انا عايز مقارنة بين الاوكتافيا 2010 مستعملة كسر زيرو ولا مرسيدس b150 2007 او ياريت بس حد يقولى انهى احسن فيهم
عرض للطباعة
انا عايز مقارنة بين الاوكتافيا 2010 مستعملة كسر زيرو ولا مرسيدس b150 2007 او ياريت بس حد يقولى انهى احسن فيهم
قول مواصفات الاتنين بس اكيد فى الرفاهيه هتبقى مرسيدس
المرسيدس مرسيدس لو عضم فى قفه
طب هيا المرسيدس ممكن تركب فيها كرسى ورا زى البيجو كده ولا لا وشكرا على رد حضرتك
أوكتافيا 2010 أفضل طبقا لعملية إعادة البيع، قطع الغيار، العملية في الاستخدام والأداء والصيانات
طب هيا المرسيدس ممكن يتركب فيها كرسى ورا ولا لا
لا...هي زي ما هي....
و من رأي خد الاوكتافيا لاعاده البيع و قطع الغيار
بص يا باشا...انا معايا a5 2007 و زميلتي في الشغل معاها b150 و بسوقها كتير
في فرق مش قليل بين العربيتين لصالح الاوكتافيا...
ثبات و إستقرار علي الأرض و عفشة قوية و رزينة لصالح الاوكتافيا
حجم اكبر و شنطة أوسع لصالح الاوكتافيا
قطع غيار و صيانة....بالفُم المليان أوكتافيا
إعادة بيع و سوق رائج...الاوكتافيا...
البي عجبتني في الباور بتاعها فقط...ناعم جداً أثناء السير في السرعات البطيئة...
انا بصراحة مش شايف أي ميزة في البي كلاس...حتى شكلها مش مقبول بالنسبة لي على الاقل...
رأي الاوكتافيا افضل... ناس كتيير جربوا البي كلاس, و تعليقهم كان تقريباً واحد و هو (( ماتحسش انها مرسيدس اطلاقاً ))
اختلف معك شوية يا هندسة , انا بركب الb150 مع عديلي كتير هي ممكن متكونش في فخامة مرسيدس من ناحية الinterrior trimming لكن هي سيارة عائلية محترمة جدا من حيث النقاط الاتية:
-واسعة جدا شنطة و صالون بس الاوكتافيا اوسع شنطة منها
-مريحة جدا زي كل مرسيدس عفشة ناعمة جدا انعم كتير من اوكتافيا
-ثبات اليكتروني ESP و انا عارف انك بتقدر انظمة الثبات و الامان
-اسعار قطع غيار معقولة جدا , التيل الامامي في التوكيل ب400 ج على سبيل المثال
-بس جري و تجميع مش قوي متفرقش عن اوكتافيا كتير
-ثبات رائع على السرعات حتى 180 عن تجربة (غرز و كده, كان بيشد معايا بيها)
فى رأيي المتواضع الاوكتافيا احسن شكلا وموضوعا ياريت حد يعملنا مقارنه فنيه بالمواصفات الفنيه للسيارتين بشكل متخصص من كل الجوانب زى القوه بالحصان الوزن ، الطول ، العرض والارتفاع ، الاوبشن ، استهلاك البنزين ، قطع الغيار الصيانه ، الوكيل ، التسارع ، الثبات ، كفاءة التكييف ، وسع الشنطه ، الاعتماديه ، والتحمل ، اعاده البيع