مفيش غير الصينى اللى ينفع فى مصر

**SaberMan** · 14-09-2011 03:13 AM

المشاركة الأصلية كتبت بواسطة yassin_samir

امبارح جربت هوندا 600 مش عارف الموديل اية بالظبط
ماجنا و لا اية بس نفسى افتكر نوعة اية هو شبة السى بى فو بس الشكمان جاى ورا الكرسى من الاجناب على فوق
الصراحة تجربة خلتنى مش عارف اتلم على اعصابى و عندى حالة غريبة جدا لمدة ساعه بعد ما نزلت منة و الغريب انى و انا بافرمل كان عرض منى على الجانب اليمين بس لميت نفسى و ضربت فرامل ادام خفيف بس بعد ما كونت ناوى اشترى موتو هوندا او اى حاجة عالية غير الصينى غيرت راى لان لو جبت تة لازم اجرى و انا اصلا بحب الجرى و كدة هيكون سبب فى موتى ربنا يستر

الفهمتو من حضرتك انك تقصد الماجنا 700 VF أو ال super magna
عايز أكد لحضرتك الجربتو فيه عيب أكيد لأنه مع أبن خالى و بجد أحسن من الماجنا التسعسنات بكتير , مثلا كنت بجربوا فى النقر و المطبات العندى فى الشارع مفيش و لا أكنك عديت على نقر و بقارن بينه و بين ال CB4 sf الهوا المفروض تعليق مريح طلع بينهم فرق شاسع .

ده فكرنى بالعربيات الامريكانى فترة ال 80 - 90 من كتر ماهو ناعم
Honda VF700C Magna 1987 - YouTube

ممكن تلغى الصوت و اتفرج على البيك

Cool bike, 1987 Honda VF700C (supermagna) - YouTube

**yassin_samir** · 14-09-2011 05:00 PM

انا سالت صاحب المكنة و قالى انها هورنت 2001 بس احب اوضح و جهة نظرى انى انا لقيت ان المكن العالى 600 و كدة لازم تجرى بية علشان هو مصمم لكدة الطرق المفتوحة و الطوالى و دة مش موجود فى 99فى المية من استخدامى انا كل شغلى فى البلد و على فكرة انا لقيت ان فى القاهرة بالذات ان الصينى كويس لانة مش بيجرى و دة فى حد ذاتة يعتبر امان وز على فكرة الوقعه باى مكنة حتى لو ب 200000جنية هة وقعه برضة و سعتها لا فرق بين اى مكنة و الصينى صاحب المكنة قالى انه كان هايقع علشان شوية جاز فى الارض بس لم نفسة و بالصدفة انا كونت معدى من نفس الطريق برضة و كونت هاقع بس ربنا ستر و لميت نفسى

**ben_thabet** · 15-09-2011 01:28 PM

الأخوة الأعضاء
السلام عليكم

أنا حابب اوضح شىء بسيط بس

طبعا مصر طول عمرها مافيهاش حاجة اسمها موتوسيكل صينى
كان عندنا الجاوا التشيكى اللى هو توين والفيسبا الهندى والإيطالى

وشوية حاجات يابانى كدة تقريبا كلها ريس إما سوزوكى أو ياماها أو هوندا

ونادرا ماتلاقى حد معاه كاستم أو كروزر

والهارلى ده كنت تشوفه فى الافلام بس

لكن دلوقتى ما شاء الله الحياة اختلفت والمستوردين فى مصر بدأوا يشتروا كل حاجة

ولكن هنا العيب بقى أن المستورد المصرى بيشترى الرخيص عشان يبيعه غالى جدا

وبدأ ظهور موتوسيكلات رخيصة جدا ورقيقة وضعيفة وخفيفة جدا وكلها مصنوعة من الانتمونيا والشاسيهات كلها من الحديد المجوف والفايبر عبارة عن بلاستيك ورق

وقالوا عليها ( الموتوسيكل الصينى ) وبكدة اصبحت شكل الموتوسيكلات الصينى فى مصر بهذه الصورة

تعال بقى إتفرج على الموتوسيكلات الموجودة فى اوروبا وأمريكا وتحمل إسم صنع فى الصين

فعلا حاجات تنافس اليابانى وبقوة -- مواصفات عالمية -- شهادات إيزو -- شهادات إتحاد اوروبى

طبعا الحاجات دى موجودة فى مصر - بس قليل

وأسعارها بتبدأ من 13000 جنيه

ومعاك لغاية 20000

وكمان لما واحد يقول صينى -- الناس تقول يععععععععع طبعا لان فكرتنا عن الصينى فكرة من المستورد التعبان اللى بيروح هناك يقولهم انا عايز شبه الهارلى بـ 1000 جنيه وبس وأنا هاجيب شوية عجلاتية وعربجية يجمعوهم لى ببلاش وإكتبولى عليه ( أم محسن ) ( وأبو مخيمر ) ( وأبو زليخة ) وانا هابيعه عندى بـ 5000 جنيه

وطبعاً شعارهم يبقى أنت اكيد فى مصر

بس انا شايف إن إحنا لو نظرنا إلى ان اليابانى وكمان الصينى الغالى خسارة فى طرق مصر وشوارعها وسواقينها اللى زى الزفت

يبقى ممكن فى الحالة دى يكون عنوان الموضوع صح
لكن المستهلك طبعا يحب يدلع نفسه

سلام