عرض للطباعة
الحمدالله رب العالمين عملت حادثة بالفلوبنس
عجلة مكروباص إتفكت و عديت عليها على الدائري و عومت مني العربية
بس الحمدالله طلعت سليم بفضل الله و حزام الامان
خت العربية على التوكيل و لسة مكلمني إنها جابت التالي
1- مساعد امامي شمال
2 - مقص شمال
3- جنت امامي و خلفي
4- قنطرة
5- عفشة خلفية
6- طبق مساعد امامي شمال
هتتكلف في حدود 25000 جنيه
حد عندو اي فكرة او مساعدة لية انا مش مئمن على العربية و هيا عملة 20000 كم
حمد لله على سلامتك الاول وفداك اى عربيه ولو قطع الغيار موجوده بره التوكيل اعملها بره لان مفيش فيها اى فن دى مجرد مسامير هتتفكر وتتركب وهتلاقى التكلفه ااقل بكتير اوى اوى
وفداك الف فلوانس يا استاذ Engahmedmahfouz
لا حول و لا قوه الا بالله
حمد الله على سلامتك و الحمد الله انك بخير و ربنا ان شاء الله يعوضك خير
بالنسبه للتكلفه انا حاسس انها عاليه شويتين اعتقد انك ممكن تجرب تكلم العقيد خالد يمكن يكون عنده فكره عن وسيله للاصلاح بتكلفه اقل من كده
بالتوفيق ان شاء الله
حمدلله علي السلامه .. الحمد لله علي كل شئ
انا بعتلك رقمي عالخاص ... اتصل بيا في اي وقت
حمد لله على سلمتك دى اهم حاجة ..و اللى يجى فى الريش بقشيش
اعتقد الجنوت ممكن استعدلها لو حالتها معقولة ...
باقى قطع الغيار مش عارف حتلاقيها خارج التوكيل ام لا ..لكن ممكن تلاقى بعض القطع و تصلح بعضها و تستكمل من التوكيل ..خير ان شاء الله
هو اية اللى مغلى الاصلاح قوى كدة .. والسعر دة من فرع العبور ولا المقطم
أولا حمد لله على سلامة حضرتك أهم شىء و فداك 1000 عربية....اقتباس:
المشاركة الأصلية كتبت بواسطة engahmedmahfouz
ثانيا لاحظ إن دى مؤايسة إصلاح و لازم يزود علشان حضرتك ما ترجعش عليه لو التكلفة زادت....لكن الطبيعى إن التكلفة هتقل....
ثالثا لاحظ وجود بعض الإصلاحات " المطاطية " زى مثلا عفشة خلفية...و دى مثلا تحوى داخلها أشياء كتير...فيجب إستضاح نقطة نقطة و التأكد من حاجة كل شىء للتغيير فعليا...إنت عارف التوكيل بيحب يغير و خلاص علشان يريح دماغه.......
أنا لو مكانك أروح أقابل مهندس الصيانة و أشوف كل المشاكل بعينى و أتأكد منها و أحصرها....
كل الأجزاء الميكانيكية التى تبلى زى مثلا المساعدين و المقصات و خلافة هشتريها من التوكيل بضمان سنة....
كل الأجزاء الحديد الثابتة و التى لا تبلى زى مثلا قنطرة أو طبق مساعد أو خلافة هروح أشتريهم من عربيات إستيراد " طبعا ده لو كان فيه فلوانس أو عربيات حوادث إن وجد "
كده يبقى حافظت على العربية إنى حد كبير علشان لو حضرتك غيرت كل أجزاء العفشة دى بأجزاء غير أصلية مش هتكون مبسوط خالص من العربية و من الأصوات اللى ممكن تعملها و خصوصا إن عربية حضرتك لسه جديدة....
ده رأى الشخصى أو على الأقل اللى كنت هعمله لو فى مثل حالتك علشان أقدر أرجع على التوكيل فى خلال السنة بعد تركيب العفشة و أطلع عينهم لو فيه أى حاجة مش مظبوطة و ده وارد جدا فى حادثة زى كده.....
طبعا أستاذ أيمن مومو خبرة كبيرة جدا و هيساعدك أكتر بكتير منى.....
نسيت أضيف حاجة بسيطة و هى إن عربية حضرتك لسه فى الضمان...لذلك غير محبذ تركيب قطع خارج التوكيل و إلا سوف تؤخذ ضدك طول فترة الضمان....يعنى أى شىء هيحصل هيقولوا لحضرتك علشان القطع اللى راكبه مش أصلية....لأن الحادثة إتعملها " History " عندهم دلوقتى فى ال" System ".اقتباس:
المشاركة الأصلية كتبت بواسطة Meggieboy
الحمد لله
قدر الله وما شاء فعل
الطلبات دي بكام لو من بره التوكيل ؟
انت ممكن تشوف حد كويس و فاهم في الرينو يعملهالك لأن مش معقول الطلبات دي توصل ل 10000 جنيه طلبات و قول 2000 مصنعية .... كده التوكيل مقلبك في 23 الف على اقل تقدير ( ده تقديري الشخصي و لا يعتمد على اي خبرة سابقة مع رينو )
و منتظر معاك تفاعل اصحاب الرينو
و الف سلامة ليك و قدر و لطف
ألف سلامة عليك و فداك مليون عربية
بس هو زى ما قالى meggieboy فيه حاجات مش منطقية......و ده طبعاً لأننا مش عارفين الحادث حصل إزاى......هل بعد ما العربية عومت منك خبطت فى حاجة.....أتوقع رصيف مثلاً لأن مفيش حاجة من بودى العربية فى المقايسة.
و لا مجرد أنك عديت من على العجلة و و العربية عومت و مخبطتش فى حاجة هو اللى عمل كل المشاكل دى ؟
لو حضرتك مأمن على العربية يبقى تعمل حسابك أنهم مزودين حاجات و مزودين أسعار و أول ما مندوب التأمين يروح علشان يشوف المقايسة هينزل معاهم مش أقل من 5000 جم فى رأيي......و ده لأنه هيفاصل معاهم فى أسعار المصنعيات و فى بعض القطع اللى ممكن متتغيرش و متأثرش على العربية بعد كده.
و بالنسبة للجنوط.......شوفها بنفسك و حاول تاخدها لحد يصلحها و العربية واقفة عندهم.........التصليح برة هيكلفك فى حدود 300 جم مثلاً بينما التغيير هيكلفك فى حدود ال 3000 جم على الأقل.
بجد يا جماعة مش عارف اقولكم ايه على التفاعل دو الف شكر
بالنسبة للعربية هو فعلا العربيه عومت مني في نص الدائري والحمدالله مخبطش في الحواجز
هو انا كلمتهم ,قالولي إني دي تكلفة كاملة و لسة إن شاء الله ممكن تقل عادي يا مسهل يارب بالنسبة للجنوط طبعا ممكن استعدلها نظيف
مشكلتي فعلا إني مش هقدر اجيب حاجة من برة زي ما استاذ meggie boy ما قال العربية إتعملها history وهيطنطتو عليا كل شوية بعد كدة
استاذ momo هكلمك إن شاء الله النهردة
الف حمد لله على سلامتك
و فداك الف عربيه و ان شاء الله العربيه تتصلح و ترجع احسن من الاول
اخوك هشام فتحى
الحمد لله
قدر الله وما شاء فعل
ربنا يعينك واحمد ربنا ان الايرباج مفتحش
حمد الله على سلامتك
ألف حمد لله على سلامتك أكيد هى حاجه تضايق لكن الحمد لله أن مفيش أصابات
الحمدالله و إن شاء اللهاقتباس:
المشاركة الأصلية كتبت بواسطة hic
امين يا رباقتباس:
المشاركة الأصلية كتبت بواسطة amr_moh
الحمدالله على كل حاجةاقتباس:
المشاركة الأصلية كتبت بواسطة ashouhdy
الله يسلمكاقتباس:
المشاركة الأصلية كتبت بواسطة egyptiandiver
الحمدالله و قدر الله ما شاء فعلاقتباس:
المشاركة الأصلية كتبت بواسطة moh_gawad
الحمد الله كلموني في التوكيل و قللولي إن الدفرنتال سليم ومش محتلج يتغير
كدة وفرت 11700 جنية يا مسهل
هوة مقاس العجل كام عشان كان طلبين مني عجلتين؟
الحمد لله أنا حدثتي اقل منك واتخبطت وهي واقفه وجبت الدفرنتال دهاقتباس:
المشاركة الأصلية كتبت بواسطة engahmedmahfouz
قدر الله وما شاء فعل
الحمدلله ان حضرتك بخير وحمدالله على سلامتك
الف حمدلله على سلامتك و قدر الله وماشاء فعل دي تاني حادثه فلونس النهارده دي شكلها عين غريبه
فعلا ولاهي الحمدالله على كل شيء. واهم حاجة سلامتك إنتااقتباس:
المشاركة الأصلية كتبت بواسطة heromiro
الحمدالله رب العالميناقتباس:
المشاركة الأصلية كتبت بواسطة s a m a
الله يسلمك يا باشااقتباس:
المشاركة الأصلية كتبت بواسطة adry_adry
اقتباس:
المشاركة الأصلية كتبت بواسطة engahmedmahfouz
ايه هوه الدفرنتال ده ؟ بيعمل ايه ؟
القنطرة الخلفية اللى شايلة العفشة الخلفية.اقتباس:
المشاركة الأصلية كتبت بواسطة mazagangee
استاذ احمد كلامو شبة صح بس حبيت اوضح إنها العفشة الخلفية كلها مش القنطرة بس.اقتباس:
المشاركة الأصلية كتبت بواسطة ahmed a.maksoud
الدفرنتال كان ب 11760
و القنطرة 5400
القنطرة جزء من الدفرنتال....و ممكن حد من الوحوش يوضح اكثر
حمد لله على السلامة