lamborghini صنع فى الحرفيين وشكر خاص لورشه نايل موتوز

السلام عليكم

انهارده كنت انا وابن خالى فى جوله الى الحرفيين بنظبط شويه حجات فى العربيه وجه فى بالنا اننا نروح ورشه نايل موتورز بعد منخلص ميكانيكا العربيه

قعدنا نلف شويه عشان نسال على الورشه والحمد لله وصلنا ليها هناك لقينا شخص محترم جدا جدا
سواء فى كلامه او اهتماهه لسماع الكلام وده نادر مع اى صنايعى ومن هنا لهنا سالنا طبعا على كريم منير مكنش موجود لمجرد التشرف بيه :grin21:
الجميل فى الموضوع ان الراجل المحترم ده طلع احمد قدوره وبصراحه راجل زى العسل

وكان لسه مخرج عربيه لانوس انا مشوفتش نظافه او رش بالشكل ده العربيه ما شاء الله عليها شغلها نظيف اوى :tumb:

واخيرا كان عندنا خبطه صغيره فوق العجله الخلفيه فى الرفرف عملناه معجون ومرضاش ياخد فلوس :tumb:
كان هناك بسام فايبر والراجل شغلوا نظييف بس مش بيحب يتكلم كتير
واخيرا لقينا الحته ديه
العربيه ديه فيات بصراحه مشوفتش تبلوه بالجمال ده بس تفتكروا الى بيتعمل فيها ده ايه نظامه
مع العلم ان الشغل جميل بصراحه اوى

http://a6.sphotos.ak.fbcdn.net/hphot...71144005_n.jpg

http://a1.sphotos.ak.fbcdn.net/hphot...43559115_n.jpg

http://a7.sphotos.ak.fbcdn.net/hphot...26061428_n.jpg

شكلها زباله اوى

هو اية دا بالظبط
دي عجيبة

علي فكرة لما تخلص هتبقي تحفة

ممكن تكون فيات كوبيه و ده موديل نزل سنتين تلاتة و اختفى و هيه فعلا شبه الفيراري و لامبورجيني شوية

فعلا فيات كوبيه بس هى اصلا شكلها حلو مش محتاجة شغل تانى

جميلة بس هو ده اسااسا شكلها ولا تعديل عليها مخليها كده ودي فيات ايه بالظبط؟

دي فيات كوبيه من 93-2000 عربية جميلة ....و لما يخلص الشغل يبان
http://upload.wikimedia.org/wikipedi...t_20090604.jpg
http://mycarblog.org/wp-......./uplo...rol_137056.jpg

العربيه دي تقريبا وقفت كدا ومنفعتش لأني شوفتها من حوالي 10 شهور بالحاله دي عند بسام شكلها مركونه كدا وشكرا

الفيات الكوبيه ديه تحفه خصوصان ال5 ساندر التربو ملهاش حل وشكلها حلو اصلا مش محتاجة تعديل

اقتباس:

---

المشاركة الأصلية كتبت بواسطة yoko

الفيات الكوبيه ديه تحفه خصوصان ال5 ساندر التربو ملهاش حل وشكلها حلو اصلا مش محتاجة تعديل

---

الى موجوده .. دة عاديه مش تربو ...

شكرا ليك يا كريم ... انت وقدورة ... وبصراحة قدوره .. احرجنا بزوقه وكرم اخلاقه ...

اقتباس:

---

المشاركة الأصلية كتبت بواسطة yoko

الفيات الكوبيه ديه تحفه خصوصان ال5 ساندر التربو ملهاش حل وشكلها حلو اصلا مش محتاجة تعديل

---

عربية جميلة جدا حاجة كده من الايطالي بتاع زمان
هيا ال5 سلندر دي اشد فيهم بس حتي ال4 سلندر عربية اكتر من جميلة
كان في من ال5 سلندر دي كتير ...مش عارف راحو فين دلوقتي

العربية دي واقفة بقالها اكتر من سنة

بس الشغل اللي فيها دا غريب
لو خلصت كدا هيبقى شكلها مش حلو

بعد ما شوفنا العربية الاستوك
وشوفنا اللي اتعمل فيها
اتاكدت ان العربية دي تم ليها اكبر عملية تشويه ممكن تحصل لعربية
العربية استوك رهيبة بصراحة وبعد اللعب اللي فيها ده بقت مسخ

انا بردو بشوفها كل ماروح هناك

العربية دة كلها معموولة فااااااااااايبر

شرفت الحرفيين
واللانوس اللي بتقول عليها ده حاجة كدة هاحكي قصتها بعدين لانها عربية اتعملت في وقت قياسي
جت يوم الجمعة العصر
خلصت الاحد بليل
سمكرة ودهان كامل حتى السقف :-)
يومين ونص سمكرة ودهان وفك وتركيب وتلميع وسحق وكله :-)
كان شغال فيها 6 صنايعين مع بعض :-)

والكوبية دي بيتعملها اسطمبة لسه
وصاحبها كل شوية يعمل فيها حاجة وبقالها اكتر من سنة وشوية مركونة كدة

اقتباس:

---

المشاركة الأصلية كتبت بواسطة Karim_Monir

شرفت الحرفيين
واللانوس اللي بتقول عليها ده حاجة كدة هاحكي قصتها بعدين لانها عربية اتعملت في وقت قياسي
جت يوم الجمعة العصر
خلصت الاحد بليل
سمكرة ودهان كامل حتى السقف :-)
يومين ونص سمكرة ودهان وفك وتركيب وتلميع وسحق وكله :-)
كان شغال فيها 6 صنايعين مع بعض :-)

والكوبية دي بيتعملها اسطمبة لسه
وصاحبها كل شوية يعمل فيها حاجة وبقالها اكتر من سنة وشوية مركونة كدة

---

بس بأمانه ... تسليم ايد الصنيعيه الى عندك ... والله تنحنا من دهان العربيه ولمعتها ... بسم الله ماشاء الله .. على الشغل ونضافته ... وعايز اشوف البيتل لما تخلص يا كبير ... :tumb:-
------------
المهم يا كريم ... قولو هاجيب الكشافات بتاعتها منين ولا ازاى