طلب مساعدة في السيراتو

**a_elbosaty** · 13-09-2011 09:47 PM

السلام عليكم
الحمد لله جبت سيراتو 2011 فرش جلد.
المشكلة دلوقتي إني عايز احافظ على الفرش دة وكمان أحافظ على الأرضية.
إيه مقترحات حضراتكم؟ هل أجيب تلبيسة ولا أركب فرش جلد فوق الجلد؟ ومنين؟ أنا محتار.

>>>>>>>>>>>>كمان عايز أجيب غطاء كويس للتابلوه يكون مخصوص للموديل دة أجيبه منين؟<<<<<<<<<<<

ياريت اللي عنده معلومة يفيدني وجزاكم الله خيرا

**ashouhdy** · 13-09-2011 09:53 PM

اولا الف مبروك على العربية ثانيا بقى يعنى اللى عندة فرش قماش بيركب جلد عشان يحمية وانت عندك جلد اصلا وعايز تركب جلد تانى !! انا شايف انك كدة مزودها شويتيين وحتضيع هيبة وجمال العربية الفبريقة بفرش جلد بتلاتة تعريفة

**ashouhdy** · 13-09-2011 10:35 PM

الله يبارك فى حضرتك يأستاذى الفاضل انت الفرش عندك جلد يعنى فى البنزينة بشوية سبراى جلد حيرجع زيرو تماما

انا عندى الفرش قماش و كمان بيج ! بس مش حركب جلد غير لما يتبهدل تماما ... لازم نستمتع بنضافة وشياكة العربية كدة

غير بقى ان فرش التابلوة لية ؟؟ التابلوة بتاع السيراتو ماشاء الله شيك جدا لو غطيتة يبقى كدة مستمتعتش بحاجة خالص

خدها منى .... هى فرحة الزيرو بتيقى كدة بنتجنن فى اول اسبوعين بعد كدة بتكون طبيعى تانى :))))

**egyptiandiver** · 13-09-2011 11:44 PM

ركب للزجاج عازل لايشاعات الشمس و لو نوع كويس بيكون فيه ultra-violet بلوك بيقلل جداً تأثير الأشعة للشمس على الفرش و التابلوه - فيه إعلان عن نوع صن بلوك و شكلو كويس.

**a_elbosaty** · 14-09-2011 01:28 AM

المشاركة الأصلية كتبت بواسطة ashouhdy

الله يبارك فى حضرتك يأستاذى الفاضل انت الفرش عندك جلد يعنى فى البنزينة بشوية سبراى جلد حيرجع زيرو تماما

انا عندى الفرش قماش و كمان بيج ! بس مش حركب جلد غير لما يتبهدل تماما ... لازم نستمتع بنضافة وشياكة العربية كدة

غير بقى ان فرش التابلوة لية ؟؟ التابلوة بتاع السيراتو ماشاء الله شيك جدا لو غطيتة يبقى كدة مستمتعتش بحاجة خالص

خدها منى .... هى فرحة الزيرو بتيقى كدة بنتجنن فى اول اسبوعين بعد كدة بتكون طبيعى تانى :))))

خلاص أنا إقتنعت فعلا بموضوع الفرش والتابلوه دة.... خلينا نفرح بالزيرو شوية.
أشكرك شكرا جزيلا.

**a_elbosaty** · 14-09-2011 01:30 AM

المشاركة الأصلية كتبت بواسطة gazzar91

أقوللك الحق و ماتزعلش مني
أنا بدخل في اليوم مش أقل من 10 عربيات سيراتو (على أقل تقدير) و لما بشوف حد حاطط للهاي لاين-بالذات- كسوة على الفرش الجلد بيتقال عليه تعليقات مش هتحب تسمعها و ده من اللي يشتغل في العربية
مش قصدي أوجه لحضرتك أي حاجة بس فعلاً حرام الفرش ده ماتستمتعش بيه
و الأطفال مش هيعملوا فيه أي حاجة.... هيبقعوه مثلاً؟؟
و بالنسبة لموضوع غطاء التابلوه ده فأنا مش عارف قصد حضرتك ايه

ربنا يديك خيرها و يكفيك شرها و يديمها عليك و على أهل بيتك نعمة
في رعاية الله

معاك حق في كلامك فعلا انا كنت باتريق على اللي بيركب جلد فوق الجلد بتاع الفابريقة بس لما جبت الزيرو لقيت نفسي بفكر هههههههه, بس رجعت فيها خلاص
وشكرا جزيلا على الدعوة الحلوة دي.

**a_elbosaty** · 14-09-2011 01:32 AM

المشاركة الأصلية كتبت بواسطة egyptiandiver

ركب للزجاج عازل لايشاعات الشمس و لو نوع كويس بيكون فيه ultra-violet بلوك بيقلل جداً تأثير الأشعة للشمس على الفرش و التابلوه - فيه إعلان عن نوع صن بلوك و شكلو كويس.

هي فكرة حلوة فعلا بس ممكن حضرتك تقولي على محل كويس تعرفه في القاهرة يركبهولي؟ وشكرا للنصيحة.