عايز اعرف عن شركة كونتاكت للتقسيط

**eletr** · 13-09-2011 06:30 PM

ياريت حد يقولنا عن شركة كونتاكت للتقسيط علشان انا عايز اشتري يوزد تقسيط
ايه نظام الشركة دي و ارقام تليفوناتها

**شارلي شابلن** · 15-09-2011 07:14 AM

متابع بأهتمام

**Raul_7** · 15-09-2011 01:59 PM

أنا بتعامل معاهم وبصراحة محترمين جدا.

هم عندهم كذا نظام تقسيط ممكن تشوفهم من على الموقع بتاعهم. ContactCars

أنا اخترت النظام المرن اللي هو زي النظام الإسلامي بس بفارق إنه بيديك امكانية السداد المبكر لو كملت بقية فلوس العربية, أو لو معاك جزء كبير تدفعه.

طبعا السبب الأول في تعاملي مع الشركة إن هم اللي بيشتروا العربية وبعدين يبيعوهالك بسعر أعلى وبيبقى فيه بينك وبينهم عقد, على عكس البنوك اللي بتديك قرض شراء سيارة.

أنا رأيي ترحلهم في فرع الصحراوي, قدام عز العرب, وتستفسر براحتك.

**SonaSteel** · 15-09-2011 03:31 PM

المشاركة الأصلية كتبت بواسطة raul_7

أنا بتعامل معاهم وبصراحة محترمين جدا.

هم عندهم كذا نظام تقسيط ممكن تشوفهم من على الموقع بتاعهم. contactcars

أنا اخترت النظام المرن اللي هو زي النظام الإسلامي بس بفارق إنه بيديك امكانية السداد المبكر لو كملت بقية فلوس العربية, أو لو معاك جزء كبير تدفعه.

طبعا السبب الأول في تعاملي مع الشركة إن هم اللي بيشتروا العربية وبعدين يبيعوهالك بسعر أعلى وبيبقى فيه بينك وبينهم عقد, على عكس البنوك اللي بتديك قرض شراء سيارة.

أنا رأيي ترحلهم في فرع الصحراوي, قدام عز العرب, وتستفسر براحتك.

انا ليا مداخلة بسيطة ... لاني كنت ببحث في الموضوع ده
كونتاكت نظامها يبدو اسلامي الا شــــــــــرط واحد
انهم بيخلوك تكتبلهم توكيل بالعربية في الشهر العقاري ....... والحركة ديه بتلغي كل شروط النظام الاسلامي.
وحاولت معاهم اني معملش التوكيل ده منفعش

**ahmedesmat1987** · 18-09-2011 09:35 AM

بيكتبوك عقد فيه توكيل باى عربيه من نفس الماركه اللى انت مشتريها انت تملكها.......يعنى والد صاحبى اشتره منهم عربيه كورولا 2008 تقسيط كتبوه عقد على عربيته واى عربيه يملكها تانى من ماركه تويوتا والحمد لله دلوقتى مرفوع عليه قضيه وبيدورو على العربيه لانو ربنا يحفظكو تقاعص عن سداد القسط لعده شهور ودا بسبب ضائقه ماديه شديده جدا ربنا يفك كربه..

**ahmed_eng2001** · 18-09-2011 10:05 AM

المشاركة الأصلية كتبت بواسطة sonasteel

انا ليا مداخلة بسيطة ... لاني كنت ببحث في الموضوع ده
كونتاكت نظامها يبدو اسلامي الا شــــــــــرط واحد
انهم بيخلوك تكتبلهم توكيل بالعربية في الشهر العقاري ....... والحركة ديه بتلغي كل شروط النظام الاسلامي.
وحاولت معاهم اني معملش التوكيل ده منفعش

السلام عليكم
انا اتعاملت مع كونتكت كار مرتين .. الكلام الى حضرتك بتقوله سليم تماما .. النظام الاسلامى الى معاهم مش اسلامى .. و هم بيعملوا كدة بس علشان يريحوا الزبون ... بس هم انظف شركة انا سمعت عنها .. و اتعاملت معاها

**RAMYALI_1982** · 18-09-2011 10:16 AM

المشاركة الأصلية كتبت بواسطة sonasteel

انا ليا مداخلة بسيطة ... لاني كنت ببحث في الموضوع ده
كونتاكت نظامها يبدو اسلامي الا شــــــــــرط واحد
انهم بيخلوك تكتبلهم توكيل بالعربية في الشهر العقاري ....... والحركة ديه بتلغي كل شروط النظام الاسلامي.
وحاولت معاهم اني معملش التوكيل ده منفعش

انا مقسط من عندهم تقسيط اسلامى ومكنتش اعرف ان التوكيل دة بيلغى الاسلامى اللى فى الموضوع منهم لله انا بصراحة حتى قبل المعلومة دى وانا ندمان انى اتعاملت معاهم اعلى نسبة فايدة فى السوق وصل ل 11 % قطموا وسطى منهم لله وكمان جيت احاول ادفع جزء او كل اللى عليا عشان اتقى شر نار الفوايد منهم لله مرضيوش ومندوب خدمة العملاء عاملى فيها الشيخ القرضاوى وقلى دا تقسيط اسلامى ولا بيعة على بيعة (يعنى مدخلش بيعتين فى بعض) مش عارف مين اللى افتى بكدة بصراحة انا منصحش اى حد انوا يتعامل معاهم ولو المشكلة فى البنوك انوا قرض سيارة يبقى ممكن تتوجة للبنوك الاسلامية مثلا بنك ابو ظبى مرابحة اسلامية 8.5% ولو عايز بنك عادى كمان ممكن قلهم انا مش هاخد فلوس فى ايدى هاتوا انتوا العربية بمعرفتكوا مليش دعوة هاتجبوها منين هما هايشتروها وتدفع اقساط عادى جدا زى كونتاكت كار كل البنوك بتعمل كدة فوايد لاتزيد باى حال عن 8 % ولو مرتبك علية كمان ممكن تقل ل 7% بس كونتاكت لأ اوعى
الهم بلغت الهم فاشهد