يا ابطال ورشة نايل موتورز نفسى حد يرد عليه عايز اعرف فلتر تكيف السوزوكى سوفت فين عشاه

**WALEED9001** · 13-09-2011 03:27 PM

انا معايا السياره سوزوكى سوفت 93 التكيف بعها الاصلى وهو بيبرد حلو بس انا عايز انظفه احتمال تعلى كفائته ومش عارف اوصل للفلتر وكمان مش عايز اروح لبتاع تكيفات عشان ما يشتغلنيش فقلت احتمال تعرفو مكانه فين صحيح فى صحابى بتو الجلوف قالولى انه عامل زى فلتر التكيف العادى وممكن يتفك ويتنظف

**WALEED9001** · 19-09-2011 04:13 PM

طبعا شكرا للرجالة الى محدش رد عليه معلش بس انا احسن منكم انا فكيت التكيف وعرفت انه مفوش فلتر بس كل الى بتعمله هو غسيل السربنتينه الداخليه وده فى علبه فتحتها وغسلتها والحمد لله زى الفل

**exact** · 20-09-2011 10:16 PM

فيه رابطة لمالكي السويفت في منتدى السوزوكي ولو كنت كتبت هناك كنت هارد عليك في يومها بدل ما تسخن علينا

**mahmoud85** · 22-03-2012 08:31 PM

يعني اللي كتب هناك يا د\ مصطفي حد عبره ورد عليه
الاخ وليد ياريت تقولي فكيت السربنتينه الداخليه ازاي خطوه خطوه

**exact** · 22-03-2012 09:56 PM

المشاركة الأصلية كتبت بواسطة mahmoud85

يعني اللي كتب هناك يا د\ مصطفي حد عبره ورد عليه
الاخ وليد ياريت تقولي فكيت السربنتينه الداخليه ازاي خطوه خطوه

انا باتابع بس المنتدى مش بيبعت رسايل للتوبيك ده مش عارف ليه... انت كان عندك استفسار ايه؟؟

**mahmoud85** · 23-03-2012 09:02 AM

-اكشف علي العادم كمبيوتر فين في المنصوره: ناس كتير تقولي دي عربيات قديمه ومش انجشكن سيبك منها
لما بزود بنزين جامد كذا مره ورا بعض يعنب ادوس واسيب ادوس واسيب بلاقي دخنه سوده من الشكمان لييييييه
عاوز اغير البوجيهات انا عندي 2 شمعه والميكانيكي قالي انهم تمام بس هم جايين مع العربيه وهي معايا بقالها سنه ونص
هل التكييف ليه سير ولا كهربا ؟؟
انا كنت بعتلك اضافه علي الياهو مسنجر وحضرتك قولت هترد عليا عشان كنت عاوز اسال عن الحاجات اللي هشحن بيها التكييف بس طنشتني بقالك اسبوعين واكتر

**dr.hazem** · 23-03-2012 09:39 AM

طيب المواضيع دي حرام تتناقش بره قسم السوزوكي يا جماعة

في القسم هناك سهل اننا نتابع الموضوع وغالبا هتلاقي مين يرد عليك

تحياتي

**l0new0lf** · 23-03-2012 09:54 AM

بسيطه
اعملوا طلب نقل الموضوع للقسم المختص و انطلقوا

**exact** · 23-03-2012 11:56 AM

المشاركة الأصلية كتبت بواسطة mahmoud85

-اكشف علي العادم كمبيوتر فين في المنصوره: ناس كتير تقولي دي عربيات قديمه ومش انجشكن سيبك منها
لما بزود بنزين جامد كذا مره ورا بعض يعنب ادوس واسيب ادوس واسيب بلاقي دخنه سوده من الشكمان لييييييه
عاوز اغير البوجيهات انا عندي 2 شمعه والميكانيكي قالي انهم تمام بس هم جايين مع العربيه وهي معايا بقالها سنه ونص
هل التكييف ليه سير ولا كهربا ؟؟
انا كنت بعتلك اضافه علي الياهو مسنجر وحضرتك قولت هترد عليا عشان كنت عاوز اسال عن الحاجات اللي هشحن بيها التكييف بس طنشتني بقالك اسبوعين واكتر

حضرتك ممكن تسأل في اقرب مرور ليك عن الناس اللي بتظبط العربية للتوافق مع البيئة... لأن فيه عربيات بتسقط في فحص البيئة....فاسأل هم بيروحوا يظبطوها فين

المحلة فيها مركز حمدي وبيعملها ب 30 جنيه وبتاخد حوالي ربع ساعة

حتة الدخنة اما تشيل رجلك من البنزين تدخن دي... دي ظبطة من الدراعات اللي حوالين الكربيراتير... حضرتك فيه فالكربيراتير من ناحية الرفرف اليمين هتلاقي المسمار اللي فالصورة دي (وخللي بالك كويس انه المسمار الوراني مش الادماني)

الدخنة دي بتيجي اما يكون الموتور داير على ار بي ام عالي وينزل مرة واحدة.... فبتدخل كمية بنزين عاليه مع انخفاض سرعة الدوران... ده بيخلي العربية تدخن من ورا ولو انت بتمون بنزين 90 يهبب الشكمان جامد

للتغلب عالموضوع ده سوزوكي حطت الدراع اللي انت شايفه ده ووظيفته انه يخللي دراع الاكسيلاتير (دواسة البنزين) ميرجعش مرة واحدة اول اما تشيل رجلك من على دواسة البنزين بتخليه يرجع في ثانية او اتنين
وعاوزك تجربه كده وتشد سلك النزين والعربية دايرة وواقفة وتسيبه مرة واحدة هتلاقيه بيرجع لورا واحدة واحدة

فالحل كالتالي.... هتسخن العربية كويس (بمعنى انك تسيبها دايرة لحد اما المروحة تشتغل وتفصل) وبعد كده تربط الدراع ده نص لفة بنص لفة... وكل نص لفة تجرب مرتين لحد اما هتلاقي مرة انت بتشد سلك البنزين وتسيبه العربية تفضل عاليه.... يبقى انت كده عديت... ترجع تفك نص لفة لحد اما العربية تتزن معاك

فيه طريقة تانية باستخدام الفييلار بتاع التاكيهات لو كان عندك

لو عربيتك استهلاك البنزين فيها كويس متخليش حد يقرب للكربيراتير واللي يقرب له اقطع له ايده بمعنى الكلمة لأن كربيراتير السوزوكي معقد ورخم في ظبطه ومحدش فالصنايعية فاهمه

بخصوص البوجيهات لو مش مضايقاك في حاجة سيبها.... بمعنى انك مثلا لو سايب العربية بايتة يوم من غير دوارة وجيت تدورها لقيتها بتقوم معاك وسحب العربية عالطريق كويس...تبقى بوجيهاتك سليمة وخسارة تغيرها

التكييف له سير... انا شخصيا مش باغيره الا اما يجيب آخره ويصفر واحس انه هيتقطع

بخصوص الطناش ارجو قبول الاعتذار بسبب مشاغل الحياة الشديدة وانا مكانتش عادة عندي اني اغيب عن المنتدى بالشكل ده بس ظروف الحياة من بعد الثورة بقت ضاغطة عالواحد جدا... أرجو قبول الاعتذار وحاضر ياسيدي.... لينا قعدة كبيرة بمشيئة الله تعالى لأني محتاجها زي زيك ويزيدني شرف انك ضفتني على قايمتك

وشكرا لكم

الموضوع: يا ابطال ورشة نايل موتورز نفسى حد يرد عليه عايز اعرف فلتر تكيف السوزوكى سوفت فين عشاه

LinkBack

أدوات الموضوع

عرض

-

-

-

-

-

المواضيع المتشابهه

ورشة نايل موتورز

شكرا نايل موتورز ليا طلب عايز اعرف الوان اللوجان

اين فلتر تكيف السوزوكى سوفت 93

الى ابطال منتدى نايل موتورز

اخوانى مولك السوزوكى سوفت انا محتارجدا السيارة بمتجريش زى منا عايز

الكلمات الدلالية لهذا الموضوع

المفضلات

المفضلات

ضوابط المشاركة