ملاحظة غريبة و محتاج خبرة حضراتكم
إخواتي و اصدقائي الأعزاء . الأسبوع اللي فات اصطحبت أسرتي في رحلة للغردقة (440 كم من المنيا) و انطلقت بلوجي العزيزة عبر الطرق و الصحاري و البوادي و الفيافي (حلوة الفيافي دي)[/C:[COLOR="blueأداء لوجي ممتاز و استجابتها رائعة لأي قرص التكييف اشتغل حلو جدا و برد العربية تماما لدرجة إني اضطريت لتقليل سرعته ل 1 فقط قبل 40 كم من الغردقة و الحمد لله ما أثرش تقريبا على السحب لكن الملحوظة الغريبة اللي صادفتني هي أنه كل ما السرعة توصل 120 أو قبلها بحاجة بسيطة ألاقي صوت الموتور علي بشكل يكاد يكون مزعج , الأغرب من كدة إنه لما السرعة بتعدي ال125 و بتقرب لل130 أو أكتر كان الصوت بيهدأ بشكل غريب جدا و نفس الكلام في السرعات قبل ال120 الصوت بيكون هادي نوعا ما و معقول !! ملحوظة أخيرة لوجي عاملة 6500 فقط و العبد لله عموما مش بيجري جامد بس اضطريت المرة دي أشد لأني كنت مرتبط بموعد خاص بموتمر طبي مشترك فيه هناك . معلش هاتعب حضراتكم ممكن حد حصل معاه الموقف ده أو عنده تفسير للحكاية دي يتكرم و يرد علي و بالمرة تبقى استفادة للكل . مع خالص شكري و تقديري لحضراتكم جميعا [/COLOR]