد في السيراتو ولا ايه
بالظبط كده الموضوع فعلا ليه علاقة بدرجه الحرارة لو القراءة outside اكتر من 30 الصوت بيظهر !!!! انا شايف ان الموضوع ده ليه علاقة بدرجة الحرارة , ياريت لو حد يفسر ده معناه ايه ؟؟!!
بتحطوا زيت إيه ؟
أنا عندي نفس المشكلة و الكركرة بسمعها مع التكيف بس و علي سرعات واطية. و ده بعد ما العربية تكون مشيت مشوار ~ 30 كيلو و وقفت حاجة بتاع 10 دقايق . وبعدين دورت تاني و مشيت بيها
أنا بحط بنزين من بنزينة إمارات اللي علي الصحراوي و ساعات موبيل .
الموضوع ده في 2011 بس 6 سرعات ؟
أنا مش حاسس انها مشكلة بنزين ! ربنا يستر
هوا الواحد لازم يقسم بالله يعنى علشان الناس تقتنع
ياجدعان تفويلة 95 بكام نقول 120 ج مثلا
جرب بقا هات فلتر البنزين على الاقل لو مكنش السبب يبقا استفدت على الاقل انك حافظت على طرنمبة البنزين من البنزين اللطيف اللى فى بلدنا
انا شايف انها بنسبه 99% مشكلة حرارة...جرب كده بعد مشوار طويل و افتح الكبوت و حط ايدك على الكمبروسور مستحبل تقدر تلمسه من السخونيه .... ممكن تلمس الموتور اه بيكون سخن مولع لكن الكمبرسور مش هتقدر تقرب ايدك منه من السخونية!!!
امبارح باليل كانت كاتبه الحرارة فى الخارج 26 فشغلت التكييف مفيش اى كركرة نهائى !!! ده يثبت انها مرتبطه بدرجة الحرارة....ياريت حد يرد او يفكر معانا
شباب...كل سنه وانتم طيبين
نزل على موقع kiatechinfo.com ده موقع لشركه كيا متخصص فى المشاكل التقنيه لهذه السيارة للى ميعرفوش يعنى...نزل عليه Service action بإصدار تاريخه November 2011 خاص بالمشكله دى للتكيف و علاجها , كود الService Action (ENG 109) و حلالمشكلة دى هو عمل تحديث لسوفتوير وحده الECM وده لسيارات Cerato او Forte حتى انتاج 31/10/2011 و الخطوات مكتوبه خطوة بخطوة للتحديث...ياترى الوكيل هيستجيب او المهندسين اللى عنده هيعرفوا يعملوا ده....أشك
ECM software upgrade for some Forte that may
experience A/C performance concerns. For confirmation that the latest reflash has been done
to a vehicle you are working on, verify ROM ID using the tables in this TSB. To ensure
maximum customer satisfaction Kia is requesting the completion of this Service Action on all
affected 2012MY Forte/Forte Koup vehicles prior to delivery.
For vehicles not on the Affected Vehicles List, but with a customer concern related to A/C
performance issues, perform the following procedure outlined in this bulletin and submit a
warranty claim per "customer concern" (Standard TSB) claim information on page 6.