اشتري ايه برجاء المساعدة والمشاركة

**farmawey** · 13-09-2011 01:27 PM

السلام عليكم ورحمة الله وبركـــاته
ماشاء الله على اعضاء المنتدى وعلى المعلومات الي عندهم والي مبيبخلوش بيها على حد
اوده الي شجعني اني اطلب منكم تشاركوني الاختيار في شراء سيارة ودية متطلباتي وامكانياتي
السعر : لايزيد عن 40 الف
السيارة : ياباني او الماني
1600 سي سي
تكييف يكون علشان جو مصر بقى اسواء من جو صحراء الرياض وكفاية دخان السيارات في الزحمة
قطع غيار معمرة ومتوفرة وان كانت غالية
سهلة الصيانة ميبقاش علشان الاقي حد بيفهم فيها اسافر بين البلاد
مانيوال او غير متفرقش
نصحوني ان تكون عربية ابعادها صغيرة علشا القاهرة القيادة فيها صعبه ثانيا علشان مشكلة الركن الازلية في مصر ثالثا علشان ااقدر اتعلم عليها السواقة كويس من غير ما تتعبني
عربية لازم تكون متيبنة وعفشتها محترمة علشان اخوكوم من اصحاب الاوزان ولسه هاكد تعليم السواقة عليها علشان السواقة بالممارسة مش حصتين في مدرسة
كان نفسي اشتري مرسيدس 200 معدل موديل 80 لقيت انها قديمة وتكييف سمعته في منتداكم مش اد كدة وكمان 2000 سي سي يعني خراب بيوت بنزين
وكنا بنفكر في فورد اسكورت بس انا لما شفتها كرهتها بالاضافة اني عـايز ااقطع امريكا والي بتصنعة بس من غير ما ااقاطع شركة ديل للكومبيوتر
الاقتراح دلوقت هو بيجو 405 موديل 95

اسف ياشباب طولت عليكم

ياريت تشاركوني باقتراحتكم
بارك الله فيكم

**snoop** · 14-09-2011 03:50 AM

باشا وانت مغمض جولف 3 او لانسر كرستالة

**farmawey** · 14-09-2011 11:01 AM

شكرا على التفاعل
بس انا عايز اشتري سيدان والكريستاله لما ركبتها حسيت انها ضيقة

**elewey** · 15-09-2011 04:08 AM

اوبل فيكترا موديل 95

**ana** · 18-09-2011 04:43 PM

عندك مثلا الاوبل الفيكترا 1995 او مثلا ايطالى زى التمبرا عربيه محترمه جدا وفيها كل اللى انت عايزه وزياده لو كورى ممكن نوبيرا وبرضه كل اللى انت عاوزه ممكن تحط 5000 كمان وتجيب اوبل كورسا سيدان مو 2004 او 2005 وهتبقى نضيفه وعندك يابانى هوندا سيفيك exi موديل 1992 دى الحاجات اللى على بالى دلوقتى وكلها عربيات محترمه وشعبيه وصيانتها سهله وربنا يوفقك