المشاركة الأصلية كتبت بواسطة moustafa_saad
انا مسافر القاهره بكره ان شاء الله عندى انترفيو فى المكتب بتاع العقد ده
اولا ادعولى ربنا يسهل ويقتنعوا بيا لان العدد بيبقى كبير ماشاء الله
اللى ممكن يعوضنى عن الفلوس الراحه النفسيه فى المكان اللى انا رايحه
العقد الاولانى اللى مانفعشى بسبب السفر كان ب2000 ريال فقط بس كنت مرتاح للراجل صاحب الشركه اللى قابلنى وكمان كان فيه مدير مالى من اسكندريه مسافر معايا ودردشت معاه كتير وحسيت انه انسان كويس وحارتاح وانا شغال معاه لكن للاسف الشغل عندى عصلج فى الاجازه وكنت حاقدم استقالتى بس كل اللى حوليا نصحونى انى ابطل جنان خصوصا ان المقابل المادى مش كبير
المره دى مش عارف قلقان ليه ومليش نفس احضر المقابله حتى
يمكن اكون زهقت خلاص ومليت من كتر المقابلات وكانت معظمها كلام فاضى وتعبانه
بس انا نازل احجز القطر دلوقتى علشان ابطل تردد شويه ونويت السفر باذن الله وادعولى ربنا يوفقنى