نفس الكلام راجعوا عليها كذا مرة ومفيش فايدة
لا الموضوع مش كبير زيادة عن اللزوم ، و الأستاذ سيد صاحب الموضوع عنده حق
و بعدين السخونة مش بس موجوده عند دواسة البنزين لا ديه كمان الكونسولة نفسها بتسخن و خاصةً عند الجزء السفلي منها اللي هو المكان المفروض أنك تحط فيه مج أو كانز بيبسي ممكن تجربوا و تقولنا ده بيحصل عندكوا ولا مشاكل فردية
و أفرض أنا مش هشغل التكييف ، لازم أعيش بالسخونه ديه يعني
و بعدين دورة التبريد ديه أيه اللي يدخلها عند الكونسولة مش مفروض ديه تبقى عند الماتور؟
أستاذ سيد أنا مع حضرتك بس يا ريت تقولي أيه الخطوات ؟ و هل لازم الأول نحاول أكتر من مره مع التوكيل و نخليهم يثبتوا كلامنا الأول ولا مش فارق؟ أنا آخر مره رحت فيها التوكيل قولتلهم عليها و بالفعل مكتوبة في أمر الشغل اللي معايا الصورة الحمرا منه
لا دول ياجماعة بتوع التكيف فية ماسورة ساقع و ماسورة سخن دول عندى فى الاوبل بردة بس عندى بحس بنفس الحرارة دى ايام ما كان عندى مشكلة فى حرارة الموتور غير كدة مش بحس ب حاجة شوفو بقا هاتو عازل يكون نوعة كويس
مشكور يا أستاذ هشام على مداخلتك
بس لما هما بتوع التكييف و واحده للساقع و واحده للسخن أيه اللي يخليها تجيب سخونه طالما ما شغلناش التكييف سخن؟
و حضرتك كنت بتلاقي سخونه في الكونسولة برضه ؟ و لا عند الدواسات بس؟
و بعدين ما فيش عندنا مشكلة في حرارة الماتور :U_thin1[1]:
على فكرة هم عارفين انى دى مشكلة والدليل انهم تلافوها فى العربيات الاحدث على حسب كلام الملاك الجدد -على ما قريت تعليقاتهم فى المنتدى-
وفى كمان مشكلتين اللى فاهم فهم عارف انهم موجودين فى العربية وهم زنة موجودة فى دواسة البنزين والمقصود بالزنة احساس مش صوت وبتبان مع 3 ار بى ام وطالع ..... وكمان موضوع انتظار الثانيتين او انك تجيب غيار قبل المارشدير علشان يعشق من اول مرة
عربيتي موديل 2011 و المشكلة موجوده فيها
أستاذ راغب أحب أشكرك وباقي اﻷعضاء الكرام اللي تفاعلوا مع المشكلة بشكل إيجابي، الخطوات ببساطة، ما دمت كلمت التوكيل عن المشكلة قبل كدة، هتروح لموقع جهاز حماية المستهلك وهتبعت شكوى من على الرابط السابق، وما تنساش تحتفظ برقم الشكوى. وهم بعد يوم او اتنين هيتصلوا بيك يطلبوا منك ارسال وثائق بالفاكس، زي رخصة العربية وعقدها او اي حاجة تانية، لو ما اتصلوش ممكن تبعت فاكس مباشرة على رقم فاكس الجهاز فيه صور المستندات اللي عندك ونص الشكوى. بس الاضافة اللي لازم تضيفها في الشكوى إنك تقول إن فيه ناس غيرك بيشتكو من الموضوع ده ويا ريت تشجع غيرك لارسال شكوى.
انا فهمت من اعضاء لجنة المناقشة إنهم محتاجين عدد شكاوى اكبر بخصوص الموضوع، علشان يجبروا الشركة تعديل التصميم، ﻷن الاستاذ عمرو ابوالفتوح فهمهم إن ده مجرد احساس شخصي مني قدي يختلف فيه البعض وإن الموضوع موش محل شكوى اساسا وان تصميم العربية كدة! حتى علشان كدة اللجنة ما فحصتشي العربية ﻷن كلا الطرفين اعترفوا بالحالة القائمة في العربية.
وجود شكاوى متعددة، هيثبت لهم إنها مشكلة حقيقية، وخطورتها كمان إنها بتأثر في ال Passive Safety للعربية ﻷن ده شيء مزعج يشتت انتباهك وخطر ﻷنه ممكن يحرق قدمك او يسبب لها مشاكل صحية.
علشان تعرف المشكلة دي موجودة ولا لاء، ببساطة شديدة، بص على الماسورتين اللي في الصورة:
http://s4.postimage.org/a38di63o/image.jpg
وهتلاقيهم جنب دواسة اﻷكسيلراتير، المسهم وخلي بالك، إذا لاقيتهم بيلسعوا ايدك تبقى المشكلة موجودة، ﻷن بالعقل والمنطق الحرارة دي هتروح فين غير عليك في الصالون. اضيف برضه إن عربيتي موديل 2011
استاذ راغب،
اولا بخصوص عرض ارقام الشكاوى، فأنا اختلف معك، من غير المستحسن عرض ارقام الشكاوى، ﻷنه ممكن يتم اساءة استخدامها! ارجو إنك تكون فاهمني في النقطة دي.
اما عدم اصراري على إجراء الفحص في حينه، ﻷني رأيت أنهم قد اقنعوا بشكل ما بحجة اﻷستاذ عمرو، وأنه حتى بالفحص قد يتمسكون برأيهم، وعندها لن أحقق شيء يذكر، وآثرت أن أعمل على جمع شاكين بخصوص هذه المشكلة بعدد معتبر، حتى تنفي حجة اﻷستاذ عمرو الرئيسية.
اما بخصوص اختلافك عن موضوع إثارة الحرارة للقلق، فهي مقلقة للغاية وقد تتسبب في مشاكل صحية على المدى الطويل، وهذا ما سوف ادعمه من خلال تقارير طبية من اساتذة في العظام واﻷمراض الجلدية. إضافة لذلك -هذا إن اختلفنا في موضوع القلق، فإن هذا الوضع يؤثر على كفاءة او دعنا نقول فاعلية التكييف، ﻷن هذا الماسورة لا تنقطع عن إدخال ماء ساخن من دائرة التبريد حتى أثناء عمل التكييف
ما احتاجه هو دعوة كل ملاك رينو لوجان، إلى الشكوى، ﻷنه يبدو أن هذه الماسورة لا يتم عزلها في كافة رينو لوجان، وقد يتكاسل البعض لعدم معرفة اين يشتكون او ﻷنهم يعتقدون أن تشغييل التكييف يعتبر حل، وهذا خطأ فادح.