الموضوع: حلمت بصديق قديم

السلام عليكم ورحمة الله

في البداية انا مش بحلم كتير
او يمكن بحلم وبصحي ناسي

المهم

انا معظم احلامي ان مكنش كل احلامي الا قليل القليل
بحلم بحاجة قديمة
يعني يا أما بحلم بواحد صاحبي قديم من ايام الأبتدائي
او بحلم بالمدرسة الي كنت فيها واانا في ابتدائي
او بحلم بالمنطقة الي اتولدت فيها واتربيت فيها
او بحلم بحد قريبي (بالذات ابن عمي) ماشوفتوش من فترة

حد عنده تفسير للموضوع دة
اخر حلم حلمته امبارح باتنين اصحابي (هما اخوات اساسا) اخر مرة شوفتهم كان من حوالي 6 سنين

ياريت حد يفسرلي احلامي القديمة دي

لأني بصحي من النوم كلي شوق وحنين لكل الي بشوفه في الحلم بيبقي بجد واحشني اوي
وحشتني اوي المدرسة بتاعتي وانا في ابتدائي مع العلم اني كنت بكرها كره العما وبكره اساسا الشوارع المؤدية اليها
وماعرفتش قد ايه كنت بحبها وبحب بيتنا القديم غير لما نقلنا السكن وانا في 3 اعدادي وغيرت المدرسة من ما يزيد عن ال18 سنة

كل الي بقول عليه دة عدي عليه ما يزيد عن ال22 سنة لما كنت في ابتدائي

والله المستعان
،
،

المشاركة الأصلية كتبت بواسطة solid_khaled

فكرتني أنا من 3 سنين حلمت ببنت كانت معاية في مدرسة القديمة بقالي بتاع 15 سنة مشفتهاش قلت بس ده ربنا بيفكرني بيها و ديه بنت الحلال :)


دورت عليها على ال- فيسبوك



لاقتها متجوزة و حامل

ههههههههههه
بس انت عرفت ازاي ؟.؟؟؟
الحمد لله

بس انت عارف ان انا ليا منطق غريب شوية في موضوع الأحلام دة

احيانا بعتقد ان الأنسان الي بحلم بيه بكون انا الي واحشة مش هو الي واحشني
يعني بمعني
مين الي جه لمين في الحلم .؟؟؟
واحد صاحبي مثلا حلم بيا
يبقي انا الي روحت لصاحبي في حلمه
والعكس
لو انا حلمت بواحد صاحبي يبقي هو الي جالي في الحلم مش انا الي روحتله

ويمكن بردو لما انا بوحشه بحلم بيه

مش عارف

؟؟؟؟؟؟؟؟

الله المستعان
،
،