الموضوع: ثانى يوم اسود في مودرن ابورواش و ال ايه ضمان علي الاكسسوارات

مش ناقص انى افتح المنتدى الاقى ahmed tv عامل موضوع بيشتكى فيه من صيانة نيسان
الموضوع كده زاد فى اغلب المراكز فى حاجة مش مظبوطة لازم وقفة مع نيسان
الى معاه ايميل نيسان الام فى اليابان ياريت يكتبه فى موضوع لوحده
و الى عايز تليفون حد من المديرين بتوع نيسان ايجيبت يبعتلى على الخاص سواء مبيعات او خدمة ما بعد البيع ولازم يكون تصرف جماعى مش كل واحد لوحده
هما يظهر الفترة الى فاتت المبيعات عملت معاهم شغل ولا ايه و مش عايزين العملاء القدام ولا ايه انا مش فاهم فى حاجة غريبة فعلا و سكتنا حيبقى الاستهتار ده العادى
و بعدين اسعار قطع الغيار و المصنعيات برده لازم تنزل لان اسعارها مبالغ فيها بالمقارنة بالتوكيلات الاخرى لانى بقارنها بالى زيها تقفيل محلى و الى زيها مستورد
احنا المفروض اساسا على اسعار العربيات فى بلدنا و اسعار قطع الغيار الاصلية فى التوكيلات ميبقاش فى حاجة اسمها مصنعية و كفاية تمن قطع الغيار
ده فى توكيلات فى دول عربية بتعمل صيانة مجانية طول فترة الضمان يعنى تروح تعمل الصيانة و متدفعش ولا مليم و مرسيدس فى مصر عملتها من سنة تقريبا
مش شركة تعمل حملة فحص مجانى و توزع عليه فلتر تكييف الى المفروض تنزل العربية بيه اساسا لانه حاجة اساسية و خصم على الصيانة فى محافظة واحدة بس و نقول ماشى و نسافر و بعدين يقولك الخصم ده للقاهرة فقط ده يبقى اسمه استهبال و بعدين الخصم ده خصم تافه اقسم بالله دفعته تليفونات للرقم المختصر بتاعهم الى مبيطالبش غير من الموبايل و يرد عليك موظف ساذج يخليك تبقى عايز تغلط فيه لانه معندوش فكره انت بتكلم فى ايه
و بعدين موضوع المرايا التيوانى دى المفروض كانت اترمت و يركبوا واحدة جديدة لان برده سعرها مبالغ فيه (تايوانى) امال لو لو كانت يابانى كانت حتبقى بكام و بعدين ازاى توكيل لعربية يابانى يحط اكسسوارات تايوانى ده يضع الشك و الريبة ان من الممكن ان تكون قطع الغيار الى عندهم كمان تايوانى

لك الله يا مصر