تغيير رفرف و اكصدام ( استيراد و لا جديد)

**hefnawy77** · 13-09-2011 10:20 AM

السلام عليكم..

انا عندى لانوس تو لونها سماوى موديل 2005 ..واحد سواق ميكروباص خبط الرفرف اليمين الامامى و عجنه
و كمان خلع الاكصدام الامامى فكسر كل الفبر بتاع المسامير..
واحد سمكرى شافه قالى هات واحد جديد احسن من استعداله..
انا محتاج اعرف لو غيرت الرفرف اليمين و الاكصدام الامامى باتنين استيراد نفس اللون هيكون سعرهم كام؟ و انسب مكان فين؟
و تمنهم كام لو هجيبهم جداد؟ و هل الجديد ده هيفرق فى الجودة عن الاصلى

شكرا جزيلا

**محمد الشامي** · 13-09-2011 10:39 AM

بالنسبه للاكصدام سعره استيراد في حدود 400 جنيه بس هتدور شويه على اللون , بدل ما تجيب لون تاني وترش
الاكصدام جديد سعره في حدود 180 جنيه او 200 جنيه على الاكثر (تايواني تقريبا) في ظل زيادة الاسعار , ولكن لا انصحك بيه لان خامته سيئه جدا ومع اول لمسه بيتكسر زي الزجاج

نصيحه : وانت بتشتري الاكصدام الاصلي استيراد لازم يكون ضهر الاكصدام من الداخل فيه اجزاء كتير خشنه او (محببه) , خاصه من خلف المكان اللي بيتعلق عليه رقم العربيه ومن الاطراف , لان في بعض تجار بيبيعوا التايواني مرشوش على انه اصلي , والتايواني بيكون سطحه من الداخل املس جدا زي العاب الاطفال كده

وبالنسبه للرفرف الزملاء هيفيدوك ان شاء الله

**newcar2011** · 13-09-2011 11:52 AM

انا مركب اكصدام تايوانى زى الفل ومش ناشف طرى ومش بيتكسر وكان ليه تجربه رفرف يمين ورفرف شمال الناس نصحتنى استيراد جبته 250 وحالته زى الفل الرفرف التانى اتخبط اشتريت تايوانى 200 جنيه واكتشفت انه انضف من الاستيراد بكتير وبفكر اغير الاستيراد بواحد تايوانى افضل وتحس ان العربيه فبريكه غير الاستيراد خالص