الموضوع: هو ما فيش زيت زي موبيل

المشاركة الأصلية كتبت بواسطة bassamhafez

على فكرة الارقام دي مش درجه الحراره

الارقام دي هي درجه لزوجه الزيت في حاله برودته وفي حاله سخونته اللي بتتقاس تقريبا عند 100 درجه سيليزيه

للتوضيح والتفرقه بين انواع الزيوت وافضليتها

ايه معنى 10w40 او 5w50 او 10w60 وهكذا

بالبلدي كده الرقم القليل كل ما صغر كان افضل (في درجات الحرارة المنخفضه) والرقم الكبير كل ما كبر كان افضل (في درجات الحرارة العاليه)

لتوضيح اكتر الرقم الكبير والصغير بيوضحو لزوجه الزيت وكل ما الرقم بقى قليل معني كده ان اللزوجه قليله لحد ما نوصل للصفر اللي هو بيبقى الزيت فيه خفيييييييييييييييييييف جدا وكل ما الرقم كبر يعني لزوجه الزيت بتزيد لحد ما يوصل لاتقل حالاته على حسب الرقم 40 او 50 او 60

وده معناه ان الزيت ليه لزوجتين لزوجه وهو بارد ولزوجه وهو سخن

وكل ما رقم لزوجته في حاله البروده بقى قليل كان احسن عشان اول ما بندور العربيه وهي بارده الزيت يمشي ويدخل اجزاء الموتور اسرع بكتير من اللي لزوجته اعلى على البارد وده بيقلل وقت تسخين العربيه الصبح

وكل ما رقم اللزوجه في حاله التشغيل السخن زادت كان احسن عشان لزوجه الزيت تزيد وتمنع الاحتكاك الجامد في حاله عدد لفات الموتور العاليه

علشان كده العربيات الاسبور ذات المواتير الرساضيه بينصحو فيها بالزيوت دات اللزوجه الاعليه على السخن عشان قسوة التشغيل

يعني ببساطه كده بالنسبه لعربياتنا العاديه في الصيف يستحسن نحط فيها زيت لزوجته 10w60
وفي الشتاء 5w50 ويا جماله لو فيه 0w50 او 0w40

ارجو اكون وضحت شويه معلومات ولو انا على خطا في حاجه صححوا لي

على فكرة انا حاطط في عربيتي حاليا كاسترول ايدج سبورت 10w60

يا باشا أنا عارف وقريت مشاركتك دي قبل كده، أنا بسأل سؤال واضح، في زيت زي موبيل بنفس الدرجات دي، بنفس معامل اللزوجة في درجات الحرارة دي ولا لأ ولو فيه يبقى نوعه إيه، وأنا عارف كل اللي حضرتك شارحه وده وقريته على مواقع كثير، بس مالقيتش زيوت درجاتها نفس درجات موبيل، فبسأل على نوع الزيت بس مش أكثر ولا أقل