الموضوع: إبعد عن المصرية .. وحسن السلالة !

الموضوع نور يا ديبو :)

المشاركة الأصلية كتبت بواسطة abou_ruqi

ستات العالم كلها عارفين فايدة الشمع
ما عدا المصرية !
المصرية تعرف الشمع بتاع لما الكهرباء تتقطع . . تعرف الشمع الاحمر بتاع النيابة . . تعرف الشمع اللي الدكتور بيطلعه لما ينضف الودان
انما الشمع بتاع العشوة الحلوة , ده مش مقرر عليهم ، ملغي

ظالمننا دايما كدا علطول !! طيب انت عمرك شفت والدتك بتعمل لوالدك عشاء على ضوء الشموع ؟؟

دي ثقااااااااافة بس موجودة في المسلسلات بس حضرتك و دايما اللي بتعمل كدا يا إما الزوجة التانية يا إما الزوجة العرفي اللي في السر مش عارفة ليه !!! و اول ما الموضوع يبقى رسمس و في العلن الشمع بيختفي فجأة على اساس انه كان مرحلة و عديت

المشاركة الأصلية كتبت بواسطة MounT

تقول شمع تقولك بنصاحه كدة بتاع عسل النحل ؟
تقول شمع تقولك المشمع يعني ؟
شمممع تقولك اشتري قطن ونضف ودنك !
شمع ياستي ، تقولك تقصد اللى على البوتجاز ما تروح تنضفه !
شمممع ، تقولك البولش بتاع العربيات اللى انت شاريه دة ؟! وأنا مالي بيه اصلا !!
ششممع ، تقولك اها شمع مش تقول من الأول ، بس انت غريب ، هتعمل ايه بالشمع بالنهار !!
شمع :( ، خلاص هجيبهولك بالنهار بالنهار ، انا مش عارف اتجنن دة ولا ايه ، وإذا بها تطلع لك الكيس اللى فيه 20 شمعة بأثنين جنية ونصف وتقولك استني بقي لما النور يقطع بالليل مادام هتبيع الكشافات وعاوز توفر وهتعيشنا على الشمع :d
تقول المفروض تولعي صوابك العشرة شمع والواحد يحس انه عايش يعني شوية ، تقولك ولما اولعهم لك اكل انا بإيه بقي إن شاء الله ؟
المشكلة مش قادرين يفهموا ان النقد دة نقد بناء ومفيش حد عاوز يتصلح حاله ابداً ، هو عرض واحد ، عاوزه شيل ، مش عاوزه مع السلامة !!

ياعم اتجوز روسية ياعم مفيش أمل !!

المشاركة الأصلية كتبت بواسطة MaZaGAngeE

الكلام ده انا سمعته فييين ؟ فيييين

اه افتكرت ................. بس كانوا 2 كيلو كمترى باين و لا رمان ....

هوه كل الرجالة بتسمع الجملة دي و لا ايه
المصيبة السودا المنيلة بنيلة اننا بنسمعها و احنا مزاجنا عالي و نفسنا حلوة و شايفين الدنيا بمبي و الحياة حلوة هوووووووووووووووووووووووو وووووووب تلاقيها قلبت أسود غامق مهبب بهباب من غير مناسبة

طيب انا حصل معايا الحوار بالعكس تماما بقى ، خير اللهم اجعله خير من كام سنة كدا لما كنت مخطوبة و بنتمشى في احد المولات و قدام محل من بتوع الهدايا دول و حاطط في الفترينة تشكيلة شمع انما ايه بقى ماقلوكمش

قللتلو ايه رائيك بقى ان شاء الله ابقى اعمللك عشا على ضوء الشموع و حاجة رومانسية كدا و بتاع بص للشمع اوي كدا و قاللي يا سلااااااااام و انا هادفع في الكام شمعة دول كل دا ؟؟ انا اجيب بيهم 2 كيلو كبدة احسن قلتلوا خلاص خللي الشمع عليا قاللي لو هاتكلفي نفسك يبقى اتنين كيلو مانجة بقى عشان نحلي بعد الكبدة

و بما انكم ماسكين اوي في موضوع الشمع طيب تقدروا تقولولي كامم واحد فيكم فكر يدخل على مراته ببوكيه ورد و عملها كام مرة ؟؟ و لا كام مرة جابلها اي هدية - و مش لازم غالية يعني ولا بالشىء الفلاني - بدون سبب و عملها مفاجأة ؟؟

ما هي علاقة متبادلة يا جماعة و ثقلفة و اسلوب حياة بين الاتنين مش واحد لوحده