عايز اشتري خطي حديد لبياره

السلام عليكم
عايز اشتري خطي حديد لبياره
بس يبقي حاجه قويه لان العربيه هتمشي من عليه
اشتريه منين في القاهرة
و فكره اني اعمله عموله عند حداد مش بحبزها و المقاس عندي ستاندرد مش مختلف عن اي بياره
اشتريها منين الغطا ده؟

محدش عندة فكره الاقيها بتتباع فين دي
طب السبتيه الاقي هناك

أيوة في السبتية موجود
هتلاقي مقاسات كتير و أوزان للغطاء تبعا لطبيعة استخدامه

يعني ايه خطي؟؟؟؟

اقتباس:

---

المشاركة الأصلية كتبت بواسطة أحمد كمال

يعني ايه خطي؟؟؟؟

---

هو يقصد غطاء حديد

لو برا البيت و مفيش سور حيتسرق حيتسرق حيتسرق حيتسرق
مفيهش احتمال اه او لا
حيتسرق حيتسرق
فى غطيان فيبر تبع شركة كيماويات البناء الحديث بتستحمل حمولات العربيات الثقيلة تعدى عليها و شكلة بلاستيك ميغريش بالسرقة انصحك تسأل عنها او تدور فى موقع الشركة على النت

انا جبت غطاء حديد "صلب" 60*60 وكان تمنه 270 جنيه .. بصراحة غالي.
المهم هو مكون من 3 قطع : (إطار أو حلق)+(شريحة صاج 45*45)+(الغطاء اللي فوق خالص 60*60)
كان في حاجات فيبر بربع التمن .. لكن العربية هتعدي من فوقه عشان كده جبت صلب.
وهتلاقيه موجود في محلات أدوات السباكة والمواسير ، ولاحظ ان الحلق بتاع الغطا محتاج سباك يثبته بالأسمنت.
ولازم يكون داخل حدود السور .. عشان ميتسرقش