شكراً جزيلاً شركة الامل للسيارات.....

**x_gomgom** · 13-09-2011 09:30 PM

قبل ما ابتدي الموضوع احب اوجه بالشكر للسيد المحترم / عماد سليمان و الاستاذ المحترم / ياسر عبد الله بفرع الشركه بروكسي و الاستاذ عماد و بجد تعبتكم معايا .....
انا سوف احكي الموضوع على مرتين.....
الموضوع بدايته 28/7/2011 منزل كوبري فيصل متوجه ناحيه الجامعه نازل على سرعه 120 و شاب جامد اخد غرزه من امامي بس .... النتيجه لبست الرصيف مرتين علي سرعه و كانت الخسائر كلأتي : اكصدام امامي بالشاسيه بتاعه و مرايه يمين و شمال و فانوس يمين و مقص يمين بالمسمار بتاعه و حاجات مش فاكرها (كارتيرات و فبر و بلستكات). بعد كده توجهت للتوكيل لم اجد سوي المرايه الشمال و الاكصدام و الفانوس فقط! طبعاً اكتشفت ان العربيه لازم تغير المقص و مسمار الميزان و للاسف مش موجوده رحت استعدلت المقص و عملت مسمار عند خراط عشان على الاقل تمشي و علقت الاكصطدام فاضي .... و بعد كده اكتشفت ان عندي مشكله عويصه الخبطه عوجت اكس الكوبلن و بلي العجل باض و ما ادراكم صوت العربيه تحول ....
لفيت في الحرفين و العزبه و لا امل و تابعت مع التوكيل و الحاجه مش موجوده .....
زقزوقه تبلغ من العمر 7 شهور و ماشيه 12000 و فجأه بقت عندها 100 سنه و بصراحه انا كنت حزين جداً مش عارف اعمل ايه و بصراحه ابتديت افقد الامل و فكرت جدياً ابيعها .....

**Emad Habib** · 13-09-2011 09:50 PM

وبعدين؟؟؟؟؟؟؟؟؟

**x_gomgom** · 13-09-2011 09:55 PM

الجزء الثاني .....
في يوم أتصلت بالأستاذ عماد و نمرته كانت موجوده على المنتدي و الصراحه هو شخصه محترمه و عرضت عليه مشكلتي و ارشدني للاستاذ ياسر عبد الله بفرع العروبه وبالفعل قمت بالاتصال به و هو المسؤل عن استيراد قطع الغياراتصلت به و الحق يحق شخصيه في قمه الاحترام و خدوم جداً عرضت عليه الموضوع ذكر لي انه سيتم عمل طلبيه من الصين و هي ها تيجي في غضون شهر تقريباً و بالفعل تم عمل الطلبيه... بعد فتره فوجئت برساله من السيد/ عماد سليمان عضو مجلس اداره شركه الامل لتصنيع وتجميع السيارات و قمت بالاتصال به و عرضت موضوعي بكل امانه و ووعدني بحل الموضوع و اخد مني قطع الغيار التي لم استطيع العثور عليها بالتوكيل و الصراحه في اقل من 3 ايام كان موجوده (شخصياً قبل يقوم سيادته بمراسلي كانت العربيه وقفت تماماً و البليه كانت حجرت و انا كنت تعقدت نفسياً) و ابلغني انها متاحه بفرع القطاميه .....
الاستاذ ياسر بصراحه راجل في قمه الاحترام جاب باقي قطع الغيار من الصين بالشحن الجوي و الصراحه خدوم جداً و كان متابع( و الصراحه انا ازعجته جدأ معايا) و غير انه والله عرض انه يجيب قطع الغيار اثناء عودته من السفر دون ادني طلب مني ......
احب اتوجه بكامل الشكر و التقدير الي السيد الاستاذ المحترم / عماد سليمان و الاستاذ المحترم / ياسر عبد الله و الاستاذ /عماد حبيب على مساعدتهم لي وتوفير جميع قطع الغيار الخاصه و على تعاونهم و حصرهم على مصلحه الشركه.....
و الصراحه كان الله في عونهم جميعاً و ووفقهم الله و جزاكم الله كل خير.........
شكراً

**x_gomgom** · 13-09-2011 09:56 PM

يا أستاذ عماد لسه كنت بكمل والله بس الشغل بقي هههههه شكراً جزيلاً ليك و انا إن شاء الكريم هبتدي اصلح فيها غداً و ربنا يكرم....
شكراً جزيلاً ليك مره اخري

**x_gomgom** · 13-09-2011 10:00 PM

و احب اتوجه بالشكر للاخ العزيز lonedoctor لانه وقف معايا و جزاك الله كل خير

**hugan** · 13-09-2011 10:08 PM

مش المفروض ان العربيه هي تويوتا
ما ينفعش تجيب قطع غيار تويوتا وتركبها

**sv065** · 13-09-2011 11:59 PM

كلنا نتوجه بالشكر للسادة الأفاضل جميع القائمين علي الشركة لأنهم أكدوا بالدليل العملي ضمانهم الحقيقي للعربية خاصة أن الموديل في بداياته في السوق وأكيد ده سبب تأخر توفر قطع الغيار وإن شاء الله يعملوا علي توفيرها كلية

وموضوع حضرتك ده يدل علي معدنك الأصيل وحرصك علي شكر من قدم لك معروف وهو ليس بغريب عنك فانت أهل لذلك

لذلك لابد كما يشتكي البعض ويذم ويشجب من أي مشكلة بتقابله لابد أن يوفى كل ذي حق حقه في الأمور الإيجابية

دمتم بخير

**hugan** · 14-09-2011 01:46 AM

المشاركة الأصلية كتبت بواسطة x_gomgom

ال f0 للاسف ليس لها شبيه في قطع الغيار خارج التوكيل لاني لفيت 3 ايام داخل الحرفين عند تجار قطع غيار على مقص و بليه و مسمار ميزان لم اجد بديل لهم و طبعاً الاكسسوار الخارجي (المرايات و الفانوس و الاكصطدام) بس دول موجودين بالتوكيل و الحمد لله السيد / عماد سليمان قالي ان قطع الغيار كلها بإذن الله ستكون متوافره بالتوكيل ....

اممممممممم
انا افتكرتها ال اف 3

الموضوع: شكراً جزيلاً شركة الامل للسيارات.....

LinkBack

أدوات الموضوع

عرض

-

-

-

-

المواضيع المتشابهه

مفاجئة شركة الامل

ضاع الامل في شركة الامل

شكرا شركة الامل

مفاجأة شركة الامل بالاسكندريه

شكراً الشركة العالمية للسيارات.....رينو مصر

الكلمات الدلالية لهذا الموضوع

المفضلات

المفضلات

ضوابط المشاركة