سوال الي الاخوه الافاضل مالكي الاسبرانزا

**bontee77** · 26-04-2007 02:18 PM

اولا سمعت قبل كده ناس بتتكلم عن حاجه اسمها تطبيل يعني بيقولوا ان الاسبرانزا بتطبل انا مش عارف معنى الكلمه دي ويقصدوا بيها ايه
ثانيا اقصى سرعه ممكن تجيبها بالاسبرانزا كام يعني في حد قفل عداد السرعه قبل كده؟؟؟؟؟
رجاااء افيدونا

26-04-2007 02:56 PM

واما عن التطبيل فذة كانت مداعبة من الاستاذ خالد ابو النجا--يعنى لا يوجد حاجة اسمها تطبيل --هزار --واما عن موضوع تقفيل عداد السرعة --انا شخصيا لم ولن افعلها --واعتقد ان معظم مالكيها مثلى --معظمنا يريد ان يعود الى بيتة سالما --ولكن وحتى اكون صادقا معك --مرة واحدة لم اشعر وسرحت وانا على الطريق الدائرى وفوجئت ان العداد وصل 140 --وانا لم اقصدها ولم اشعر بها --يعنى تقدر تقول سرحت شوية --

**zordon41** · 26-04-2007 03:07 PM

انا مش عارف هل اللي انا بشعر بيه في العربية ده ممكن يتسمي ايه....تطبيل-تسقيف
عموما انا بحس بالكلام ده و اما علي التاني.
العربية مش ناعمة اوي في النقلة من الاول للتاني

بالنسبة للسرعة، معتقدش ان في طريق في مصر يستحمل اكتر من 170-180
انا شخصياً و للحظات جبت 172 علي طريق مصر اسكندرية

26-04-2007 03:15 PM

يا جماعة صدقونى ما فيش طرق فى مصر تصلح للقيادة بهذة السرعة الخرافية ولا نظام مرور-- ولا قاون يحمى مثل هذة السرعات --دة انت بتسوق ممكن على 40 او 50-وقلقان من غلطات الغير --

**aamerbebo** · 26-04-2007 05:04 PM

بالنسبة للتطبيل فهذه كانت كذبة ابريل التي امتعنا بها الاستاذ خالد ابو النجا وبعد صراع مرير ومناققشات عن التطبيل قال ان دي كذبة ابريل :
وبالنسبة لموضوع السرعة فقد رأيت شخص ما واعتقد انه اول واحد في مصر يعمل صيانة 250000 كيلو
وقد قال لي انه جاب 205 على الطريق الدولي وكانت العربية ثابتة جدا على كلامة.

**aboaya** · 27-04-2007 01:11 AM

205 دي هي كذبة ابريل يا امر مفيش عربية 1600 سي سي ممكن تجيب اكتر من 190 كم /س الا لو تربو
وانا متاكد من اللي انا بقوله واللي مش مصدق يجرب
ممكن عربيات المؤشر يركن بعد ال 170 كم /س و يسجل قرايه اكتر من الواقع
م / تامر نبيل

**Karim_Monir** · 27-04-2007 03:16 AM

طب يا باشمهندس تامر انا بالريو اتصورت رادار علي الطريق الدولي الساحلي قبل كمين الحمام شهر 8 اللي فات
عربيتي 1400 2 كامة 16 صباب
ايه رايك بقي
الؤشر ركن ولا الردار لقطني غلط
ومصور امبير العربية بالموبيل وبعتة للناس اللي شككت فيا قبل كدة
ورخصتي اتحبت من اسبوعين 167 بعد ما لمحت الرادار ودوست فرامل لاني كنت ماش اكتر من 180

المواتير الجديدة حاجة تانية خالي غير القديمة
المهندس التكنيكال سبورت في كيا قاللي انه جاب بال عربية زي بتاعتي 210

لا تعليق اكتر من كدة

كريم منير

27-04-2007 03:38 AM

يا جماعة ارجوكم لا تبالغوا فى القيادة بسرعات كبيرة لان بها خطورة عليكم وعلى غيركم مهما كنتم مهرة فى القيادة قد يكون غيركم اقل خبرة -ومهما كانت السيارات حديثة او كبيرة او صاحبة امكانات عالية ---الاعتدال افضل صدقونى --ولى تجربة افضل عدم البوح بها --ولكنها كانت تجربة مريرة--ربنا يحافظ عليكم جميعا-

**aboaya** · 27-04-2007 04:22 AM

يا جماعة اذا على السرعة كل عربية في مواصفاتها الفنية مكتوب السرعة القصوى للمحرك في افضل ظروف التشغيل
وفي شوارع افضل من عندنا ميت الف مرة
واللي مش مصدق يرجع لكاتالوج سيارته